السلام عليكم
انا خريج بكالوريوس خدمه اجتماعيه بتقدير عام جيد لسه متخرج السنه دي والحمد لله بفضل الله اخذت الاعفاء وحابب اسافر اشتغل بره في اي دوله من دول الخليج او كده بس انا عندي مشكله واحده حابب احكيها معاكم انا ما عنديش صنعه ومش عارف لما اجي اقدم في شركه او املا ابلكيشن او تطبيق اقدم ايه
يعني انا مش عارف المفروض اشتغل ايه دلوقتي والموضوع ده متوهني ومجنني كل ما اجي أملا تطبيق من تطبيقات السفر او التطبيقات الموجوده على متجر جوجل بيديك اختيارات انت عايز تشتغل فيها في عماله مثلا انت راجل مهندس انت راجل دكتور ممرض
أنا باجي عندي وما اعرفش انا المفروض اختار ايه ايه الخانه اللي المفروض اختارها ايه اللي المفروض يشتغلوا خريج خدمه
انا تايه توهان شديد فلو حد يقدر يساعدني ويفهمني ايه اللي المفروض اكتبه في الابلكيشن او ادور عليه عموما او لو رحت مكتب توظيف اقول له انا عايز اطلع على ايه بالذات ان انا للاسف ما تعلمتش الصنعه والوقت بيجري مني انا خلاص قربت ادخل في سنه وانا مخلص الاعفاء وبرده لسه مش عارف اطلع او اتحرك يا ريت يا ريت تساعدوني
🎤 إجابة صوتية
تم النشر الثلاثاء، ٨ أبريل ٢٠٢٥
مافيش داعى للتوهان.انت اكيد عارف ان مؤهلك الاصلى يؤهلك للعمل فى المجال الاجتماعى زى أخصائى وغيره. لكن انت عايز فرص عمل افضل واوسع تمام.؟ ممكن حضرتك تقدم فى اى اعمال مكتبيه زى السكرتاريه مثلا) او العلاقات العامه او الاستقبال ( سواء فنادق او مستشفيات/ اعمال مقاولات)/ وممكن اخصائ تعليمى او اخصائى اجتماعى فى مدرسه/ وفى مدى كبير من الاعمال تخس انها مش مطلوب فيها تخصص كل اللى مطلوب خريج جامعه وبيعرف يتكلم كويس ومظهر كويس( زى مثلا الاخ فى مكتب العمل اللى هيقابلك وياخد ورقك: ماييفرق يكون خريج ايه او الشخص التانى اللى هيروح السفاره يخلصك اوراقك الرسميه ).ممكن شباب كمان خريجى جامعه ويطلعوا امن مسنشفبات او مؤسسات وهناك يدور على حاجه افصل انصحك تنمى مهارات فى هذا الاتجاه زى اللغه وكورسات الكمبيوتر والمظهر الكويس. واى فرصه تقابلك للشغل هنا اكيد هنتنمى مهاراتك وتضيف لك الخبره. دا هيساعدك تلاقى وظيفه يشكل اسرع وهيبقى فى سى فى معقوله نتكلم فيها. وممكن تفهم بتاع مكتب العمل المجالات اللى انا كلمتك عليها او تقولوا انا عايزه فى المجال دا
تم النشر الاثنين، ٧ أبريل ٢٠٢٥
وعليكم السلام ورحمة الله وبركاته، أخي الكريم، أهنئك على تخرجك من بكاليوس خدمة اجتماعية، ونسأل الله أن يوفقك في خطواتك القادمة. من الطبيعي أن تشعر بالقلق والتردد عند بدء حياتك المهنية، خاصةً في ظل عدم وجود خبرة عملية أو مهارة صناعة معينة. بما أنك خريج خدمة اجتماعية، فهناك العديد من الفرص المتاحة لك في دول الخليج. يمكنك البحث عن وظائف في مجالات مثل: الإرشاد النفسي والاجتماعي : حيث يمكنك العمل مع الأفراد أو الجماعات لتقديم المساعدة والدعم النفسي. التنمية المجتمعية : العمل في المنظمات والهيئات التي تهتم بتنمية المجتمع، والمشاركة في مشاريع اجتماعية. التوظيف في المؤسسات التعليمية : كمرشدين للطلاب أو الأخصائيين الاجتماعيين في المدارس أو الجامعات. العمل في المؤسسات الحكومية : مثل التنمية الاجتماعية، حيث يمكنك المساهمة في تقديم الخدمات للمحتاجين. عند ملء التطبيقات، يمكنك اختيار "أخصائي اجتماعي" أو "استشاري اجتماعي" كخانة مهنية تعبّر عن تخصصك. أما إذا رأيت وظائف تتعلق بالموارد البشرية أو الخدمات العامة، فلا تتردد في التقديم لها أيضاً. إذا كنت ستذهب إلى مكتب توظيف، يمكنك إخبارهم بأنك خريج خدمة اجتماعية وتبحث عن فرص عمل في مجالات الرعاية الاجتماعية، التنمية المجتمعية، أو أي مجال يساهم في خدمة الناس. تذكر أن الإصرار والبحث المستمر سيساعدك على إيجاد الفرصة المناسبة. لا تتردد في الاستفادة من الدورات التدريبية التي تعزز مهاراتك وتفتح لك مجالات جديدة. نسأل الله أن ييسر لك طريقك ويوفقك في تحقيق أهدافك.
تم النشر الاثنين، ٧ أبريل ٢٠٢٥
لابد ما تبحث عن الوظائف الخاصة بتخصصك وتقرأ عنها وتفهمها قبل ما تقدم مثلا من الوظائف اخصائي اجتماعي ، مرشد اجتماعي ، مراقب اجتماعي تكون في المدارس ومراكز التأهيل والمستشفيات وبعض شركات القطاع الخاص ابحث وافهم تخصصك بشكل جيد واعمل علاقات مع خريجين وموظفين بنفس تخصص في بلدك قبل السفر حتى تعرف كل شيء عنه
تم النشر الثلاثاء، ٨ أبريل ٢٠٢٥
لعرض السؤال في فدني اضغط هنا