انا مقصرة جدا في الصلاة بيصلي يوم وعشرة لا واكتر صلاة بحب اصليها قيام الليل او الفجر بعيد عن الجميع اما الظهر او العصر او المغرب او العشاء مش بقد اصيلهم مش عارفه ايه السبب وبعدين احبط فمبصليش خالص حاسة انى مش عارفه اكتر عن ديني انا بحب اسمع القرآن بس مش عارفه هل بحب اسمعه كقرآن ولا مثلا عشان السورة دي حفظها وعارفة بعض معانيها فبقرأها ولا مثلا صوت الشيخ السبب انا بجاهد نفسي ابطل اسمع اغاني اني مش مدمنة اغاني اصلا فبقالي كام شهر يعني بسمع لاسلام صبحي او عبدالرحمن مسعد.. فاهمين قصدي انا عايزة لما اسمع الآذان قلبي ينشرح كده واقوم اصلي قلبي ينشرح لما اسمع القرآن سواء مين كان الشيخ فبجد مش عارفه ابدأ كده ازاي عايزة اصلي عشان ابقي بقابل ربنا واتوب حرفيا مش بصلي غير بالليل نفسي اصلي علطول واحس بالراحة والخشوع بتوع الليل اما بالنهار مش عارفه ليه بكسل بجد اتمني تساعدوني..عايزة قلبي ينشرح لما اسمع عن ربنا عايزة اجاهد نفسي فاهمين قصدي مش عايزة اصلي وكأنه روتين
انا عندي فكره وانا عن نفسي جربتها شخصيا انك متلا تجيبي اززتين بتوع ميه عادي واكتب علي كل وحده صليت مصليتش وحطهم جنبك فلو صليت حطي متلا فلوس أو اي حاجه حلاه أو عباره مشجعه وحطها في ازازت أن انتي صليتي أما لو مصلتيش اكتبي فيها عقاب هو مش هيبقي عقب بل هتخدي عليه ثواب متلا لو فرض مصلتهوش استغفر أو صلي على النبي أو اشكر ربنا ميه مره ومره في مره هتلقي نفسك بتصلي ولو انتي حطيتي فيها فلوس ممكن اخر الشهر تخدي الفلوس اللي لي الايزازه وتكفئ نفسك بها جربه ومش هتخسري حاجه
تم النشر الاثنين، ٧ أكتوبر ٢٠٢٤
السلام عليكم ورحمه الله وبركاته. انت جميله ان شاء الله ربنا يقرع عينك بالصلاه بيشرح قلبك للقران وللقاء ربنا دائما. المعرفه بتفرق كتير جدا جدا. علشان تقربي من ربنا وتعملي كل الفروض بشكل مختلف خالص وباحساس تاني خالص افهميها افهميها كويس قوي عشان تكون جواكي كل حركه انت اييه ليها عمق مش بتعمليها كده وخلاص زي ما انت بتقولي انا مش عايزه اعملها كده وخلاص ولا كانها روتين. اقري وتعلمي وافهمي الصلاه دي بيحصل فيها ايه الصلاه دي بتاثر على كميه الجسم ازاي؟ طب حركه السجود دي بتسبب ايه في المخ طيب لما بنقرا الصور الفلانيه الصور دي معناها ايه؟ طيب يعني ايه اسم الله الرحمن اقرئي عن اسماء الله الحسنى اعرفي ربنا اكثر كل العمق ده كل الفهم ده هو اللي هيوصلك للي انت عايزاه الكلام ده انا بقوله لك لان كنت في مكانك بجد وما زلت لسه ما اعرفش حاجات كتير حاجات كتير قوي نفضل الواحد ما يعرف مش عارف بس طول الوقت لما يلاقي نفسه مش عارف يدور ويعرف اكتر كل اما يلاقي قدامه حاجه يستغلها ويعرف. دائما في عندك ورد لسماع القران سماع حتى لو بدون فهم ومش مشكله خالص لو انت بتسمعي عشان خاطر انت مستمتعه بحلاوه التلاوه ايه المشكله ما هو ده كلام ربنا في الاول وفي الاخر هو يعني استغ كثير جدا وانت بتسمعي الصوره او انت بتقرايها كل الحاجات دي هي اللي هترشح عندك الخشوع في كل حاجه مش بس في الصلاه كل حاجه بتعمليها لها علاقه بربنا هتحس فيها اكثر واكثر طول ما انت فاهماها.فر الله يعني هو مش كلامي المقرئ اللي بيقرا كلام ربنا انت برضه الكلام حلاوته لانه هو كلام ربنا مهما كانت قراءه الشخص عامله ازاي بتحبي تفهمي المعاني اسمعي تفاسير بتاعه الصور هتلاقي في شيوخ كتير بيشرحه تفاسير بعد الثوره بيشوفوا مفسرين القران كاملا بكل صوره بكل اياتها الصوره دي بتتكلم عن ايه الايات دي ترتيبها كده ليه وبتكلم عن ايه ده يفرق معاكي
تم النشر الثلاثاء، ١٧ سبتمبر ٢٠٢٤
بصي يا حبيبت قلبي في بودكاست اسمعيه هتفيدك زي بودكاست وعي في حلقات عن الصلاه والتوبه وحاجات كتير هي اه حوالي ساعه او ساعتيه بس مش هتندمي انك سمعتيهم ثانيا بقا: القرآن انتي عايزا اي مش فاهماكي برضو 😂عايزا تقراي ولا تحفظي كتاب الله بصي يستي عن تجربه لو انتي مش عارفه تبداي منين في القران هتبدي الاول تظبطي السور القصيره حفظ وبعدين وحده وحده في السور الكبيره حتي لو هتحفظي ف اليوم ٥ايات مفيش مشكله المهم انك تستمري ***واهم حاجه بقا اياكي ثو اياكي تقولي. لحد انك بتعملي الطاعه الفُلانيه متعرفيش حد عموما انا مش بسيب صلاه الفجر وبعمل كذا وكذا اوعي تقولي اتكلمي عادي طبيعي زي اه الحمدلله صليت بس اكتفي بحمدالله علي الاقل*** نرجع للقران نزلي تطبيق اسمه آيه ده بيفسرلك معني كل اي من غير نت وتطبيق عبدالباسط عبدالصمد بدون نت ده تسمعي من الايات صح وتحفظيها فاهماني🌚🤍 ***** والخشوع ده مش وانتي رايحه تصلي هتمدي ايدك في جيبك تطلعيه لا يمااما وحده وحده واهم حاجه تستشعري ان ربنا قصدك انتي بتعبديه مينفش تفكري هعمل اي بعد الصلاه كذا وكذا وكل حاجه تفتكريها ساعه الصلاه لا دي صلاه فضي دماغك خالص وكل قبل ما تبدي قولي اعوذو بالله من الشيطان الرجيم من شره ونفخه وهمزه ٣مرات جهه الشمال. ****** ثالثا: نيجي بقا لموضوع الاغاني طالما نويتي التوبه في حاجه ربنا هيختبر توبتك كدا كدا تمام ف انتبهي يعني اول ما تقولي خلاص توبت وتمسحي الاغاني وخلاص هتلاقي حد منزل اغنيه بتحبيها وهزت مشاعرك كدا استغفر الله وانتي قولتي حاجه كويس اوعي انك بتسمعي الشيوخ الي بتحبيهم دي خطوه كويسه اوي انا كنت بعمل كدا.
تم النشر الثلاثاء، ١٧ سبتمبر ٢٠٢٤
السلام عليكم ورحمة الله باب التوبه دائما مفتوح مش تيأسِ ابداي بدايه جديده وكل ما توقعي ابداي تاني وتالت ورابع......... ـ ان الله لا يمل حتي تملوا مفيش حاجه اسمها اول ما اسمع الاذان قلبي ينشرح ومش عارفه اي مش من اول مره هي... مبتجيش كدا خالص اول ما تسمعي. الاذان تقومي تتوضي علطول او كل ما تروحي الحمام اتوضي مش هتكسلي انك تصلي وصلي النوافل كلها او الي تقدري عليه بالله عليكي صلي النوافل كل ما تعملي طاعات اكتر هتقربي من ربنا اكتر
تم النشر الثلاثاء، ١٧ سبتمبر ٢٠٢٤
عزيزتي، أولاً، أود أن أشيد بوعيك ورغبتك الصادقة في التقرب إلى الله تعالى وزيادة صلاتك. إن هذه الرغبة هي خطوة مهمة جدًا نحو تحسين العلاقة مع الله وزيادة الخشوع في الصلاة. لتجعلي قلبك ينشرح للصلاة، ابدئي أولاً بفهم أهمية الصلاة في حياتك. تذكري أن الصلاة هي وسيلة للتواصل مع الله، تعبرين فيها عن مشاعرك واحتياجاتك وتطلبين منه العون. يمكنك أن تقومي بما يلي: التدبر في الآيات : حاولي قراءة معاني الآيات التي تفضلينها. عندما تفهمين ما تقرأينه، ستشعرين بعمق أكبر في الصلاة وتتعلقين بها أكثر. تحديد نية صادقة : قبل الصلوات، اجعلي نيتك خالصة لله، وتذكري كم هي نعمة أن تتمكني من الوقوف أمام رب العباد. البدء بتدريج : لا تضغطي على نفسك كثيرًا. ابدأي بأداء الصلاة للفجر أو قيام الليل، ثم أضيفي الصلوات الأخرى تدريجيًا. يمكنك مثلاً أن تلتزمي بها يومين في الأسبوع، ثم تزيدين العدد. خلق بيئة ملائمة : حاولي أن تهيئي مكانك للصلاة بنية خالصة، اجعلي المكان منظمًا ومريحًا. يمكنك أيضًا الاستماع إلى الأذان أو القرآن بصوت هادئ قبل الصلاة حتى تجذبي قلبك. الأذكار بعد الصلاة : بعد الانتهاء من كل صلاة، خصصي وقتًا لذكر الله، فهذا يعزز الشعور بالقرب منه. الاستعانة بالكتب والمصادر : اكتشفي كتبًا أو محتويات أخرى تتحدث عن أهمية الصلاة وأثرها على النفس. قد تجدين في قصص الآخرين ملهمًا. تحدي نفسك : إخطار أصدقائك أو عائلتك برغبتك في الصلاة بشكل منتظم ورصد تقدمك معهم قد يساعدك على الالتزام. تذكري أن الخطوات تحتاج إلى وقت وصبر، ولكن مع الاستمرار والنية الصادقة، ستجدين قلبك ينشرح تدريجيًا للصلاة. أسأل الله أن يارب يوفقك ويحسن حالك.
تم النشر الثلاثاء، ١٧ سبتمبر ٢٠٢٤
جاهدي نفسك لأن الفروض فرض سواء حاسة بلذة الصلاة او لا حتى لو صلاة تقيلة جدا برضو فرض ....ومتبصيش للصلاة انها صعبة جدا بصيلها انك هترضي ربنا وهتصلي يعني قولي لنفسك انا هرضي ربنا وامضي في أمرك ولا تبالي...... وشوفي حاجة تشدك للصلاة مثلا لو انتوا اتنين تشجعوا بعض على الشات وتقولوا تم الفروض كده .... وادعي ربنا بالهداية وجددي دايما التوبة ولو المرة عشرين احرصي على عدم الإصرار بالذنب لإن ده زي تكبر وكفر بنعم ربنا .... ولما تلاقي الهداية امسكي فيها سمعتى آية أو حديث حسيتي انها رسالة من ربنا ليكي امسكي فيها وطبقيها احرصي دايما انك تكوني من العايزين الحق عايزين اصلا الهداية جاهدي نفسك في دن
تم النشر الأحد، ٢٢ سبتمبر ٢٠٢٤
كملي بس وحاولي تلتزمي والخشوع واي أحساس تاني كويس بيجي مع الوقت حاولي بس♥️
تم النشر الخميس، ١٩ سبتمبر ٢٠٢٤
ممكن تبداي تصلي كل يوم الخمس فروض واحسبي الايام اللي صليتي فيها الفروض كامله لحد متكملي ١٠٠ يوم مثلا اعملي لنفسك مكافاه كنوع من التشجيع لنفسك واحده واحده هتلاقيكي اتعودتي ع الصلاه ومش بتحسبي عدد الايام وهتبقي مستنيه معاد الصلاه
تم النشر الثلاثاء، ١٧ سبتمبر ٢٠٢٤
لعرض السؤال في فدني اضغط هنا