السلام عليكم ورحمة الله وبركاته
انا متزوجه اديلى سنه ونص وقعده مع حماتي وكنت عايشه خدامه ليها لحد ما ولت وبقيت أنزل بس لما تبعتلي أو انزل اكل ليها هي مش عاوزه كده هي عاوزانى خدامه راحت حرشت عليا جوزي وقالتلو اني مش بسأل فيها وانى مش بعملها اكل راح جوزي مشانى انا وابنى اللي عمره شهر ونص من البيت علشان خاطري أمه.
وعليكم السلام ورحمة الله وبركاته جزئيا ليكى حق وجزئيا عليكى حق حقك انك جوزك يكرمك ويصونك وميعملش تصرف زى ده عليكى حق لان الست اتعودت منك على وضع محدد ومتكرر وفجاه قطعتيه وكأنك بتوصليلها رسالة انك هتتعاملى بمزاجك ودى حاجة تخلى اى بنى ادم وخصوصا ام الزوج تغضب لكرامتها ...هى رد فعلها انها عبرت لزوجك ممكن بطريقه مبالغ فيها وهو للاسف مستحملش وبردوا اتصرف بطريقة مبالغ فيها اعتقد انك حقك ان هو يراضيكى طبعا ويرجعك البيت وانتى حق امه عليكى انك تكلميها تراضيها بكلمتين حلوين انك بتحبى قعدتها وانك بس من تعب الولاده والرضاعه مواعيد نومك خلتك تقصرى معاها وده مكنش مقصود وانها على راسك من فوق ..وهما الناس الكبار مش محتاجين اكتر من التقدير بكلمتين حلوين والامور تكون اهدى ان شاء الله
تم النشر الخميس، ٢٦ سبتمبر ٢٠٢٤
احسن حاجه انك تصلي استخاره وتشوفي هتطلقي من جوزك ده ولا لا وادعي ربنا ان ربنا يهدي لك جوزك وحماتك ثانيا ما فيش دليل ديني ان انتي تخدمي في حماتك يعني انتي براحتك يا حاولي انك تكتري من الدعاء لجوزك وحماتك بالهدايه وبس ربنا يوفقك
تم النشر الجمعة، ٢٧ سبتمبر ٢٠٢٤
وعليكم السلام ورحمة الله وبركاته. أنا أقدر مشاعرك وصعوبة الموقف الذي تمرين به. من الواضح أنك تمرين بمرحلة حساسة جدًا في حياتك الأسرية. أحيانًا، قد تكون العلاقات مع الأهل تحديًا، خاصة عندما تتداخل الأمور بين الزوج والحمى. من المهم أن تتحدثي مع زوجك بصراحة. حاولي أن تعبري له عن مشاعرك واحتياجاتك كزوجة، وضرورة التوازن بين مسؤولياتك تجاهه وتجاه أسرته. يجب أن تكون هناك مساحة للتفاهم والتواصل بينكما، لأن ذلك سيساعد في فهم كل منكما الآخر بشكل أفضل. أيضًا، حاولي أن تشرحي لحماتك بشكل لطيف وودود حدودك وقدراتك، حتى تخلقوا فضاءً من الاحترام المتبادل. يمكن أن يكون الحوار الصريح مفيدًا جدًا في حل الأمور المتوترة. إذا استمرت المشكلة، قد يكون من المفيد الاستعانة بأحد أفراد العائلة أو صديق مقرب للتوسط في الحوار، مما قد يساعد في تحسين الوضع. أتمنى لك دوام التوفيق وأدعو الله أن ييسر أمورك.
تم النشر الخميس، ٢٦ سبتمبر ٢٠٢٤
قولي مفهومك لكلمة خدامة وبتطلب منك ايه
تم النشر الجمعة، ٢٧ سبتمبر ٢٠٢٤
مساعده حماتك بحكم سنها الكبير واجب ولكن لما تلاقي أنها بدأت تستغلك وخصوصا لما تلاقيكى معاكى طفل صغير ورغم كده مصممه تتعبك معاها وكمان بتقوى جوزك عليكى ابعدى عنها فوراً ابعدى عنهم كلهم
تم النشر الخميس، ٢٦ سبتمبر ٢٠٢٤
خلاص خلي نفسك عزيزة و مترجعيش لحد اما يعرف غلطه و يعتذر لك و تاخدي وعد انه ده مش هيتكرر ، لازم تبقي قوية ، في النهاية برضه مش لازم تيجي علي كرامتك و في نفس الوقت مش لازم تبقي أوڤر .. خليكي وسط ..
تم النشر الخميس، ٢٦ سبتمبر ٢٠٢٤
عرفي طيب مصطلح خدامه ... قولي تفاصيل في الجزئيه دي اكتر شويه
تم النشر الخميس، ٢٦ سبتمبر ٢٠٢٤
لعرض السؤال في فدني اضغط هنا