السلام عليكم انا كنت مصاحبه حد كنا صحاب بس ونهيت الموضوع دلوقتى حالا لما حسيت اني بدأت اتعلق بيه لما حكيت لماما قالت ليا انه صح اصلا وانه مينفعش اصاحب حد وكدا اصلا مش كا الناس هنفكر انكم صحاب بس وصاحبي نفسك. وحبيها وخافي عليها وركزي في مستقبلك. لاني داخله ٣ث وكدا متفكريش دلوقتي المواضيع دي انا نهيت الموضوع بس حاسه بالذنب تجاهه هو لسه مردش عليا ومش عارفه هقوله اي انا قافله من وقت مبعت ومردتش مش عارفه اقوله اي يقنعه ان انا صح خصوصا انه هو كان مخذول من حد. قريب اوي ليه قبل كدا وانا كنت أقرب حد. لي ممكن. تقوليلى اعمل اي وازاي انهي الموضوع بشكل شيك وافهمه ان انا صح ازاي وهل انا غلطت لما نهيت الموضوع ولا لا وانا زعلانه اوي
لان كنت اتعودت عليه جدا والله وهو انا صح اصاحب في سني دا ولا اى
مامتك كلامها صح وهو إنك ماينفعش تصاحبي حد من غير جنسك الموضوع ممكن يتمادى ويدخل في حب وعلاقات محرمة لا قدر الله والله عز وجل قال {وَلَا مُتَّخِذِي أَخْدَانٍ} المائدة/5، و {وَلا مُتَّخَذِاتِ أَخْدَانٍ} النساء/25 الموضوع دا تبعدي عنه دلوقتي وكمان طول عمرك لأن رزقك اللي ربنا كاتبهولك في الزواج هيجيلك لحد عندك من غير ماتعملي حاجة فلازم تعفي نفسك وتبعدي عن أي شبهات ومنكرات من صحوبية بقى او كلام في الموبايل او مقابلات او غيره وبالنسبة لنقطة انك عايزة تنهي الموضوع بشكل شيك فأحسن رد ممكن تقوليهوله هو إنك لما عرفتي إن الصداقة بين البنت والولد حرام شرعا قلتي لازم تعملي باللي رينا أمرك بيه عشان ما تعمليش ذنب حياتك كلها تدمر بسببه بعدين تفهّم الموضوع كان بها ماحصلش كدا ابعدي تماما عنه بمسح رقمه او ببلوك او باي وسيلة تسد بينكم
تم النشر الجمعة، ٢٦ مايو ٢٠٢٣
هو الصح ان الانسانه المسلمه مبتصاحبش حد من الاولاد او الرحاله عموما لا في سنك ولا في سن والدتك ولا في اي سن خالص اصلا مفيش في الاسلام حاجه تبيح انك تصاحبي ولد لاي سبب ولا تحت اي ظرف انت ممكن تتعاملي مع الجنس الاخر بحدود شديدة للصرورة غير كده لا ولا مش عشان حاجه غير عشان مصلحتك الزمن ده شفنا فيه مشاكل ومصايب واضطرابات كتير بسبب التساهل في الاختلاط والصحوبيه والعلاقات ال بين الجنسين بدون اي مراعاة لاحكام الدين وضوابط الشريعه انت تصرفت صح انك نهيتي الموضوع ومش فرض ولا واجب عليك انك تقنعيه انك صح وبتعملي الصح انت متاكده تماما ان ده الصح وهو كمان عارف كده كويس بس ممكن ميحبش يعترف بكده لو عاوز يستمر في علاقات من النوع الغلط ده فانت ممكن تنهي معاه وتقوليله ال بيحصل ده مش صح لما تكون ظروفك تسمح تتقدملي البيت مفتوح تفضل تكلم مع اهلي بس وتقفلي تماما وتشيلي اسمه ورقمه وحساباته وكل حاجه تخصه من دماغك وركزي في دراستك
تم النشر السبت، ٢٧ مايو ٢٠٢٣
كلام مامتك صح جدا، وسؤالك هل ينفع اصاحب وانا في السن ده ولا لا؟ يعني انتي شايفة ان الموضوع هيبقى عادي وانتي في سن كبير من ناحية ايه طيب؟ ما هي هي هتبقى نفس النتيجة .. ممكن جدا تتعلقوا ببعض سواء انتي او هو .. غالبا بيبقى فيه طرف من الطرفين بيتعلق بالتاني. فالموضوع كله على بعضه مش صح ولا في سن صغير ولا في سن اكبر ... حافظي على نفسك .. والتعامل مع الاولاد يبقى تعامل في الحدود .. انا مش هقولك مفيش تعامل .. لانك كده كده هتتعاملي بكره وبعده، بس التعامل يبقى يبقى في الحدود وانتي تبقى عامله حدودك الشخصية. ومتشليش هم الشخص ده فانه يتقبل الموضوع ولا لا .. لانه هيفهم بعد كده ان ده القرار الصح .. وحتى لو مفهمش هي مش مشكلتك في الاخر! لو عايزة تقولي له بطريقة شيك .. قولي له انا عرفت ان كلامنا ده غلط وحرام ومش هينفع .. ووالدتي اقنعتني ب كده .. وانا مش عايزة اعمل حاجه حرام ولا اغضب ربنا ولا ازعل اهلي مني. وبتمنى ليك التوفيق .. وبس كده .. وامسحي اي حاجه تخصه سواء فون او سوشيال ميديا.
تم النشر السبت، ٢٧ مايو ٢٠٢٣
الاجابات كافية هنا بس انا من اول ما شوفت السؤال وانا عاوزة اقولك ولا ف سنك ده ولا ف اى سن الجنس الاخر بنتعامل معاه للضرورة بس ...زماله او مصلحة عامة ...اى تعامل شخص باى قرب مش صح.
تم النشر السبت، ٢٧ مايو ٢٠٢٣
اتقي الله في نفسك ومشاعرك واصبري لغاية ما يجيلك اللي فيه النصيب
تم النشر الجمعة، ٢٦ مايو ٢٠٢٣
لعرض السؤال في فدني اضغط هنا