السلام عليكم ، انا والدي و اخي متوفيين و عايشه مع والدتي و ليا اخت متزوجه ، بعد وافاه ابي و اخي بقت تركز مع معاملتي مع اللي حواليا مع ان طبعي هو هو ، يعني لو حد طلب حاجه بتاعتي شخصيه موافقتش تعترض و تقولي انتي كده وحشه و هتبقي لوحدك و مش هيكون في حد حواليكي و هتعيشي وحيده ، سألتها هو مينفعش اقول اه او لا في حاجتي الشخصيه حتي ، بس هي شايفه ان كده معاملتي وحشه و بكرهه الناس فيا و هعيش وحيده طول عمري ، هل هي فعلا صح ؟ و مش عارفه هي فاهمه ان كلامها دا بيئذيني نفسيا ولا لأ و هي مش اول مره تقولي و تتكلم معايا عن الموضوع دا كل خلافاتنا بسبب كده بس هي بتجرحني جدا بكلامها
بصي هو علي حسب الحاجه الهي طلبتها منك يعني مثلا لو حد معاه استيكه بتاعته هو يعني حاجته هو الشخصيه وحد طلبها منو محتاجها هينفع يديهالو ولا لا؟؟ اكيد ينفع... هي لو طلبت منك حاجه بتاعتك وعايزه تاخدها سلف وترجعهالك تاني معادا لبسك وكده عشان ممكن لا قدر الله تعملك سحر او كده ب اللبس لا بس اي حاجه تانيه هتستلفها وترجعهالك تاني عادي اديهالها
تم النشر الجمعة، ١٨ أغسطس ٢٠٢٣
الحاجات الشخصية .. هي هتظل شخصية يعني مينفعش حد يشاركها معاكي .. وطبعا ليكي الحرية بانك تقبلي او ترفضي طبعا. والدتك اكيد كبيرة في السن ف حاولي تستحمليها وتستحملي طبعها .. وحاولي تفهميها بهدوء. هي ممكن تكون بعد وفاة والدك واخوكي قلقانة عليكي شوية، وخايفة عليكي بانك مثلا تكوني وحيدة او معندكيش حد، هي بطريقتها البسيطة عايزة تقولك خليكي قريبة من الناس علشان محدش دايم برضه، ف طريقتها هي مجرد خوف عليكي مش اكتر. حاولي تطمنيها اكتر، وتاخدي الامور على محمل الخوف والقلق عليكي .. مش الاذي
تم النشر السبت، ١٩ أغسطس ٢٠٢٣
لعرض السؤال في فدني اضغط هنا