السلام عليكم انا حكيت لكم مشكلتي قبل كده وناس كثير مننا حقيقه دعموني اني اتوب لربنا عن اللي انا فيه ده ولا الحمد لله حولت على قد ما اقدر وبعدت عن موضوع المواقع ده عشان خاطر بنتي وفضلت فتره بس رجعت تاني لقيت نفسي بفتح المواقع كنت تقريبا بقضي طول النهار انا فاتحه ما كنتش بعرف اهتم ببيتي ولا ببنتي لو ما كنتش بكلم حد غير بنات يعني في العام وكده ودلوقتي انا لقيت نفسي كل يوم بصحى بعيط من النوم عشان عارفه ان انا بعمل حاجه غلط وكمان من ورا جوزي فهم كانوا موقعين موقع كان في واحد اعرفه هناك كان عايزني نرجع لبعض وكده وانا بصراحه الشيطان ما كانش سايبني في حالي وكان دايما لما مسحت المواقع قبل كده وبعدت عنه كان بيقعد يخوفني ويقول لي ده هياذيكي ده هيقول لجوزك عشان عارف عنك كل حاجه وتقريبا كنت عايشه في رعب ده غير الذنب بقى الخوف من ربنا وكده مع العلم ان عمري ما شفته قبل كده في الحقيقه كان كله كلام يعني طمنتش غير لما رجعت فتحت المواقع دي تاني وتكلمنا شويه ولقيت نفسي بقول له احلف بحياه عيالك انك مش محتفظ ليا بحاجه لان انا عايشه في رعب انا عارفه ان عمرك ما تاذيني بس الوسواس ماسكني من ناحيه ان انت هتاذيني وفعلا حلف لي بحياه عياله مع العلم ان هو شخص محترم جدا وعمري ما احتاجته الا لما لقيته جنبي اذا كان سبب مادي او اي شيء ثاني بس ودلوقتي انا بعد ما فتحت الموقعين دول لقيت نفسي كان هو قافل بعثت له قلت له عشان خاطر ربنا امسح رقمي وتحاولش توصل لي وانساني ودايما ما تفتكرني افتكرني بالخير عشان انا عايزه اتغير وابقى شخصيه محترمه على الاقل في نظر نفسي عشان خاطر بنتي وجوزي وبيتي ده غير ان انا مش لاقيه مبرر باللي انا بعمله ده اني بكلمه كده يعني على الموقع بس وحذفت حسابي من الموقع اللي هو فيه والموقع الثاني ما كانش فيه اي حد يعني كلهم بنات وكلهم عارفيني وكنت بحب المكان ده بطريقه فظيعه بس تقريبا المكان ده هو السبب اني اتاذيت اول مره يعني وكلمت حد وكده فقررت اني امسحه وهو كمان احذف حسابي وما اخشش ولا دوله ولا ده ولا اي موقع تاني يعني ركز في بيتي ومع بنتي ومع جوزي وكده واحاول اتغير واتوب لربنا فعلا ودلوقتي انادي لي يومين ما فتحتش ولا كلمت حد زي ما قلت لكم بس حاجه كده جوايا عمال تقول لي المكان اللي هو فيه بنات ده بتقول لي افتحيه والغي الحذف وحتى يا ستي ما تقعديش كل يوم فيه طالما بياخد وقتك اقعدي فيه كل شهر مره مثلا خشي سلمي على اصحابك اقعدي معاهم شويه واقفلي بس انا مش عايزه ارجع خطوه تاني لورا انا بصراحه تعبت انا كنت وانا فاتحه المواقع دي كنت بقول كل يوم الصبح اعيط وانهار من غير سبب فيا ريت تساعدوني وتقولوا لي اعمل ايه عشان ما اضعفش لفكره ان انا ارجع افتح تاني اي موقع وارجع خطوه لورا
انا انصح حضرتك لقراء كتاب الداء والدواء لإبن القيم أول فصل اناةهقول الملخص بتاعه 1-لكل داء دواء فإن الإبتلاء الذي يبتلي بيه المسلم ينزل معه الفرج 2-عليك بكثره الدعاء والإلحاح في الدعاء وعدم الإستعجال في الجواب 3-ان تعترف بانك إنسان وأنك خلقت ضعيف فعليك بالإستعانه بالله وتوكل علي الله لتجاوز تلك المعصيه وعليك ان تعزم ان لا تعود لذلك الذنب مره أخري 4-لا تسترسل مع الأفكار الشيطانيه التي تأتي في وذكري نفسك دائما أنه يجب عليك أن لا تسترسلي مع تلك الأفكار لأن المعصيه تبدأ بالتفكير والخيال فيها انا بنصحك انك تقرأي الكتاب علي الأقل اول فصل انا الصراحه كان نفسي ابعت لينك الكتاب لكن الموقع مش بيدعم ده ممكن تحمليه من علي النت
