كيف أتغير وأكون شخصية اجتماعية؟

Question

السلام عليكم ورحمة الله وبركاته بواجه مشكلة إن أنا مش شخصية اجتماعية ولكن انا من جوايا عايزة أبقى شخصية اجتماعية وحقيقي حاولت كتير اووى فى الموضوع ده وسمعت نصائح وبودكاست ولكن لا نتيجة. وخصوصا لما اكون في مناسبة عائلية وكل العائلة موجودة ببقى نفسي أدخل معاهم في نقاش أو أي حاجة علشان أكسر الحاجز اللي مخليني مش عارفة أبقى اجتماعية، ولكن بفشل وحتى لو جت الفرصة ودخلت في نقاش بفضل أسمع فقط ومبتكلمش وطبعا ناس كتير فضلت تقول لماما ليه بنتك قافلة على نفسها كده ليه حتى لما بكون في الجامعه ببقى شايفة البنات كلها مندمجة مع بعض إلا أنا ببقى لوحدي ومبديش حد فرصة حتى إنه يتكلم معايا مع إن أنا ببقى عايزة الناس تكلمني وأنا أكلمها لكن بفشل بجد علشان كده برفض أروح أي تجمع هيحسسني إن أنا شخصية مش اجتماعية لدرجة إن لقيت نفسي بقيت منعزلة بسبب إني بقيت أرفض أروح أي مكان.

Accepted Answer

وانعزالك دا خلاكى صديقة للسوشال ميديا 🙂 وبتضيعى من نفسك مناسبات وفرص 🙂 الهروب من المشكلة مش الحل يا استاذة … وانتى عارفة كدا ودا حاجة حلوة كدا ربع الحل خلص … حضرتك لازم تسائلى نفسك هو انا عاوز اتكلم واناقش عشان ابان انى انا موجودة وكدا والناس تعجب بشخصيتى ويعرفونى ولا عشان لازم اتغير واكون احسن ؟ اكيد لازم اتغير واكون احسن كدا الربع التانى خلص .. تلاته : هسأل نفسي هل انا شخصية انطوائيه مابحبش الاختلاط وانك تعملى صحاب جداد والتجمعات وكدا .. الواضح انة لاا بالعكس بتحبى التجمعات والكلام … كدا الربع التالت تمام … الربع الاخير بقى نعمل اي 👌 اولا ماحدش هيعرف يساعدك لو مساعدتيش نفسك ،، ثانيا الموضوع كله محتاج شوية جراءة وممارسه … حل عظيم لو دخلتى اتحاد طلبة ف الجامعة والحل السحرى لو نزلتى ف اجازتك اشتغلتى فى اى مجال بيتعامل مع عملاء بشكل مباشر زاى الصيدلية مثلا انا شخصيا فرقت معايا جدا من بعد الثانوى .. الكورسات الاوفلاين .. الدروس العلمية والشرعية .. متأفوريش الموضوع فى دماغك وتقعدى تفكرى ليل نهار.. التفكير هيوديكى لحتت مش حلوة زاى هو انا لية مش محبوبة هو انا لية ماليش صحاب هو انا لي وحيدة .. وهكذا .. فكك حضرتك من كل دا ، ادى للموضوع حجمة ومايزدش عن كدا مش لازم كل المواضيع الى تتفتح قدامى يكون ليا رأى وارد عليها اكيد فى حاجات مش ف اهتمامانا فهنفكنا منها… حاجات مالناش فيها خبرة مثلا هكذا مش كل الكلام بيبقى مناقاشات وادى رأي .. اتكلمى عادى من غير تصنع ولا انك تعملى حساب للكلام وافكر فية خمسين مرة قبل ما اقوله ، انتى مش فى مؤتمر علمى حضرتك ابدأي من البيت عندك واتكلمى مع مامتك واخواتك وعيلتك فكك من الكبار شوية شوفى حد ف سنك صاحبية .. الدماغ لما تبقى قريبة من بعض بتفرق جامد اسالى نفسك دايما اى المشكلة لو اتكلمت وقلت ماهو حضرتك مش هينفعً نفضل ساكتين ونرجع نقول مابتكلمش ليه .. اتكلمى لان انتى عاوزة تتكلمى محدش مستنيكى تغلطى ولا تقولى حاجة مش عجباه الناس اسهل من كدا حضرتك .. خليكى على اطلاع دائم ع الجديد حوليكى وخلي عندك معلومات عامة واقرأي وطورى نفسك للاحسن هتلاقى نفسك بتتكلمى وبتفتحى ف مواضيع عاوزين نطلع من حتة الجرأة المزيفة الى ع السوشال ميديا عموما وقوقعة الانغلاق الى حاشرين نفسنا فيها ، بنعرف نتكلم حلو اوى ع شاشة الموبايل .. بدليه بانك تكلمى الناس فون مثلا وتسمعى صوتهم .. اخرجى واحتكى بالناس ع ارض الواقع .. حبى نفسك زي ما انتي واسعى انك تشوفيها احسن .. احذرى انك تعامليها من مبدأ الضعف .. حاولى مرة واتنين وتلاته مش عيب 👌ومتهربيش تانى الثقة فى النفس اهم حاجة فى كل دا .. حضرتك لا ضعيفة ولا ينقصك شئ … اسف ع الاطاله وربنا يوفقك

