انا طالب بكلية الطب ، مشتت جدا و احتاج نصيحة أو توجية من طبيب .

Question

السلام عليكم انا في سنة رابعة طب ، من وأنا صغير نفسي ادخل كلية طبية ، كان نفسي صيدلة بصراحة ولكن لظروف كتير دخلت طب و كنت مبسوط عادي و مازلت ، ولكن التفكير في الخطوات اللي هاخدها بعد التخرج مخلياني محتار و متوتر وقلقان و بسرح كتير .. أنا بـ طبعي شخص مستعجل شوية و بصراحة مش متخيل أن بعد ما اتخرج و اخلص الامتياز لسه هستني من 4 لـ 7 سنين كمان عقبال ما اعمل ماجستير او اخد زماله أو اشوف معادلة و اسافر و طبعا في الفترة دي هكتفي بمرتب الوظيفة بس ، انا اصلا مش مقتنع تماما بشغل الحكومة ، وطبعا عاوز اشتغل خاص و زي ما حضراتكم عارفين أن الدكتور عشان يبقي ليه اسم و يفتح عيادة و يشتغل شغله الخاص دا بياخد وقت و مجهود كبير جدا .. وانا ظروفي و دماغي و شخصيتي ما تسمحش إني استني الوقت دا كله ، أو انا متخيل أنها متسمحليش بكدا .. انا مبقتش عارف اركز بسبب الحوار دا ، كل يوم لازم افكر فيه ، ساعات بيجيلي أفكار إني بعد التخرج اخد تخصص أكاديمي و ادرس و ادي كورسات أو اشتغل يوتيوب و خصوصا أن عندي الإمكانيات الكافية ل دا .. ساعات بردو بحس ا اني جنب الطب لازم اكون بعمل حاجه تانية وانا فعلا في حاجات كتير شغوف بيها و حابب اتعلمها و ممكن تكون مصدر دخل محترم ليا و يساعدني اكون الشغل الخاص بتاعي ، الكلام دا كله و التفكير الكتير بيحطني تحت ضغط اكتر أثناء الدراسة و الامتحانات عشان مش حابب أكون ماشي في طريق غلط و انا أفضل مغمي عنيا و عامل مش واخد بالي ... ف هل تفكيري دا صح و انا فعلا محتاج اشتغل اكتر علي نفسي بحيث جنب الطب يبقي عندي مصدر دخل تاني يسندني ، ولا بعد التخرج الدنيا ممكن تتظبط ! آسف لو طولت و اتمني حد يساعدني.

Accepted Answer

ال شايفاه ان مشكلتك الحقيقية مش كل ال حكيته ده ع قد م هي التفكير الزائد و لأني بعاني من نفس المشكلة لاحظتها ع طول و هقولك بحاول اتعامل معاها ازاي اول حاجة قولي هو انت بتفكر فالحجات دي من دلوقت ليه ؟ يعني ليه مثلا متستناش للوقت ال تتخرج فيه و ساعتها تفكر ! لو كانت اجابتك انك عايز تاخد خطوة من دلوقت مثلا فهل اصلا عندك وقت لخطوة زي انك تتعلم حاجة تانية او تشتغل دلوقت ؟ اشك ان اجابتك هتبقى اه الا لو وقت قليل او فالاجازة مثلايبقى ساعتها "فالوقت الفاضي ده " ابقى فكر و اتعلم و اشتغل براحتك انما غير كده طول م انت فالدراسة او معندكش وقت فأرجوك متفكرش ده مش هيفيدك بحاجة ! و حط فدماغك فكرة التوكل ع الله ،، انت عليك السعي و بس زاكر و انجح و لو عندك وقت و حابب تشتغل تمام انما الرزق و المستقبل كل ده بأيد ربنا و بس اسعى و ربنا هيجازيك كل خير ع سعيك ثق ف ربنا و بس و عموما التقرب من ربنا بيساعد كتيير مع التفكير الزائد فمتنساش صلاتك و اذكارك و ممكن تشوف فيديوهات دينية مثلا تساعدك و ربنا يوفقك و يريح بالك يارب

Answer

بما انك ليك فى السوشيال فى من رائيى ابتدي بسوشيال من دلوقتي علشان و دى خطوه كويسه وخلى حياتك ماشيه طبيعى و بالنسبه لشغل فسبها بظروفها ربنا كتب طريق ليك و كل حاجه فى معادها احسن بلاش نيدى التفكير فى حياتنا اكبر من حده علشان التفكير نفسه هو العقبه فى حياتك والمستقبل يعلمه ربنا يمكن تيجى فرصه انت متتخلهاش

Answer

﴿ وَعَسَى أَنْ تَكْرَهُوُ شَيْئَاً وَهُوَ خَيْرٌا لَكُمْ وَعَسَيٰ أَنْ تُحِبُّوُا شَيْئَاً وَهُوا شَرٌ لَكُمُ وَاللَّه يَعْلَمُ وَأَنْتُم لَا تَعْلَمُوُنْ ﴾ الخيرة دائماً فيما يختاره الله، وما يختاره الله لنا هو خيرٌ لنا حتى لو كان عكس رغبتنا، وكل إختيارات الله صالحة حتى وإن كنا لا نفهم كل أسبابه, وكل مَن حُرِمَ من شيء فذلك لأنه خير له ، لن تجد أجمل من إختيارات الله لحياتك كلها تنصبّ في صالحك وأنت لا تعلم، وكل الخير في تدابير الله, فقل بقلبٍ راضٍ "رضيت يا رب" ولا تكره شيئًا اختاره الله لك، فعلى البلاء تؤجر، وعلى المرض تؤجر، وعلى الفقد تؤجر، وعلى الصبر تؤجر، فرب الخير لا يأتي إلا بالخير. تذكر دائماً وجودك هنا ليس صدفة. الله معك وملائكته المسخرة لك منه معك وسخر لك مافي السموات والأرض. إطمئن أنت في يدٍ آمنة فا سيب كل حاجه بظروفها ماتشتتش تفكيرك في حاجه ياعالم بيها انت تبدا تشتغل علي نفسك وتجتهد وتذاكر وتجيب تقديرات كويسه ويكون ليك اسم في الكلية وطور من نفسك في مجالات طبية ومجالات مختلفة. واهم حاجه انك تقرب من ربنا وتصلي وتبعد عن اي حاجه تغضب ربنا مهما كانت. ولو عاوز تشتغل حاجه تانيه جنب الدراسة برضوا مافيش مشكلة المهم تعرف توفق بنها وبين دراستك. وربنا معاك يوفقك ويقويك ويكرمك ويجبر بخاطرك ويريح قلبك وبالك ويقدملك اللي فيه الخير.

انا طالب بكلية الطب ، مشتت جدا و احتاج نصيحة أو توجية من طبيب .

نفسية

مهنية

فكرية

سؤال من احد أعضاء فدني

تم النشر الخميس، ٢٨ ديسمبر ٢٠٢٣

5 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك