ازيكم !
دي اول مرة أشارك في حاجة زي كدا ،
أنا بنت عشرينيه وواعية جدا لكن ليا صديق العلاقة كانت عادي والوقت حسيته بدأ يميل ليا أنا كمان بميل ليه لكن احنا دائما في خناق وبنمسك لبعض هو غالي عليا ومش عايزة اسيبه لكن حاسه إن مكانتي عندة مبقتش زي الاول وبقت أقل ومنه هو ملوش حد غيري و متمسك بيا بس انا زهقت من الأفعال المتناقضة اعمل اي ؟
انتي بتقولي علي نفسك واعية جدا ودي أفعالك؟؟ ازاي؟؟ انتي بتهربي من الحقيقة
تم النشر الأحد، ١٨ فبراير ٢٠٢٤
لو متأكدة ١٠٠٪ انه بيحبك يبقي اطمني متقيسيش تصرفاته بمنظورك، ولا تشغلي دماغك بتحليلها، لو عندك تخوفات اساليه وكلميه عنها بشكل مباشر وجمل صريحه وواضحه، مفيش حاجه اسمها حبه وتعلقه بيك قل عن الاول، بالنسبة للرجاله العلاقات لا تقاس بمقدار، يعني عادي ممكن يكون متدايق عايز ينعزل شويه ، بيمر بفترة اكتئاب، مشغول، عنده ظرف، عنده شغل، عنده مناسبة، فانشغل عنك شويه عادي. الرجاله غير الستات. احنا ممكن منقابلش حد لمدة سنة او اكتر، بس اما بنتقابل بنبقي كاننا كنا مع بعض امبارح فاهماني، لا صداقة قلت ولا مشاعر اختفت. المهم بالنسبالك تتاكدي انه بيحبك فعلا، كده انتي ف امان.
تم النشر الجمعة، ١٦ فبراير ٢٠٢٤
طيب كويس انك واعيه جدا اكيد انتي واعيه انو مكانتك مبقتش زي الاول ، واكيد واعيه انو في مشاكل علي طول بينكو، واكيد واعيه انو "افعالو متنقضه" زي ما بتقولي، وعرفه انو ملوش غيرك بس هو مطلبش ايدك ولا كان جاد في موضوع انو يخطبك ، والاهم من دا كلو اكيد واعيه انو الموضوع من الاول غلط انك تكلمي شاب وهو مش خطيبك حتي ، عشان كدا اي حاجه بتبقي غلط ربنا مابيبركش فيها عشان كدا فيه ديما مشاكل، محدش عارف مصلحتك اكتر منك لازم تكوني واعيه بجد . وربنا يكتبلك الخير
تم النشر الجمعة، ١٦ فبراير ٢٠٢٤
لعرض السؤال في فدني اضغط هنا