انا عمري ١٧ سنه من وانا حوالي خمس سنين فجأه قررت اعمل زي قصص في مخيلتي قبل ما انام وعملت للبطل اسم والناس اللي حواليها .البطله دي كانت صغيره ومتكبر معايا وكل مره بتكون الحكايه مختلفه مش نفس الأحداث بدايه تانيه خالص غالبا مش بحط نهايه ليها .انا مش عارفه انا بعمل كده ليه ولا بدأت اعمل كدا ليه اساسا كنت بحاول ابطل الموضوع لما كبرت شويه بس بسبب اني بفكر كتير فكنت بفكر في الحاجات الوحشه اللي حصلتلي حتي لو من سنين ومكنتش بقدر انام فرجعت للخيالات تاني مع العلم ان الشخصيه دي مش انا وحتي مش شبهي ولا اسمي وكل مره بيكون شخصيتها مختلفه فالموضوع مش انفصام او ازدواج شخصيه .كل اللي في الموضوع ان انا برتاح لما بعمل كدا لحد ما اروح في النوم .مش عارفه ايه السبب الي خلاني اعمل كده والمفروض اعمل ايه والتخيلات ساعات بتمتد معايا لليوم الطبيعي .اني بقعد افكر المفروض اخلي ايه اللي يحصل للشخصية دي النهارده زي اللي بيكتب سيناريو لحاجه .بس انا بعرف اتحكم في أفكاري فالموضوع مش بتأثر عليا او علي عموما .لاكن المكان اللي بحس فيه براحه او اني عايزه ارتاح بقعد افكر في الخيالات دي
ده اسمه متلازمه جوسكا وده بيبقي عباره عن احلام يقظة مفرطه بتبقي عباره عن خلق سيناريوهات وقصص وهميه سواء من وحي خيالك او مقتبساها من روايه او مسلسل وبتقضي وقت طويل جدا في اختراع حياه للشخصيات دي وده بينعكس علي تصرفاتك لانك ساعتها بتفضلي الوحده والانعزال عشان تعرف تركزي وممكن كمان توصل انك تكلمي نفسك بصوت عالي علي اساس ان انتي الشخصيه ، الفكره اني لما سألت دكاتره عن الموضوع ده فيه اللي قال ان ده مرض نفسي ومحتاج حل وفيه اللي قال عادي ده نوع من الهروب من الواقع لان الانسان لما بيتعرض العقل بيحاول يخففها فبيخترع اشخاص وسيناريوهات عشان ميتأثرش بالمشاكل وسمعت دكتور اجنبي مش فاكره اسمه الحقيقه كان بيقول ان معظم سكان الارض عندهم المتلازمة بسبب الواقع الصعب اللي بنعيشه وانا في رأي الشخصي ان ده مش مرض نفسي طالما بتقدري تتحكمي فيه ومش بيأثر علي مهامك اليوميه وبتقدري تدرسي وتنجحي وليكي حياه اجتماعيه خلاص افصلي بالسيناريوهات والشخصيات دي مادام ده شيئ بيخفف عنك التوتر وعايزه اقولك ساعات الناس بتزودها يعني ممكن حد يقولك بطلي اللي بتعمليه ده هتتجنني مع ان العقل البشري قادر يخلق مليون خيال ويألف مليون سيناريو فمتشيليش نفسك فوق طاقتها وانا بشوف دي موهبه لازم تستغليها صح حاولي تألفي روايات وتنشريها في جروبات الفيسبوك يمكن يبقالك مستقبل وبالتوفيق يارب
تم النشر الأحد، ٨ سبتمبر ٢٠٢٤
ده بيحصل مع معظم الناس ان كل واحد بيحب يطلع من الواقع اللي عايش فيه بحاجات تانيه تكون مسليه واكتر تفكير وتكون قصه انتي عاملاها من دماغك فعشان كده شغله تفكيرك دي حاجه مش وحشه للدرجه انك تخافي وغير كده ده ساعت النوم بس فدي حاجه طبيعيه
