السلام عليكم انا هحاول اكلمك كلام راجل ده راجل يعني؟ الرجل ما بيخليش سعادته وشقائه في الحياه مرتبطه بامراه هقول لك بتشعر يعني لو ليك في الشعر او اللغه العربيه حاول تفكر فيه كويس بيقول "وانما رجل الدنيا واحدها من لم يعول في الدنيا على رجل" حاول تستبدل الرجل اللي في الشطر الثاني بامراه يعني ما تخليش لا تعول على امرأة المرأه الوحيده اللي تستحق انك تربط سعادتك وشقائك بها يعني هي والدتك لان برك بوالدتك ممكن يتوقف عليه سعادتك في الحياه او شقائك لا قدر الله يعني الوالدة لا تعوض لكن اي امراه اخرى في الحياه تعوض وللاسف الثقافه يعني اللي انت متواجد فيها الاغاني والافلام وكل حاجه بتديك الوهم ده حياتي قبلك ندم وحياتي بعدك عدم والكلام ده كله الكلام ده كلام فاضي. تمام الراجل الحقيقي لا يربط سعادته شقائه باي امراه تمام لو كان العلاقه دي حصل فيها اي تجاوز في حدود الله لا قدر الله زي ما بيحصل في اغلب العلاقات للاسف من النظر المحرم او الكلام الفاضي المحرم اللي مالوش اي داعي او اللمس او الخلوه او الكلام ده. حاول تتوب الى الله انت في الاخر بتدور على واحده تتجوزها مش واحده تقعد معاها يومين وبعد كده تسيبك او تسيبها لان للاسف معظم العلاقات اللي بيكون فيها حاجات محرمه بتنتهي بالطريقه اللي انتهت بها علاقتك دي وبيبقى فيها دمار احد الطرفين يعني واقرأ في القصص اللي موجود هنا في فدني وانت تعرف يعني فحاول بعد كده الانسانه اللي تحس انها فيها بعض الصفات او معظم الصفات اللي انت بتدور عليها كزوجه ليك وكام لاولادك ان انت تتعرف عليها جوه البيت جوه بيت اهلها تدخل على طول البيت من بابه وتبدأ في علاقه رسميه عشان متكررش يتكرر معاك. طبعا بالنسبه لوفاه والدك الله يرحمه ويصبرك على فراقه حاول يعني في الفتره الحاليه يعني يعني التجربه دي تكون اتعلمت منها درس وتركز بقى يعني انت دلوقتي في مقتبل عمرك او في بدايه حياتك المهنيه حاول تركز على نفسك شويه تطلع طاقه الغضب اللي جواك دي في البروفيشنال لايف بتاعتك ان انت تنمي نفسك وتحاول تخلي نفسك في مكان افضل من اللي انت فيه وهكذا يعني وان شاء الله هتلاقي الحياه نسيتك والعمل نساك وإذا اشغلت نفسك يعني نفسك مش هتشغلك بالاكتئاب إن شاء الله مره ثانيه وأتمنى لك التوفيق.
أنا مبسوط أنك عارف حدودك وسامحني لو كنت افترضت أي افتراض غير صحيح من كثر الأسئلة عن العلاقات المحرمة اللي بنشوفها في فدني .. لكن السؤال الذكريات بتتكون ازاي غير من الكلام والمواقف؟ الكلام لو كان في حدود العمل فقط فهي بالنسبة لك مجرد زميلة عمل فمش عارف ازاي ممكن علاقة تتطور معاك بالطريقة دي لو العلاقة بينكم فضلت رسمية في حدود العمل ..وأما لو كنت تقدمت لخطبتها في البيت فهذه قصة أخرى الشعور اللطيف اللي حسيته ناحيتها بسبب الاختلاط بها طبيعي وممكن يحصل مع بنات تانية كتير يتقاطع معها مسارك في الحياة أو تراها في لقاء عابر ولكن هذا الشعور المفروض لا يتطور معك إلى ألم موجع طالما أن العلاقة كانت في حدود معينة وفي الأخير أنت بتعزي نفسك أن البنات غيرها كتير واللي يعيش ياما يشوف (رغم أن نفسك ممكن تقول لك غير كدة وأن هي دي هي الإنسانة اللي مفيش زيها)! وعموما أكثر حاجة تنسيك الألم هي أنك تفتكر أن استمرارك مع الإنسانة دي وزواجك منها ربما كان سيسبب لك أضعافا من الألم بعد ذلك لأن شخصيتها مختلفة عن الظاهر كما تقول وهذا يعني أن انسحابك الآن كان هو الخيار الأفضل والأقل كلفة بالنسبة لك وهذه نعمة عليك أن تشكر الله عليها حتى ينسيك الشكر ألم الفراق.
تم النشر الثلاثاء، ١ أبريل ٢٠٢٥
و اشكرك علي تعازيك لوفاة والدي تسلم يا اخي الفاضل
تم النشر الثلاثاء، ١ أبريل ٢٠٢٥
اخي الفاضل اشكرك علي اهتمامك و ردك ده اولا، ثانيا من ناحية العلاقه اللي اتكلمت عليها انت افترضت حاجات كتير اوي اوي، انت افترضت اني عايش علي كلام الاغاني اللي ((احنا)) عايشين وسطها و ان الواحد لما بينفصل عن واحده بيخسر كل حياته و كل حاجه و ان مفيش حياه بعدها القصص دي و افترضت كمان اني عرفتها عشان اقعد معاها يومين تلاته اللي هو شقط يعني مش اني اتعرفت عليها بشكل لائق و عرفت اهلها و كلمتهم و مازال حصل اللي حصل و معلومه ليك من اخ يعني في بيوت بتخشها و بيبانو كلهم بشكل و بعدها بيطلعو بشكل تاني كلهم و كلهم بيكونو مساعدين بعض علي ده، ولا مش عايزك تقلق انا ماتجاوزتش حدودي لاني عارفها كويس وانا انسان بخاف ربنا لاني هتحاسب علي كل اللي بعمله و انا فعلا عايز واحده اتجوزها مش اشقطها، مربط الفرس انت ماوصلتلوش لسه، الواحد مع الفراق بيحس بوجع علي الذكرايات هي دي كل الفكره مع ان الواحد عارف ان الشخص لو كان كويس كنا استمرينا لكن الذكرايات بتكون صعبه و خصوصا لو حلوه، الرجل هو انسان زي ما بيفكر مازال بيحس هو مجرد ان عنده الجانب الفكري مهيمن حبتين، السؤال كان بيتكلم بقي عن الجزء الحسي متضرر جامد و مخليني في الم و عشان كدا كنت طالب نصيحه، الصح الفكري او المنطقي او العقلي انا عارفه كويس و اشكرك جدا انك فكرتني بيه لكن كان سؤالي هو كيفية التغلب او علاج الالم اللي في الجانب الحسي او الشعوري
تم النشر الثلاثاء، ١ أبريل ٢٠٢٥
لعرض الإجابة في فدني اضغط هنا