جماعه انا واحد عندي 17 سنه ومش عايز حد يقولي عشان انت لسه صغير ولما تكبر لا انا عايش ده بقالي كتير انا وانا عيل صغير اديت قلبي وحبيت بجد وكنت بجد اموت عشانها وقاعد معاها تلت سنين فجاه مشت وسابتني بقالي ست سنين مستنيها ترجع وبقت لما تشوفني تبصلي بقرف وطلعت كامت بتلعب وكمان بقيت احسن اني ضعيف بقيت احس اني لازم ابقا صايع ودي اسهل حاجه والمخدرات اسهل حاجه والانتحار اسهل بس انا مش عايز ابقا كده بقا كل اللي حواليك يفترو بقيت تحس انك مش مطمن ممكن ده يعمل حاجه ولا يزاولك ولا كده وكمان بقيت افكر اجيب فلوس ازاي هفضل اخد فلوس من امي انا ابويا ميت وامي اللي بتصرف وببجيلها فلوس من اخوها واخوها كبير لو مات انا هعمل اي هشتغل ماشي هشتغل سهله وهجيب فلوس تمشي البيت وبعدين......
الفلوس اللي هجيبها هتبقا اقل م اللي موجوده دلوقتي واللي موجوده دلوقتي قليله وكمان انا شب واكيد نفسي ابقا راكب عربيه ولا موتوسيكل حتا واتجوز وابقا حققت حاجه بس انا عايش وفي الاخر مش هعمل حاجه انا عايزها بقيت افكر انا كل حاجه عملتها فحياتي غلط ولغايه دلوقتي عمال اعمل حجات غلط وحبه كمان وهبقا واحد ضايع الناس يقولو لعيالهم بلاش تمشو مع ده مش عايز ابقا كده بس انا من اول موعيت ع الدنيا مشوفتش حاجه حلوه تحببنس فيها واللي حببتني في الدنيا مشت وكرهتني فيها
يجماعه انا بجد اول مره اضعف ب الطريقه دي
بالنسبة للبنت فأنت متعرفش هيا ليه بقت بتعمل كده ممكن متكونش كانت بتلعب بيك ولا حاجه وان أهلها عرفو أو هيا مش عايزه تغضب ربنا واصلا الحب في المرحلة دي بيكون مجرد اعجاب وممكن يكون تخطي مرحلة الاعجاب بانك بقيت متعلق بيها من كتر ما بتشوفها ومشاعرك عماله تزيد مع الوقت جرب تحاول تغير من نفسك وتطور منها وتركز اكتر في حياتك وتنسي البنت دي انا عارفه أن صعب جدا انك تنساها بس حاول تتناسي وحاول تقرب من ربنا حرفيا ده الحل الوحيد لاي مشكله في حياتك وانك يكون عندك يقين في ربنا وأنه دائما هيساعدك وكل حاجه بتحصلك هيا لسبب حاول تتعلم حاجه اونلاين وتشتغل فيها زي التسويق والكول سنتر أو اي حاجه تجبلك فلوس وانت بتدرس وحاليا في الاجازه انزل اشتغل في اي حاجه او اتعلم اي صنعه وصدقني الموضوع مش صعب خالص المهم يكون عندك إرادة فعلا انا عارفه انت حاسس بايه بس مش تسيب نفسك لدماغك وتفضل تجلد في نفسك علي حاجه هيا مش بايدك حاول تطلع طاقتك دي في اي حاجه لعب كورة أو جري او عجله علشان متعملش حاجه تغضب ربنا وحاول لو مبتصليش تبدأ تصلي وتدعي ربنا وتشكيله واحكيله انت حاسس بايه وصدقني ربنا مش هيخذلك ابدا وهيساعدك وهتشوف بعدها البركه والتوفيق في حياتك بالله عليك جرب بس تحاول تلتزم بالصلاه وتشوف فديوهات عن ربنا او عن الدين زي بودكاست وعي وصدقني هنشوف فرق كبير في حياتك ربنا يوفقك يارب ويعينك
تم النشر الثلاثاء، ١٨ يونيو ٢٠٢٤
