هو المطبخ بيكون علي العريس ولا العروسه؟
حضرتك ده راجع لعرف المنطقه ال انت فيها يعني من زمان اعرف ان في القاهرة ووجه بحري بيكون الاتفاق ان العريس عليه الشقه والاجهزة والسجاد والستاير والعروسه عليها العفش الهو السراير والدواليب والسفرة ورفايع المطبخ والحلل والاواني عموما في وجه قبلي كان العكس العروسه بتجيب الاجهزة والسجاد والستاير والعريس بيجيب العفش والشقه وفي الحالتين العروسه عليها الاواني والحلل والحاجات ال هتستعملها جوة المطبخ عموما لو حضرتك تقصد المطبخ بقى كدواليب المطبخ يعني والوحدات بتاعته وكده فده غالبا بيكون على العريس وشفت سؤال لحضرتك انك لو مش مرتبط هل تعمل المطبخ دلوقتي ولا لا و في الحقيقه منصحكش ابدا تعمله دلوقتي لان كل وقت وله الموضه بتاعته والاذواق بتختلف والخامات والتصاميم بتتغير مع الوقت وال هتعمله دلوقتي ممكن لما ترتبط ان شاء الله يبقى قديم ميعجبش وميناسبش وبيكون من الافضل انك تاخد راي عروستك في التصميم في واحده تحب المطبخ بوحدات كتير ادراج اقل ادراج عريضه وحدات طويله رف توابل درج جرار ده بيرجع لتفضيلات الست ال هتقف في المطبخ ان شاء الله فالافضل من وجهة نظري يعني انك تؤجل عمل المطبخ للغاية ما ربنا يرزقك وتختار العروسة المناسبه ان شاء الله
تم النشر الثلاثاء، ٢١ مارس ٢٠٢٣
حسب الاتفاق
تم النشر الثلاثاء، ٢١ مارس ٢٠٢٣
هو المفروض كل حاجه علي العريس بس العروسه بتساعد العريس فبتساعده في تجهيز الشقه وكل منطقه ومحافظه ليها نظام انت شوف في بلدك بيعملوا ايه واعمل زيهم عشان يبقا في اتفاق بينكم لان كل الناس في كل مكان معين ليهم تفكير مختلف بس يعني لو انت متمسك بيها مش هتحسبها خالص وهشتري خاطرها الماديات دي أمرها بسيط اهم حاجه الانسانه اللي تختارها تكون تستاهل واكيد هي كمان هتقف جنبك
تم النشر الأربعاء، ١٢ فبراير ٢٠٢٥
كل حاجة حسب الاتفاق طبعا بس في الأغلب و المتعارف عليه بيبقى على العروسة
تم النشر الأربعاء، ١٢ فبراير ٢٠٢٥
لعرض السؤال في فدني اضغط هنا