تم النشر الاثنين، ٩ سبتمبر ٢٠٢٤
الموضوع عامل زى اللى بيحب يفصل عن افكاره ومشاكله فبيروح يتفرج على فيلم او مسلسل يتابع احداثه وتفاصيله فيكون فى مكان مختلف بعيدا عن قصته هو اللى فيها مشاكل مش عارف يحلها ولا شايف فيها اى تطور فى الاحداث عموما انتى بدل ما بتتفرجى على اى فيلم بتعملى فيلم جوه عقلك تتفرجى عليه وتعملى تطور لاحداثه عشان تبعدى عن قصتك الشخصية اللى مش حاباها \ الموضوع ده حله الاساسى انك تقررى تواجهى الواقع بتاعك وتبطلى هروب ...ومهما كانت قصتك تتقبليها وتتعايشى مع تطوراتها حتى لو بطيئة
تم النشر الأحد، ٨ سبتمبر ٢٠٢٤
أختي العزيزة، شكرًا لمشاركتك تجربتك ومشاعرك بشكل صريح. من الواضح أن تخيل القصص والخيالات قد أصبح طريقة تساعدك على التعامل مع أفكارك ومشاعرك، خاصة في الأوقات التي تشعرين فيها بالقلق أو الانزعاج. استخدام الخيال كوسيلة للاسترخاء أو التعويض عن الواقع هو أمر طبيعي و يمكن أن يكون له فوائد عديدة، مثل تحسين الإبداع والسيطرة على المشاعر. إن تصميم شخصيات وقصص مختلفة يمثل وسيلة للتعبير عن الذات والتفريغ العاطفي، وهو ليس شيئًا سلبيًا إذا كنت تستطيعين التحكم فيه كما ذكرت. إنما يمكنك استغلال هذه الهواية في تطوير مهاراتك في الكتابة أو الفنون الإبداعية. إذا كانت هذه القصص تساعدك في تخفيف التوتر وتحسين مزاجك، فقد يكون من الجيد متابعة هذه الهواية. ومع ذلك، إذا كنت تشعرين أن هذه التخيلات تؤثر على حياتك اليومية أو تجعل من الصعب عليك التركيز على الأنشطة الأخرى، فقد يكون من المفيد استشارة مختص في مجالات الصحة النفسية، مثل مستشار نفسي أو معالج. يمكن أن يساعدك ذلك في فهم هذه التجربة بشكل أعمق ويوفر لك أدوات إضافية للتعامل مع الأفكار والمشاعر التي تراودك. تذكري دائمًا أن التعبير عن المشاعر ومشاركة الأفكار مع شخص موثوق أو مختص قد يساعدك على الشعور بالراحة والتوازن. وفقك الله في مسيرتك، وأتمنى لك كل التوفيق والسعادة.
تم النشر الأحد، ٨ سبتمبر ٢٠٢٤
هل فكرتِ في كتابة هذه القصص بكل تلك التفاصيل؟ أظن أنها ستكون تجربة ثرية ما دام خيالك واسع ومتجدد. وأنت عندما تجدي أن هذه القصص صارت تأخذ منحنى جاد ومفيد لن تكوني قلقة بشأنها، بل ستركزي في أمور إضافية مثل تحسين ثروتك اللغوية وأساليبك التعبيرية ومعلوماتك العامة وثقافتك. أقترح عليكِ أن تكتبي هنا على فدني لتحصلي على مناقشات بشأن تطوير كتاباتك.
تم النشر الأحد، ٨ سبتمبر ٢٠٢٤
متهيألى ده من الفراغ واحساس بالوحده
تم النشر الأحد، ٨ سبتمبر ٢٠٢٤
كل اللي بتقوليه ده طبيعي وعادي ومفيهوش اي مشكله ولكن هو زي التعليق اللي فوق هو فراغ ووحدة
تم النشر الثلاثاء، ١٠ سبتمبر ٢٠٢٤
لعرض السؤال في فدني اضغط هنا