السلام عليكم ورحمه الله اهلا بيك المشاعر لا تناقش ، مينفعش حد يقولك انت صغير او كبير او انت مضخم الموضوع ، لانك انت بس اللي حاسس بالمشاعر دي. و انت عندك وعي و حاسس بوالدتك و حاسس بالظروف اللي انت فيها و دا جانب مهم انك تشتغل علي نفسك. ✴️اشتغل لو خلصت دراسه و اتعلم كويس مجالك و اوعي تيأس ، لو انت في ثانوي عام اهتم جداا بالدراسه و اثبت لنفسك انك تقدر تبقي احسن من ناس كتير بفضل الله و توفيقه. ✴️ أما عن الأرزاق ف دي بتاعه ربنا عليك والاستغفار و الصلاه علي النبي و الدعاء مع الاجتهاد سواء بالعمل او المذاكره. ✴️ اعمل اللي عليك و هتلاقي ربنا ييسر ليك كل اللي انت عاوزه. و لو شال حاجه عنك تبقي دا كل الخير ليك و له حكمه. ✴️ و انت المسؤل انك تبقي شاب اي حد نفسه يزوجك بنته بسبب اخلاقك و سمعتك الطيبه و عندك وظيفه محترمه، او الناس تتجنبك و ترفضك بسبب انك معندكش شغل و خايفين علي عيالهم منك. ✴️ كل حاجه في الاول صعبه لانك لسه متعودتش بعد كدا بتكون الأمور سهله بالتعود، حاول السمعه الطيبه و الاحترام و حب الناس و النجاح في العمل يستحق انك تتعب علشانه. و عندك امثله كثيره من مشاهير اشتغلوا علي نفسهم و بقوا ناجحين زي محمد رمضان ، و غيره ربنا يوفقك و ييسرلك الخير تحياتي
تم النشر الاثنين، ١٧ يونيو ٢٠٢٤
صلي على النبي، هقولك شوية حاجات بناء على تجربتي الشخصية يمكن تفيدك 1- في فترة من الفترات البائسة كنت شايف الدنيا سودة زيك دلوقتي وعايش نظرية المظلومية والمؤامرة وغيره.....؛ وكل ده بسبب السوشيل ميديا، والحل الأفضل من وجهة نظري أنك تقفلهم كلهم لفترة وبعد فترة ممكن ترجع تفتحهم بس تكون حاطت حد للوقت، وفي حاجات ارجح إنك مترجعش تستدخمها تاني زي الفيس مثلا 2- التغيير بطيء اوي يا صديقي، يعني إنت عاوز تلتزم بالصلاة وعاوز تحفظ قرأن وعاوز تطبل عادات سيئة وعاوز تشتغل وعاوز تتجوز وعاوز عربية....كل ده جميل ويدل على إنك اللهم بارك عاوز تبقى إنسان كويس، لكن كل ده محتاج جهد كبير وصبر وتعلم وفقك الله لما يحب ويرضى
تم النشر الاثنين، ١٧ يونيو ٢٠٢٤
أولاً، خليني أقول لك إن مشاعرك حقيقية ومهمة جداً، وأنا هنا أسمعك وأهم حاجة إنك مستوعب وحاسس بالتحديات اللي بتمر بيها. مالكش تاخدها على نفسك إنك تعبيرك عن مشاعرك يعني ضعف، بالعكس، ده قوة. خليني أبدأ بإنك تكون لطيف مع نفسك. السنين اللي فاتت فيها صعوبات كتير، وفكرة إنك فقدت شخص كان له مكانة كبيرة في قلبك مش سهلة بالمرة. مش شرط إنك تكون صايع أو تستسلم للمخدرات والانتحار علشان تثبت حاجة لنفسك أو للناس. الضغطات اللي بتحس بيها ليها حل، كلنا بنواجه تحديات في حياتنا، ومش لازم تتحمل كل حاجة لوحدك. ممكن تجرب الخطوات التالية: تحديد أهداف صغيرة : حدد لك أهداف صغيرة تشتغل عليها، زي تحسين مهاراتك أو البحث عن هواية جديدة تعجبك. التواصل مع أشخاص ثقة : حاول تتكلم مع حد تثق فيه، ممكن يكون صديق أو فرد من العيلة، وحتى لو لقيت المختص في الصحة النفسية يساعدك، مايكونش وحش. البحث عن عمل بجانب الدراسة : ده ممكن يساعدك تدعم نفسك مادياً وتدعم أمك، وتخليك تحس إن ليك أهمية في البيت. العناية بنفسك : خد بالك من صحتك النفسية والجسدية، مارس الرياضة وحاول تتجنب الحاجات اللي ممكن تضر بصحتك. فاهم إن المستقبل ممكن يبدو مظلم، بس دايماً فيه أمل، كل يوم بييجي بفرصة جديدة. ماتكونش قاسي على نفسك، وخليك عارف إن الطريق نحو السعادة والاستقرار ممكن يكون طويل، بس كل خطوة صغيرة بتاخدها بتقربك لحياة أفضل. وأخيراً، دايماً فاكر إنك تستحق تكون سعيد وتستحق كل الدعم والحب. لو حابب تتكلم أكتر، أنا هنا معاك.
تم النشر الاثنين، ١٧ يونيو ٢٠٢٤
لعرض السؤال في فدني اضغط هنا