انا زيك ع فكره انا بدأت احط نفسي في وسط ناس واجبر نفسي على الكلام عارفه انا عندي مشكله التأتأه مع الناس الجديده وامبارح كنت في الكورس في AUC واتعرفت ع بنات حلوين خالص وكمان الدكتور اجبرني اني اطلع اتكلم بالانجليزي ودي حاجه ساعدتني كتير اوووي ايوا اتخبط في الكلام بس بقول لنفسي goob job استمري احنا لسه في البدايه وكان في جروب تطوعي أنزلت معاهم يوم علشان اتعرف على ناس وابتدي اتكلم نزلنا مدرسه مع الأطفال لعبت معاهم ايوا كان تفاعلي معاهم قليل بس برضو good job اتعرفت ع بنات قمر وبقو صحابي وكمان كل لما يكون في كورسات مجاني في التيم يبعتولي وهكذا ف البدايه الموضوع صعب لانك هتكوني في comfort zone مش عايزه تخرجي إنما لما تبدأي هتفرحي هتلاقي حياتك مليانه بحاجات كتير وبتتعلمي انا في البدايه كنت حابه يكون عندي هوايه اتعلمت الخزف من ع الانترنت وبدأت اجيب الماتريال واتعرفت ع ناس علموني في المكان الي بحرق فيه علموني شويه صغننه ببلاش واتعرفت عليهم ناس قمر قوليلي بقا لو معملتش كدا كنت هتعرف ع الناس دي ازاي ربنا يسعدك ويوفقك
تم النشر الخميس، ٣١ أكتوبر ٢٠٢٤
0 تعليق
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك