ليه انا الي وحشه عند الناس؟
ليه لما بهزر مع حد بيزعل لو أنه هزار عادي ولما اجي اصالحه رغم أنها حاجه مش بتزعل يقول عني مستفزة وفي الاخر ميصالحنيش رغم أن الحد لما يهزر معايا نفس الهزار ببقى عادي بضحك وبهزر ولو عامل حاجه بتضايق بعمل نفسي عادي وانا متضايقه ومش ببين علشان بحس هبان تافهه.
وحوار اني اروح اصالح حد تقيل عليا مش علشان كرامه أو كدا، لا انا مش بعرف اتعامل مع الناس، انا بعيط من أقل حاجه من مجرد نظره من الناس بعيط، مش بعرف اتعامل.
لما بمشي لوحدي الشارع بتوتر وبفكر كتير في اللي حواليا واني وحشه وعمري ما اتحب لدرجه اني شفت واحد شب عادي قاعد علي كرسي متحرك قلت في سري حتي دا مستحيل يحب واحده زيي.
لو حد من اصحابي قالي كلمه حلوه مش بعرف ارد اقول ايه ولا اتعامل ازاي، حتي عيلتي لو حد جيه يكلمني في كلام مهم او يقولي اعملي حاجه بفضل اهبل في الكلام ومش ببص في عينهم انا بتعامل معاهم عادي واكتر كمان، بس في وقت الجد مش بعرف ابص في عينهم وبتوتر وانا مش عامله حاجه.
ولو حد غريب بصلي بفضل اقول في سري ليه بتبصلي كدا مش عاوزه حد يبصلي بحس انهم مش بيحبوني.
اه اتعرضت لتنمر وانا صغيره وساعات كنت بتضرب في المدرسه وبيخلوني اعمل حاجات غصب عني ورغم كدا برجع البيت وبضحك علشان مبينش لاهلي ولحد دلوقتي مش بعيط قدام حد بدخل في اي حتي لوحدي واعيط ولما اتخانق مع اهلي بتنرفز اه وكدا وفي الاخر يقولي احنا عارفين كل حاجه عنك.
طب انتو عارفين ايه عارفين عياطي عارفين اللي كان بيحصلي وانا صغيره عارفين ولا ايه بقا حتى وانا صغيره كنت لما بقولهم اروح لبيت واحده صحبتي يقولي لا مينفعش لكن لما يبقي ورايا درس في بيت واحده صحبتي انا مش بحبها يودوني عادي رغم اني قلت لهم مش عاوزه اروح يقولوا روحي دي صاحبتك ويقولوا واثقين فيها وهما مكنوش يعرفوا ايه الي بيحصل.
كانت بعد الدرس بتستغلني وتعمل معايا حاجات وحشه غصب عني وكنت بكرههاولما بصاحب واحده حلوه يقولوا لا دي وحشه اعمل ايه؟
مش عارفه، مبقتش عارفه اعمل ايه.
