انا شاب عمري ٢٦ عام ابي لسه متوفي من سنه بالظبط و في خلال الفتره دي اتعرفت على انسه كانت حاجه كويسه جدا لكن حسيت منها انها بتحاول تلعب بعواطف اللي قدامها و انها مخبيه شخصيه مختلفه عن اللي هي عليها و بتوريني وش مختلف عن حقيقتها و حصل موقف و وشها الحقيقي ظهر و سبنا بعض،
انا حاليا متألم جدا لكل الاسباب لاجل ابي و لاجل ذكرياتي مع البنت دي، دايما مخنوق و بفش غلي في الاكل و احيانا بتجيلي نوبة غضب جسمي كله بيسخن من كتر العصبيه، و وقتها يا اما انام لو عرفت او افضل اكل افش غلي في الاكل و بينتهي اني بنام بعده برضه،
لو في حد مر بحاجه زي كده ياريت يفيدني أخرج ازاي من الدوامه دي و خصوصا اني حاسس ديما بالوحده، و احيانا بحس بصغر النفس او اني شخص ماتحبش علي الرغم من اني مهندس و ليا مكانتي و إنسان محترم على المستوي الشخصي بشهاده اللي اعرفهم، وشكرا مقدما
السلام عليكم انا هحاول اكلمك كلام راجل ده راجل يعني؟ الرجل ما بيخليش سعادته وشقائه في الحياه مرتبطه بامراه هقول لك بتشعر يعني لو ليك في الشعر او اللغه العربيه حاول تفكر فيه كويس بيقول "وانما رجل الدنيا واحدها من لم يعول في الدنيا على رجل" حاول تستبدل الرجل اللي في الشطر الثاني بامراه يعني ما تخليش لا تعول على امرأة المرأه الوحيده اللي تستحق انك تربط سعادتك وشقائك بها يعني هي والدتك لان برك بوالدتك ممكن يتوقف عليه سعادتك في الحياه او شقائك لا قدر الله يعني الوالدة لا تعوض لكن اي امراه اخرى في الحياه تعوض وللاسف الثقافه يعني اللي انت متواجد فيها الاغاني والافلام وكل حاجه بتديك الوهم ده حياتي قبلك ندم وحياتي بعدك عدم والكلام ده كله الكلام ده كلام فاضي. تمام الراجل الحقيقي لا يربط سعادته شقائه باي امراه تمام لو كان العلاقه دي حصل فيها اي تجاوز في حدود الله لا قدر الله زي ما بيحصل في اغلب العلاقات للاسف من النظر المحرم او الكلام الفاضي المحرم اللي مالوش اي داعي او اللمس او الخلوه او الكلام ده. حاول تتوب الى الله انت في الاخر بتدور على واحده تتجوزها مش واحده تقعد معاها يومين وبعد كده تسيبك او تسيبها لان للاسف معظم العلاقات اللي بيكون فيها حاجات محرمه بتنتهي بالطريقه اللي انتهت بها علاقتك دي وبيبقى فيها دمار احد الطرفين يعني واقرأ في القصص اللي موجود هنا في فدني وانت تعرف يعني فحاول بعد كده الانسانه اللي تحس انها فيها بعض الصفات او معظم الصفات اللي انت بتدور عليها كزوجه ليك وكام لاولادك ان انت تتعرف عليها جوه البيت جوه بيت اهلها تدخل على طول البيت من بابه وتبدأ في علاقه رسميه عشان متكررش يتكرر معاك. طبعا بالنسبه لوفاه والدك الله يرحمه ويصبرك على فراقه حاول يعني في الفتره الحاليه يعني يعني التجربه دي تكون اتعلمت منها درس وتركز بقى يعني انت دلوقتي في مقتبل عمرك او في بدايه حياتك المهنيه حاول تركز على نفسك شويه تطلع طاقه الغضب اللي جواك دي في البروفيشنال لايف بتاعتك ان انت تنمي نفسك وتحاول تخلي نفسك في مكان افضل من اللي انت فيه وهكذا يعني وان شاء الله هتلاقي الحياه نسيتك والعمل نساك وإذا اشغلت نفسك يعني نفسك مش هتشغلك بالاكتئاب إن شاء الله مره ثانيه وأتمنى لك التوفيق.
