المثالية وفرحة وبرهة البدايات ايا كان عمل او دراسة او علاقة او رياضه ....الخ
سؤال ام فضفضة؟
تم النشر الأربعاء، ١٦ نوفمبر ٢٠٢٢
اهلا ومرحبا بك .. الحماس، أو فرحة البدايات، أو كل التخيلات اللي بتبقى موجودة ومرتبين لها قبل ما نبدأ في أي شيء، ما هي إلا دافعية لشئ معين، ولكن شئت أم أبيت لا يستمر. يعني ايه الكلام ده؟ ممكن جدا يبقى جواك الحماس لعمل حاجة ميعنة، لكن ممكن بعد اسبوع او اتنين، ممكن كمان بعد مدة أقل، تلاقي الحماس اللي جواك راح، ممكن وقتها تقول لنفسك.. إيه ده؟ معقول، طيب اكمل ولا لأ؟ طيب الحماس اللي جوايا راح فين؟ طيب انا ليه مش متحمس دلوقت؟ أنا ليه مش بكمل؟ هل يا ترى جه في بالك سؤال انا ليه مش بكمل؟ كان فيه لقاء مع أحد اللاعبين في الألعاب القتالية، وكان المذيع بيسأل اللاعبة سؤال، بيقولها طبعا انتي بتنزلي التمرين في الفجر، وانتي مبسوطة جدا، وعندك شغف لكده، ومتحمسة، كانت الإجابة لأ. أكيد الواحد مش هيبقى مبسوط وهو عليه كمية ضغط، وهو قائم الصبح بدري يتمرن وهو هيموت ويرجع ينام مثلا تاني! طيب هو ايه اللي بيخليه يكمل؟ اللي بيخليه يكمل هي المسؤولية، المسؤولية هي اللي بتخلينا نكمل مش الشغف، مش الدافعية، مش الحماس. لأن دول دورهم أنهم بس يعملوا ليك أول دافعة أنك تبدأ، مش أنك تخليك تكمل. الهدف اللي احنا بنعمله لنفسنا هو اللي بيخلينا نكمل، تفكيرك كل يوم في الحاجة اللي عايز توصلها هي اللي بيخلينا نكمل، الاحتياج لشئ معين هو اللي بيخلينا نكمل، لأن عمر ما الدافعية أو التحفيز هيفضل موجود علطول. جميل أنه يكون موجود، بس ديه مش طبيعة الانسان، الإنسان بيكر بفترات ضعف، وقوة، وحزن، وفرح. علينا معايشتها جميعا، وعلينا التعامل معها. أتمنى ليك التوفيق
تم النشر الأربعاء، ١٦ نوفمبر ٢٠٢٢
يا ريت توضح السؤال حتى تحصل على أفضل إجابة!
تم النشر الأربعاء، ١٦ نوفمبر ٢٠٢٢
لعرض السؤال في فدني اضغط هنا