بدأت اتكاسل في الصلاه جدا قبل كده كنت بصلي الفرض في وقته وكنت بصلي السنه وبقرأ قرآن بعد كل فرض ودلوقتي بدأت اتكاسل جدا الصلاة معدتش بتتصلي في وقتها ومعدتش بصلي السنه ولا بقرأ قرآن بقول أنا هقرأ بعد ما أصلي ومش بيحصل او إني هصلي السنه ومش بيحصل ولما باجي أصلي ببقي عايزه أخلص بسرعة اوي رغم اني مش بيبقي ورايا حاجه او مش مستعجله وبسرح كتير وبعيد الايه كذا مره في الركعة وبنسي اللي قولته وبرجع اعيده تاني أو إني اعيد ركن تاني في الركعة الواحده ممكن تفيدوني
الصلاة فرض عظيم و ركن الدين و الصلة بين العبد و ربه . حاولي تحسيها و تحبيها و بلاش تعتبريها ثقل عليكي و لكن ده وقت راحتك وقت الريفريش من متاعب الحياة و آلامها. كلنا عنده مشاكل و تحديات و صعوبات و لو فهمنا معني الصلاة بقلوبنا هتلاقي كل واحد بيجري علي الصلاة و يفضفض و يدعي و يطلب و يقوم بعدها نشيط و سعيد و حيوي يكمل تحدياته في الدنيا لحد ما تيجي الصلاة اللي بعدها . ربنا يهدينا جميعا يارب العالمين.
تم النشر الخميس، ٢٣ فبراير ٢٠٢٣
حضرتك محتاجه رقية شرعيه وشرب ماء مقروء عليه وحافظي على اذكارك وادعي كثير قولي اللهم ردني اليك ردا جميلا
تم النشر الأربعاء، ٢٢ فبراير ٢٠٢٣
فتره فتور تحدث للجميع وإن طالت تصبح انتكاسة اللهم عافينا.. أحسني الوضوء طيب واستغفري و استعيني بربنا وادعي بالخشوع وهيئي الأجواء حواليكي {هدوء وسجاده معطره والمصحف ومنبه مش موبايل لا منبه عادي} تلت ساعة مثلا صلاه فرض وسنه وتسبيح وقرآن وادعي وإنتي سجده كتير ربنا يردك ليه واستعيذي من الكسل
تم النشر الأربعاء، ٢٢ فبراير ٢٠٢٣
تابعى الاسئلة المرتبطة بالصلاة لنصايح مختلفة
تم النشر الأربعاء، ٢٢ فبراير ٢٠٢٣
هناك شىء اصبحتى متعلقة بيه ....ممكن يكون السوشيال ميديا ( مبقيتيش تسيبى الموبايل من ايدك ) او شىء اخر ادمنتى متابعته. هل ده بيحصل؟
تم النشر الأربعاء، ٢٢ فبراير ٢٠٢٣
لعرض السؤال في فدني اضغط هنا