Answer

وعليكم السلام ورحمه الله وبركاته. بصى انتى لازم تخرجى فى اى مكان فى تجمعات وحاولى تكونى صداقات اكتر وسيبك من التلفون علشان التلفون ده سبب كبير فى الحالة اللى انتى فيها والموضوع مش صعب خدى الموضوع عادى وطلعى اللي جواكى فى اى مكان وفى اى نقاش وفى اى تجمع ومش تخافى من ردة فعل الناس أو الانتقادات اللى هتعود على ردك مثلا ،.....اهم حاجه لازم تطلعى برا البيت وحاولى بقدر الإمكان تسيبى التلفون لأكبر وقت ممكن أنا كنت بعانى من الحالة دى وانا صغير بس الحمد لله دلوقتى مش اقلك بدليل انى بقدم نصيحة ليكى 😁 دا حتى بعد ما تخلصت من موضوع الرهاب الاجتماعى ده حسيت انى كنت اهبل لان الموضوع عادى خالص ويا رب اكون فدتك بحاجه وبتمنى ليكى تتخلصى من الفترة دى لإنها إن شاء الله فترة وهتعدى .

Answer

وعليكم السلام ورحمة الله وبركاته، ميا، أشكرك على صراحتك في مشاركة مشاعرك وتحدياتك. من الجميل أنك تريدين أن تصبحين شخصية اجتماعية، وهذا هو الخطوة الأولى نحو التغيير. إليك بعض النصائح العملية التي قد تساعدك في تعزيز مهاراتك الاجتماعية: ابدئي بخطوات صغيرة : يمكنك البدء بمحادثات قصيرة أو تحية بسيطة مع الأفراد المحيطين بك، سواء كان ذلك في الجامعة أو في المناسبات العائلية. سيكون من الجيد أن تتحدثي إلى شخص تعرفينه بالفعل، كأحد أفراد العائلة أو الأصدقاء المقربين. الاستماع النشط : كوني مستمعة جيدة. يمكنك استخدام مهارة الاستماع كوسيلة للتفاعل. عندما تتحدثين إلى شخص ما، حاولي أن تسألي أسئلة مفتوحة تتطلب إجابات مفصلة، مما يسمح لهم بمشاركة أفكارهم، ويمنحك الفرصة للرد. تحديد الاهتمامات المشتركة : قبل الذهاب إلى مناسبة، فكرّي في موضوعات قد تكون مريحة لك وللآخرين. يمكنك تناول مواضيع مثل الأفلام أو الكتب أو الأحداث الجارية، فهذا قد يسهل بدء الحوار. كوني صادقة مع مشاعرك : إذا شعرت بالتوتر، لا تترددي في قوله. قد تجدين أن الآخرين يشاركونك نفس الشعور، مما يعزز الصلة بينكم. تحسين الثقة بالنفس : اعملي على تحسين ثقتك بنفسك من خلال تحديد أهداف صغيرة، مثل تحقيق إنجازات يومية. تأكدي من تعزيز مهاراتك وتقديرك لذاتك. تقبلي الفشل كجزء من العملية : لا تكوني صارمة جدًا مع نفسك. قد تواجهين صعوبات في بعض الأحيان، لكن هذا جزء من عملية التعلم. تذكري أن بناء العلاقات الاجتماعية يحتاج للوقت. أخيرًا، لا تنسي أن تتذكري أن كل شخص لديه نقاط ضعف، وكونك منفتحة على تطوير نفسك هو شيء يستحق التقدير. إذا شعرت أنك بحاجة إلى مزيد من الدعم، قد يكون التحدث مع مختص في علم النفس أو مدرب حياتي مفيدًا لك. بالتوفيق في رحلتك نحو التغيير.

كيف أتغير وأكون شخصية اجتماعية؟

اجتماعية

نفسية

سؤال من Mayada Saeed

تم النشر الخميس، ١٩ ديسمبر ٢٠٢٤

3 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك