انا عندي ١٦ سنه كان عندي صديقه قريبه مني جدا وبعدها بعدت عني وبجد نفسيتي مدمره بمعنه الكلمه بدرجت أن انا كل يوم في المستشفي ومش عارفه اعمل اي انا تعبت بجد
مش هيكون أول موقف تواجيه هيكون بالشكل ده انا طبعا اسفة ل اللي حصلك من ناحيتها .. ولكن اتكلمي معاها .. واجهيها .. هي ممكن يكون معندهاش القدرة على مواجهتك ف قررت انها تبعد عنك مرة واحده . طبعا ممكن يكون القرار ده نابع من كذا حاجة .. ولك نمش هتقدري تعرفي غير لما تكلميها وتواجيهيها بنفسك. ولكن خلينا نتكلم شوية عن الحالة اللي انتي فيها حاليا .. مش هينفه تكون ديه الطريقة اللي بتتعامليها بيها في حياتك مع اي حد مقرب منك لما يجي يختفي فجاة. مقدرة انها مقربة ليكي .. ولكن زي ما قولتلك هي مش هتكون اخر مرة حد ممكن يختفي ويمشي من حياتك. انتي دلوقت في حالة صدمة وغضب من جواكي .. مقدرة شعورك جدا . ولكن ممكن تقوليلي ليه الناس بتبقى موجودة في حياة بعض؟ وليه في ناس موجودة على مضض فترات سواء متابعدة او متقاربة؟ لأننا رسائل في حياة كل واحد فينا، يعني لكل شخص في حياتنا هو رسالتنا في الفترة ديه، ووجوده ليه حكمة معينة. الحكمة ديه ممكن نعرفها دلوقتي وممكن لأ. ولكن ان الاكيد ان لكل شئ سبب في حياتنا.. فكري مع نفسك كده اعرفي صحبتك ديه كانت بتقدم ليكي ايه؟ وكانت العلاقة نفسها صحية وسوية ولا لا؟ واجهي طبعا صاحبتك واعرفي منها ايه هي الاسباب اللي خلتها بعدت؟ وبععد كده اقعدي مع نفسك وتقبلي عدم وجودها وراجعي نفسك كويس وراجعي علاقتك بيها. ونصيحة مني .. متحاوليش ترجعي علاقة بحد هو سابك ومشي. اللي يمشي يجي غيره .. انتي لسه صغيرة وهتعرفي ناس كتيرة كويسة ووحشة .. لسه الحياة هتديكي دروس كتيرة. اتمنى ليكي التوفيق والسلامة يا جميلة
تم النشر الأربعاء، ٢٨ ديسمبر ٢٠٢٢
زعلانه عشانك وأكيد ربنا جمبك مش هيخذلك ومش هتلاقي غيره يخفف عنك ممكن الفتره دي صعبه عليكي بس في الاخر هتعتادي عليه و الوقت بيشفي كل حاجه بس خدي وقتك انك تبكي وتحزني عشان تقدري تخرجي الطاقه السلبيه اللي جواكي شوفي انتي حاسه بإيه وواجهي مشاعرك حاول تتكلمي مع شخص موثوق من أصدقاء أو أقارب عبري عن مشاعرك وبعدين اخرجي تتعاملي مع الناس كوني صداقات عشان تقدري تتغلبي علي الموقف كمان لازم تقبلي الوضع كما هو عشان تقدري تتخطيه وتكملي وربنا معاكي ويخفف عنك ويرزقك بالأفضل دايما
تم النشر الأربعاء، ٢٨ ديسمبر ٢٠٢٢
اسالي نفسك ،، هل هي تستحق كل الحزن دة ؟ حبيبتي الل بيقرب مننا دة الل نهتم لوجوده غير كدة لا
تم النشر الخميس، ٢٩ ديسمبر ٢٠٢٢
لعرض السؤال في فدني اضغط هنا