طب هو انا الي وحشه في حياتهم انا الي مستهلش او عملت حاجه بقيت كل ما ببص في المرايه اقول لنفسي ايه القرف دا مبقتش احب نفسي حتي بنزل بالعافيه في الشارع إجباري علشان الجامعه غير كدا مكنتش نزلت
في البداية أحب أقولك شيء مهم في التعامل مع الناس فيه أشياء انتي نفسيتك وطبعك تتقبلها كهزار لكن غيرك ممكن ميقبلوش أو كلمة برضه بعشم ممكن غيرك ميقبلهاش وانتي نفس الشيء ممكن هزار وتصرفات تانية ناس تقبلها وانتي متقبليهاش ربنا خلقنا مختلفين عن بعض فاحنا نفهم اللي حوالينا ونحاول نحافظ على العلاقة إذا كانت علاقة مفيدة في حياتنا، واعتبري الناس اللي فقدتيهم في حياتك دروس مش أكتر وأكيد فيه ناس شبهك تفهمك وهتلاقيهم ، وأنا متفهمة معاناتك في حياتك دا أكيد الأشياء اللي حصلت معاكِ تركت أثر سلبي فيكي وفي حياتك، وأكيد الأهل كانوا فاكرين إنهم بيعملوا اللي فمصلحتك، أتمنى منك إنك تتعاملي مع نفسك على إنك شخص جميل وأن اللي زيك أشخاص جمال كمان انظري لنفسك بشكل إيجابي عشان تكوني انتي الشخص الايجابي الاول في حياتك وأجواء الجامعة هي بيئة خصبة لتكوين صداقات جديدة والتعرف على ناس جديدة فمن وجهة نظري حاولي تجددي في حياتك والناس حولي تكوني دايما في صورة انتي تحبيها لنفسك وأنا متأكدة انك تستاهلي الحب وهتلاقيه
تم النشر الأحد، ١٠ نوفمبر ٢٠٢٤
عزيزتي، أولاً أود أن أقول لك إن مشاعرك وتجربتك تستحق الاحترام والتفهم. يبدو أنك تمرين بوقت صعب للغاية، وقد تسبب لك تجاربك السابقة شعورًا متزايدًا بعدم الأمان وعدم الثقة بالنفس، وهذا أمر طبيعي بعد ما تعرضت له. من المهم أن تدركي أن ما تمرين به ليس خطأك. التنمر والتجارب السلبية في الطفولة يمكن أن تترك آثارًا عميقة، ويستغرق الأمر بعض الوقت لمعالجتها. كما أن هناك العديد من الناس يشعرون بنفس الطريقة التي تشعرين بها، مما يجعلك لست وحدك في هذه التجارب. بادئ ذي بدء، حاولي أن تعملي على بناء ثقتك بنفسك خطوة بخطوة. يمكنك البدء بتحديد نقاط قوتك والاعتراف بها، مثل الأشياء التي تحبينها في نفسك، أو مواهبك، أو المهارات التي تتمتعين بها. عندما تبدأين في رؤية الإيجابيات، يمكن أن يساعدك ذلك في إعادة بناء رؤيتك لذاتك. أما بالنسبة للتعامل مع الآخرين، يمكنك محاولة التركيز على تحسين مهاراتك في التواصل بشكل بسيط، مثل البدء بمحادثات قصيرة، أو إظهار الاهتمام بالآخرين، بدلاً من التركيز على كيف يرونك. تذكري أن الجميع يمرون بلحظات من الخجل أو التوتر. إذا شعرت بأن مشاعرك تؤثر على حياتك اليومية بشكل سلبي كبير، سيكون من الجيد التفكير في استشارة مختص نفسي. يمكنهم مساعدتك في تقديم استراتيجيات وأدوات للتعامل مع مشاعرك وتحسين ثقتك بنفسك. لا تفقدي الأمل في نفسك أو في الآخرين. لكل شخص قيمة، ومن المؤكد أن لديكِ قيمة كبيرة تستحقينها. أنصحك بالاستمرار في البحث عن الدعم، سواء من الأصدقاء، العائلة، أو المختصين، حتى تشعري بتحسن. انتِ تستحقين الحب والرعاية.
تم النشر الأحد، ١٠ نوفمبر ٢٠٢٤
عزيزتي لم يخلق الله انسانآ وحشآ ولا تدعي تجارب سابقه ان تدع بك عقده لا يمكن حلها عزيزتي كوني انتي كوني نفسك ولا تنظري لكلام احد ولا لأي أحد تذكري قيمه نفسك واحمديها ان الله خلق الإنسان في أحسن تقويمآ بدل من الجلوس وتفكير بتلك الطريقه فكري في طريقة إيجابية وتقربي من الله عزيزتي هداك الله لا أعلم كيف لفتاة تملك قلب ابيض تتكلم هكذا عن النعم التي أعطاك الله اياها وانعمها عليك.
تم النشر الاثنين، ١١ نوفمبر ٢٠٢٤
ليه
تم النشر الخميس، ١٤ نوفمبر ٢٠٢٤
ممكن اتواصل معاكي
تم النشر الخميس، ١٤ نوفمبر ٢٠٢٤
لا لا اوعي تفكري كدا واتعاملي عادي
تم النشر الأربعاء، ١٣ نوفمبر ٢٠٢٤
لعرض السؤال في فدني اضغط هنا