تم النشر الأربعاء، ٦ مارس ٢٠٢٤
صلى كتير يعنى مبتصليش الفرض صلى النوفل على قد متقدرى يعنى حبى الصلا....اقرى قرآن بس القريه بتدبر ...صلى على النبى كتير كل متفتكرى صلى على النبى لحد وربنا يفتح عليكى وادعى ربنا يرفع عنك البلاء ده ...وكل يوم قبل متتكلمى صلى ركعتين لربنا ودقى على بابه وقليله سمحنى وصرى على التوبه حتى لو رجعت تولى تانى لأننا مش بنبطل غلط ...واخر حاجه لما تيجى نفسك تقولك كده قوليها بسم الله الرحمن الرحيم (قل اذالك خير ام جنة الخلد التى وعد المتقون)
تم النشر الخميس، ٧ مارس ٢٠٢٤
انا مش هقولك أن الموضوع سهل هو فعلا صعب وصعب اوي بس كل ما تقربي من ربنا كل ماهتحسي أن الموضوع بيسهل عليكي وانتي لازم تحمد ربك أن هو فوقك بدري مترجعش تاني ولا تخافي أن حد بيقول لجوزك عشان كل ده من الشيطان بيحاول يوسوس لك عشان ترجع للذنب تاني فأنت لازم يكون عندك إصرار وعزيمة وتعقدي النيه أن انتي مش هترجعي للموضوع تاني وان شاء الله ربنا يهديك وتمشي علي الطريق المستقيم اهم حاجه تحاولي وان ماكنشي عشانك فعلي الاقل عشان بنتك ودائما فكري في بنتك كل أما ترجعي تاني هتلاقي نفسك بتسيب الموضوع عشان بنتك أن شاء الله هتقدري وقومي صلي ركعتين توبه لربنا وأقرأي قران وحفظي على الصلاة في وقتها وذكري ربنا دائما وربنا يسبتك وصلي قيام الليل أنشله لو ركعتين وان شاء الله تكون توبه نصوحه واستغفري ربنا وهو مبيردش حد من عباد ربنا بيحبنا نتوب دائما
تم النشر الخميس، ٧ مارس ٢٠٢٤
انتى فاكره ان الشيطان هيسيبك بسهوله . الوسواس من الشيطان عشان يرجعك تانى ومن مقاومة فكرة التعود خليكى فى سكة التوقف دى واعملى حاجة بسيطة اوى ...حطى قاعده لنفسك..كل ما تجيلك فكرة الموقع اعملى حاجة من دول تتوضى وبس تتوضى وتصلى ركعتين بنية التوبه النصوحة تقومى تعملى مجهود بدنى قوى استمرى على القاعدة دى وتنفيذها مع نفسك وهتلاقى الافكار قلت لوحدها ان شاء الله
تم النشر الخميس، ٧ مارس ٢٠٢٤
وعليكم السلام ورحمة الله وبركاته .. كويس جدا ان حضرتك ابتعدتي عن كل ده، وربنا يثبتك باذن الله، وياريت متحاوليش ترجعي لاي موقع من المواقع ديه حتى لو صحابك البنات اللي بتحكي عليهم. لانك بمجرد ما تفتحي باب .. هتلاقي كل حاجه بتيجي بعد كده. اي صحبة خير هتلاقيها ولكن اختاري المكان المناسب .. ممكن تروحي دروس قران هتلاقي وقتها صحبة خير تعينك على الطاعة .. وهتبقى بديل عن صحابك اللي قولتي عليهم. لكن مترجعيش لاي موقع منهما مرة اخرى. بالنسبة للشخص اللي بتكلميه، اثبتي على موقفك من عدم الحديث معه، وافتكري كل مرة تبقى عايزة ترجعي تتكلمي معاه تاني، زوجك وبنتك .. لو عرف زوجك هيعمل ايه؟ تخيلي العواقب اللي ممكن تحصل. ربنا سترها عليكي .. كملي زي ما انتي ومتحاوليش تفتحي الباب ده تاني. وربنا معاكي باذن الله
تم النشر الأربعاء، ٦ مارس ٢٠٢٤
لعرض السؤال في فدني اضغط هنا