أدعو الله ان يفرج همي منذ 6 سنوات و أتحرى ساعات الاستجابه و لم يحدث اي تغيير 6 سنوات من الألم و القهر بذلت أقصى ما بوسعي بذلت روحي و استهلكتها دون أي جدوى و بدأ اليأس يتملكني و لم أستطع قبول وضعي الحالي و لا تغييره هل لديكم نصيحة تفيدني او شخص مر بتجربتي
الدعاء محتاج يقين ...يقين مش كلمة...يقين حقيقي بان انا بدعائى اعطيت الامر لله كله وانا عندى تأكد ثابت لا احتمالات فيه ان ربنا هو ترتيبه لحيااتى هيكون الافضل. من اكبر الافكار اللى محتاجة مجاهدة جوه النفس ...فكرة اننا نتقبل النتاايج مهما كانت لاقتناعنا التام ان ربنا يريد لينا بيه الخير رغم ان ظاهره سىء ... التقبل الحقيقي بيبعث على النفس الهدوء ( مش البرود ) بكون من جوايا زعلان وحزين بس مش بغلى ...عشان متقبل..واللى بيحصل معايا انا متأكد انه من ربنا وان كل الاسباب الأرضية دى هى بعلمه ومشيئته...وليه حكمته فيها. الكلام بيبان صعب انا عارفه وانه مستحيل ....( بس هو جزء من الايمان ) الايمان بشىء غير ملموس صعب الايمان بالملائكة مثلا ..واحنا مشوفنهاش ...بس مش بنشكك فى وجودها.... الايمان بحكمة ربنا بردوا كده ...رغم اننا مش شايفنها ...بس لما يكون مفيش حتى شك واحد فى المليون انها موجودة ولمصلحتنا كمان....اليأس هيبقي صعب يتغلغل جوانا. انا بقول كل ده عن تجربة حقيقية وشخصية ومش مجرد دعم نفسي مبنى على معلومات وخلاص. باب الصابرين مش سهل عشان الصبر مش سهل فعلا. انتظار ما لا اعلم .. شىء متعب ..بس نتيجته وجزاءه كبييير ....وهذا لا يتعارض مع استمرار الدعاء لاخر نفس...الدعاء مناجاه والله يحب صوت مناجاة عباده لانه دلاله على حبهم ويقينهم فى انه الواحد القادر.
تم النشر الثلاثاء، ١ أغسطس ٢٠٢٣
عايزة بس اوضح لحضرتك نقطة انه دايما خلي عندك يقين بالله انه عمره م هيحطك ف ضغط او تجربة صعبة ، الا لما يكون عارف كويس اوي انك قدها + مش شرط اننا اول م ندعي ربنا ب حاجة انها تستجاب علطول و لا حتي بعدها ب ايام او اسابيع او شهور او حتي سنين ، ممكن الدعوة دي اه محققتلكيش اللي انت بتتمنيه حاليا بس ممكن تكون رفعت عنك بلاء اكبر كان هيصيبك و انت ماتعرفيش ؟ مم كن تكون الدعوة دي استجابت لك ف رزق اوسع بكتير من اللي كنت تتخيليه ؟ و حاجات تانية كتييررر و حتي فرضاً ي سيتي لو الدعوة دي ماستجابتش ف الدنيا دي خالص ، ف انت ممكن ف الآخرة تدخلي الجنة بسبب دعوتك اللي ماستجابتش دي او صبرك ف الدنيا ع البلاء ! بس مافيش ابدا دعوة انت بتدعيها لربنا كدا من كل قلبك و مش بتستجاب ، مافييش . كل الدعاوي عند ربنا مُجابة فعلا ، بس بتستجاب ب اشكال و ظروف مختلفة محدش يعرف عنها حاجة غير ربنا و رب الخير دايماً لا يأتي الا بالخير 🤍🤍. و نسأل الله انه يريح قلبك و يفرج همك و يستجيب لدعواتك ف اقرب وقت ممكن و يزيدك من كرمه و فضله و نعمته 🤍🤍🤍 .
تم النشر السبت، ٥ أغسطس ٢٠٢٣
ايه هو سبب المشكلة بالظبط معاك/ي؟
تم النشر الثلاثاء، ١ أغسطس ٢٠٢٣
لعرض السؤال في فدني اضغط هنا