ربنا خلقنا في أحسن صورة لينا و خلقنا كلنا مختلفين عن بعض و احنا اودام ربنا يوم القيامة مش بالشكل إنما بالأعمال، انتي حلوة زي ما انتي و ربنا خلقك شكلك جميل لان ربنا مبيخلقش حاجة وحشة و لو انتي حاسة عكس كده ف احساسك غلط، ممكن تجيبي منتجات عناية بالبشرة و عناية بالشعر و تهتمي بنفسك ده هيزود ثقتك بنفسك، بس انتي جميلة زي ما انتي و الناس اللي بتقولك كلام حلو هي بتقول اللي شايفاه فعلا، ايش عرفك انهم بيضحكوا عليكي؟ و كمان ايا كان وزنك انتي برده جميلة، متحطيش في دماغك فكرة الوزن المثالي أو مقاييس الجمال كذا و كذا و كذا، كل ده شيليه من دماغك مفيش حاجة اسمها مقاييس جمال ولا الشكل المثالي ولا الوزن المثالي، كل بنت حلوة زي ما هي زي ما خلقها ربنا و كل بنت ليها جمالها الخاص و مش لازم الجمال يكون في الشكل ممكن يكون في الأخلاق و الأعمال و السلوك، انتي بس محتاجة تغيري طريقة تفكيرك، شيلي الأفكار السلبية من دماغك و حطي مكانها افكار إيجابية، انتي جميلة زي بقيت البنات و متقارنيش نفسك بحد لان كل واحد فينا مختلف عن التاني و مينفعش كلنا نكون زي بعض، انتي حلوة و صحبتك حلوة و كل البنات حلوين فمتفكريش كتير انك وحشة و استعيذي بالله من الشيطان الرجيم لان دي وساوس.
تم النشر الخميس، ٢٥ أبريل ٢٠٢٤
3 تعليق
ممكن تستشيري طبيب نفسي يقولك على طرق علاج
تم النشر الخميس، ٢٥ أبريل ٢٠٢٤
انا حتي مش بحط ميكب خالص عشان بحب ملامحي بس مش فاهمه اي الصوت دا وليه هو اوڤر كدا لما بس باكل قطعة شوكلاته عادي
تم النشر الخميس، ٢٥ أبريل ٢٠٢٤
المشكله اني عارفه كل دي وبحس أن الأفكار دي في مخي انا بس صدقيني مش بقدر اسيطر عليها ..واصلا من هوسي بجيب اغلي منتجات للبشره ..بجد نفسي الصوت اللي فمخي دا يسكت بس غصب عني
تم النشر الخميس، ٢٥ أبريل ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك