ازاي اخد موقف من حد وجوده مهم بالنسبالي لكن وجودي مش مهم بالنسباله
لو نَفسِك أهم عندك من الشخص ده ف أنصحك بالتالي: - ورقة وقلم ونقسم الصفحة بالطول وبعدين بالعرض بحيث يبقى عندنا 4 مربعات. - فوق ع اليمين اكتبي الشخص ده بتقدميله ايه بالظبط ف حياته .. قصادها اكتبي هو بيتعامل مع ده ازاي سواء رد فعل أو تقبل للفعل نفسه. - تحت ع اليمين اكتبي انتي منتظرة ايه من الشخص ده .. قصادها اكتبي هو بيقدملك ايه من الحاجات دي. - بعدها قارني وشوفي ايه أهم وعيدي ترتيب أهميته. لو تحبي شاركينا وصلتي لإيه ونساعدك أكتر.
تم النشر الأربعاء، ٧ سبتمبر ٢٠٢٢
الموقف محتاج تاخده مع نفسك بانك تخرج الشخص ده من دايرة اهتماماتك وتكون فعلا مش مركز لاى تفاصيل تخصه
تم النشر السبت، ٢٧ أغسطس ٢٠٢٢
اهلا ومرحبا بك.. مفيش حب من طرف واحد سوي أبدا. يعني لو هتقولي أنك بتحبيه مثلا وهو مش مهتم، ف ده مش حب، ده وهم. وعن ازاي تاخدي موقف، ببساطة شديدة تعرفي حقيقة مشاعرك بجد، تعرفي أن الحب لازم يكون فيه عطاء متبادل. فكري في الصورة من بره، فكري في نفسك، كرامتك، فكري في العلاقة نفسها، أن العلاقة ديه مش هتاخد أي منحنى جدي ابدا. فكري أن تستحقي حب بجد، انتي تستحقي حاجه أحسن من كدا.
تم النشر الاثنين، ٢٦ سبتمبر ٢٠٢٢
بالتحاهل ...سيدنا علي قال عامل الناس كما تحب أن يعاملوك فالي هيعاملك بحب وود واهتمام عامليه بالمثل والي هيعاملك بالعكس عامليه زي ما بيعاملك لكن متسبيش حد يتعامل معاكي بفوقية
تم النشر الأربعاء، ٢٣ نوفمبر ٢٠٢٢
بالتجاهل والانشغال بما هو أهم
تم النشر الأحد، ٤ سبتمبر ٢٠٢٢
هتختاريه على حساب نفسك وكرامتك؟؟
تم النشر الاثنين، ٥ يونيو ٢٠٢٣
مادام للاسف وجودك مش مهم بالنسبة له فالحل في التجاهل .. لو شعر انك بعدتي وسالك ممكن ساعتها توضحيله اللي مضايقك
تم النشر الخميس، ١ ديسمبر ٢٠٢٢
لعرض السؤال في فدني اضغط هنا