تم النشر الاثنين، ٣١ مارس ٢٠٢٥
مريت بتجربة فقد فرد من العائلة ولا شيء أصعب منها ع نفسي ولكن لا مفر.. قضاء الله وقدره فنصبر ونحتسب والله يبارك في الأحباب جميعا ويحفظهم أما موضوع البنت فمن وجهة نظري كله خير لك أولا هو باب معصية وإتقفل وثانيا إتأكدت شكوكك عشان متحسش إنك ظلمتها إن شاء الله بعد العسر يسرا وربنا يصبرك ويبارك في أهلك ويغنيك بحلاله عن حرامه
تم النشر الاثنين، ٣١ مارس ٢٠٢٥
عزيزي، أود أن أعبّر عن تعاطفي العميق مع مشاعرك الصعبة التي تواجهها في هذه الفترة، فقد فقدت والدك العام الماضي، وهذا فقدان كبير يتطلب وقتاً للتعافي. بالإضافة إلى مشاكلك العاطفية مع الفتاة التي ذكرتها، من الطبيعي أن تشعر بالألم والغضب والحزن. من المهم أن تعلم أنك لست وحدك في هذه المشاعر. الكثير من الأشخاص يمكنهم أن يشعروا بنفس الطريقة عندما يواجهون فقداناً أو خيبة أمل في العلاقات. إليك بعض النصائح التي قد تساعدك في التعامل مع هذه المشاعر: التواصل : حاول التحدث مع أشخاص تثق بهم حول مشاعرك. سواء كان ذلك مع الأصدقاء أو أفراد العائلة، قد يساعدك ذلك على تخفيف العبء العاطفي. البحث عن الدعم المهني : إذا شعرت بأن مشاعرك تزداد سوءًا أو أنك غير قادر على التعامل معها بمفردك، تأمل في البحث عن دعم من معالج نفسي أو متخصص في الصحة العقلية. يمكنهم مساعدتك على فهم مشاعرك واستراتيجيات التعامل معها. التعبير عن المشاعر : حاول كتابة مشاعرك في يوميات أو الرسم أو أي نشاط يمكن أن يساعدك على التعبير عن ما تشعر به. هذا يمكن أن يكون وسيلة جيدة للتخلص من القلق والغضب. التقليل من الضغوطات : حاول الانخراط في أنشطة تحبها وتجعلك تشعر بالسعادة، سواء كانت هوايات، رياضة، أو حتى قضاء وقت في الطبيعة. التمتع باللحظة : حاول التركيز على الحاضر وتقديره، بدل التفكير في الماضي أو المستقبل. يمكنك ممارسة بعض الأنشطة التي تساعدك على الاستمتاع بلحظتك الحالية. التفكير الإيجابي : حاول توجيه أفكارك نحو الإيجابية، وتذكر إنجازاتك ودورك وكفاءتك كمهندس ورجل محترم. لا تنسَ أن الوقت يساعد في التئام الجروح، وكن رحيماً بنفسك واعتنِ بها. فالتغلب على الأوقات الصعبة يتطلب الصبر والتحمل. أدعو الله أن يخفف عنك الأعباء ويمنحك القوة لتجاوز هذه المرحلة.
تم النشر الاثنين، ٣١ مارس ٢٠٢٥
فهمتك بص ممكن تمشي علي الخطوات البسيطة دي وان شاء الله هتتحسن علي المدي البعيد ياصديقي تذكر انها علي المدي البعيد ياصديقي الخطوة الاولي:-الصلاة والدعاء والالحاح علي الله عزوجل الخطوة الثانية:-هي انك تتعلم ازاي تفهم مشاعرك كويس ولازم تشتغل علي نقطة اني لازم احسن الظن في الطرف الاخر لان بيجي علينا اوقات بنحتاج ان نعتذر ايضا الخطوة الثالثة:- ان تضع لنفسك هدف بسيط جدا كل يوم تؤمن بأنك قادر علي تحقيقه وان تكون لنفسك عادة في مستوي قدراتك الخطوة الرابعة:- لازم ممارسة الرياضة وتصبر علي نفسك شوية شوية الخطوةالخامسة'-دون كل حاجه في ورقة وطلع فيها مشاعرك كويس من غير تزيين وبس ان شاء الله هتكون كويس بإذن الله ♥
تم النشر الثلاثاء، ١ أبريل ٢٠٢٥
أوقات بحس انه ربنا ممكن يبقي حطك في ابتلاء زى دا علشان ترجعله يمكن انت متأثر بأنك انت والبنت سبتوا بعض بس مفكرتش لو كنت كملت مع بنت زى ماتقول انها طلعت حاجه غير اللى عليها انت متخيل ربنا نجدك من ايه متخيل طيب لو كنت كملت معاها ووصلت للجواز كنت هتوصل لفشل ازاى بجد احمد ربنا اوي انت ربنا بيحبك انك بعدت وانا عارفه انه فكره الفراق صعبه اوي بالذات الاب دى ربنا يرحمه بس انت قدها وهتعدى متيأسش ولا تفتكر انه انت اللى عندك مشكله بالعكس انت بس محتاج ترجع لربنا تصلى وتقرأ قرآن وعليك بالدعاء الكثير وربنا يعوضك يارب باللى تستاهلك وافتكر دايما انك انت الكسبان
تم النشر الأربعاء، ٢ أبريل ٢٠٢٥
بدأت اعمل كده صدقني انا بحاول اني اعرف نفسي بشكل او اخر ان مش الذكريات هي الاولويات الاولويات هي في النهارده و بكرا و لازم اكمل بس الموضوع متعب جدا عشان كده بسأل لو في حاجه معينه بتتعمل في الوضع اللي زي ده او كورس مثلا او كتاب او اي نصيحه جيده او اي حاجه
تم النشر الثلاثاء، ١ أبريل ٢٠٢٥
لاتضع نفسك تحت ضغط خفف علي نفسك ورتب اولوياتك واختار صح
تم النشر الاثنين، ٣١ مارس ٢٠٢٥
لعرض السؤال في فدني اضغط هنا