انا داخله تالته ثانوي وخايفه اوي اني مجبش مجموع اللي انا عايزاها ومعنديش ثقه فنفسي اني هقدر هجيبه لأن الناس محسساني اني فشلة اووي لأني مش مبينه اني مهتمه للدراسة مع اني شاطرة مش عارفه كلام الناس صح ولا لا كل ما اكون بذاكر بفتكر كلام الناس واقعد هعيط وهفكر في كلامهم وقلبي وجعني جامد بحاول اتجاهل كلامهم بس مش عارفه وانا عاوزه ادخل تالته ثانوي وانا نفسيتي سليمه
رأي الناس مش مهم ومش لازم تفكري فيه .. هما يعرفوا تفكيرك؟ يعرفوا بتذاكري إمتى وبتعملي إيه ؟ هما آخدين بالظاهر بس .. سيبيهم يفكروا اللي يفكروه وإنتِ إثبتي لنفسك مش ليهم أنك شاطرة و ناجحة لما تحققي اللي نفسك فيه ما كتير الناس بتقول فلان دا هيطلع دكتور وفلان شاطر جدا وهيكون مهندس وفلان ممتاز و مستقبله حلو و بيحصل العكس .. طب ليه؟ لأن كلام الناس مش مقياس أبدا و لا يعلم الغيب إلا الله، إنتِ بس اللي في إيدك النجاح وهو بصيتي وإهتميتي لكلام الناس عمرك ما هتتحركي من مكانك
تم النشر الخميس، ٩ مايو ٢٠٢٤
عموماً التفكير السلبي هيصعب عليكي الموضوع مش اكتر. المجموع فالاخر مش فأيدك لكن فأيدك انك تذاكري وتركزي، كنت اعرف شخص معرفه قويه كان شاطر طول عمره وبيتكرم كل سنه وكان فتانيه ثانوي التاني علي مدرسته او التالت، و جه فتالته قعد يفكر بتفكير مشابه وان اهله هيشمتوا فيه والناس هتبصله وابوه مش هيبقي راضي وكل الكلام دا وفالاخر ضاع تعب عمره كله و راحت عليه الثانويه، مش عشان هو غبي لكن عشان هو معندهوش ثبات انفعالي وانضباط فا راكم المنهج ومشي ورا مخيلته و اعتبر نفسه فاشل قبل ما يفشل. فا التفكير السلبي كل الي هيعمله انه هيضمنلك الفشل. فا ابعدي عنه وركزي انك تذاكري وتعملي الي عليكي و ربنا مش هيضيع تعبك و ياما ناس جابت مجاميع عاليه، و هتلاقي السنه الجايه معظم المدرسين بيقولوك ان سبب الفشل فالثانويه ان الطلبه معندهمش ثبات انفعالي
تم النشر الخميس، ٩ مايو ٢٠٢٤
ملكيش دعوة بكلام الناس..اكتر حد عارفك هو نفسك❤️
تم النشر السبت، ١١ مايو ٢٠٢٤
متشغليش بالك بالسلبي خذي الكلام الايجابي فقط اللي يعدل منك
تم النشر الجمعة، ١٠ مايو ٢٠٢٤
انا والله هعمل كل اللي هقدر عليه بس المشكلة في دماغي بتفكر طول الوقت لو مجبناش مجموع هيحصل عليه او بتفكر في كلام الناس اللي شايفاني ان مش هقدر هجيب مجموع وان ميؤوس مني دماغي كل ما بتفكر في الحاجات بتعب مش بقدر اركز في المذاكرة ولا اكمل مذاكرة اصلا
تم النشر الأربعاء، ٨ مايو ٢٠٢٤
كل ما تجيلك الوساوس دي افتكري انك مش اول واحده هتدخل تالته ثانوي، وياما دخل طلاب كتير و نجحوا ودخلوا الكليات الاحسن ليهم. وعموماً منهج الثانويه العامه فمصر مش صعب ولا الاسأله بس المشكله فالتوتر و ان السنه طويله فممكن تزهق او تصعب الموضوع علي نفسك فالحل انك تكون انسان منضبط وبتذاكر اول بأول، وهتيجي السنه الجايه تلاقيها اسهل من الي كان فدماغك
تم النشر الأربعاء، ٨ مايو ٢٠٢٤
لعرض السؤال في فدني اضغط هنا