كنت مقتنعة جدا و مبسوطة بالعريس اللى جايلى لحد ما قعدت مع صحابى و قعدوا يقولولى انتى مستعجلة على الجواز و كنت بقولهم مش مستعجلة و من ساعتها حاسه اننى كارهة الموضوع مع اننى مقتنعة تماما ان ده مش استعجال بس بقيت بتضايق من الموضوع و كارهاه و حاسه اننى مش مقتنعة
مش عارفه انا ليه حاسه كده مع اننى كنت معجبة بيه جدا جدا فى الاول قبل ما اقعد معاهم (انا لسه شايفاه شخص محترم بس نفسى اتسدت جامد)
ممكن تكوني من النوع اللي بيتأثر سلبًا بتعليقات وآراء الآخرين. اركني كلام صحباتك على جنب وركزي مع الشخص وادرسيه كويس في فترة الخطبة، ما دام كان فيه قبول وإعجاب وأنتِ مقتنعة وما زلتِ فخلاص صلي استخارة وكملي وسيبك من كلامهم. ادرسي دينه وشخصيته وأخلاقه كويس وشوفي إذا يصلح يكون زوج ولا لأ. إذا كان اعتراضهم كله على مسألة إنك مستعجلة على الزواج وممكن تكوني ما زلتِ بتدرسي بالجامعة فأنتِ من البداية مكنش عندك مشكلة فمتخليش ده عائق، ومش معنى الخطبة إنك هتقومي تتزوجي بكرة، أكيد هيكون فيه وقت لسه للخطبة والتجهيز للزواج. صلي استخارة وإن شاء الله اللي فيه الخير ربنا يعمله. بالتوفيق.
تم النشر الاثنين، ٢٤ مارس ٢٠٢٥
ملكيش دعوة بحد ممكن ترفضيه وممكن يتقدملك عرسان كتير بعدين وتحسي أنك مش مرتاحه ومش موافقه وبعدين كل واحد واختياره هو بيحب ايه وبيكره ايه هي ازواق كل واحد ليه زوقه الخاص انتي شايفه أنه مناسب افرض رفضتيه ورجعتي ندمتي بقي صحابك هينفعوكي وعلي فكره مش شرط يكون صحابك بيحبوكي ممكن يكونو مش بيتمنولك الخير وممكن يكون عقلهم صغير مش عارفين ايه الكويس وايه الوحش المهم أنه يكون شخص بيتقي الله وعارف ربنا ومايكونش بخيل أو عينه زايغه أو شكاك أو قماص وكده
تم النشر السبت، ٢٢ مارس ٢٠٢٥
عزيزتي، أقدر مشاعرك وأفهم ما تمرين به. من الطبيعي أن تتأثري بآراء الآخرين، خاصة من المقربين لك. قد يكون لهذا التأثير دور في تغيير وجهة نظرك أو مشاعرك تجاه الموضوع، وهذا لا يعني أنك غير مقتنعة بالعريس أو أنه ليس مناسبًا لك. تذكري أن هذا القرار هو قرارك وحدك، ويجب أن تأخذي الوقت الكافي للتفكير في مشاعرك وأفكارك بعيدًا عن آراء الآخرين. من المهم أن تجلسي مع نفسك وتفكري في ما يجعل قلبك مطمئنًا. تأملي في الأمور التي أعجبتك في العريس في البداية، وحاولي أن تتواصلي معه بصراحة لتوضيح مشاعرك. إذا استمر شعورك بعدم الارتياح، فقد يكون من الجيد أن تأخذي فترة من التفكير والتأمل قبل اتخاذ قرار نهائي. استمعي إلى قلبك، وكوني صادقة مع نفسك. إذا شعرت بأن هناك قلقًا كبيرًا، يمكنك دائمًا التحدث مع شخص تثقين به للحصول على دعم إضافي. وفقك الله لما فيه الخير.
تم النشر الجمعة، ٢١ مارس ٢٠٢٥
مش كل الناس هتتمني ليكي الخير صلى استخاره الأول ولو خير خدي الخطوه طالما شايفه انو شخص محترم دي فرصه والفرصه اللي بضيع احتمال مترجعش لو على الحماس اللي ضاع فده طبيعي جدا علشان بس هما قفلوقي من الحوار مش اكتر وحماسك هيرجع واحد واحده عادي لو انتي وعيلتك شايفين الموضوع كويس وانك مش صغيره ولا لسه بدري والكلام ده خدي الخطوه وحاولي تعرفي هما صحاب كويسين بجد ولا لا وكد كده انتي مش هتتجوز بكره لسه قدامك وقت ولسه خطوبه ووقت تتعرفي فيه عليه وتاخذي وقتك في التفكير
تم النشر الأحد، ٢٣ مارس ٢٠٢٥
لعرض السؤال في فدني اضغط هنا