رح ابدأ اجابتي بمعلومة مهمة. مش كل شخص بيروح لطبيب نفسي هو مريض نفسي، ما بجزم انها مش مريضة وما بجزم انها مريضة... بس جزء كبير من الي عندهن مشاكل نفسية ما بحبو اصلا حدا يعاملهن على هاد الاساس، وبشكل عام انك تفهمي مرض معين مش اشي سهل، بدك تدرسيه منيح وتعرفي من وين توخدي مصادرك. انت حاولي عامليها بشكل عادي ، جيبيلها شوكلاطة او عصير او اشي صغير ، جيبي اثنين واحد الك وواحد الها... بدك تتوقعي كل ردود الافعال: ١. ترفض ٢. تتجاهل ٣. ترميه ٤. تقبله بس بكل الردود هاي في اشي مهم صار بقلبها؛ هو : " في حدا اهتم لأمري" مرة على مرة تقربي منها واحكي معها عادي جدا، ما تحسسيها انك بتعامليها معاملة خاصة لانها راح تكون عدوانية، اذا كانت عدوانية معك ما تبتسمي وما تمرقيها (هيك بتحس معاملة خاصة) لا قليلها هاد التصرف ضايقني، انا كنت حابة بس نكون صاحبات. وارجعي حاولي كمان مرة ... بارك الله فيكِ
تم النشر الثلاثاء، ١٥ أكتوبر ٢٠٢٤
1 تعليق
شكرا ليكي على النصيحة و هجربها ان شاء الله
تم النشر الثلاثاء، ١٥ أكتوبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك