كيف احسن من حالتى النفسية فى وسط ظروف كفيلة انها تدمر وتبوظ نفسيتى خالص؟
اهم حاجه لازم إرادتك تكون قويه. ابدأي انك تكتبى كل اللى جواكى باستمرار واللى بتحسى بيه هيفرق معاكى جدا. فكرى فى الحاجات اللى بتحبيها وبتكونى سعيده وانتى شغاله فيها وارجعى اعمليها تانى لو فى تجمع اصدقائك أو أقارب حاولى تنضمى ليهم وشاركيهم الحوار والنقاش فى موضوعات مختلفة فكرى فى نفسك وشوفى انتى محتاجه تعملى ايه او تحققى ايه واشتغلى عليه ،حاولى تطورى من نفسك فى مجال معين مارسى رياضه بتحبيها هتساعدك انك تتخلصى من الأفكار اللى جواكى وليها تأثير نفسى كبير هيفرق معاكى طبعا الدعم النفسى مهم جدا علشان كده لو فى صديقه مقربه أو لايف كوتش اتكلمى باستمرار معاهم وشاركيهم افكارك وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر السبت، ١٠ أغسطس ٢٠٢٤
هكلمك عن تجربه بجد الخروج حاولي تطلعي حتي لو هتتمشي كل يوم نص ساعه احكي مع حد بتحبيه وبترتاحي معاه دا هيساعدك جدا زياره اماكن معينه بتحبي تروحي فيها قعده صحاب بتثقي فيهم وبترتحيلهم ولو فيه اي حاجه او هوايه بتحبها وبتبسطك مفيش مانع
تم النشر الأحد، ١١ أغسطس ٢٠٢٤
أول حاجة، لازم تحاول تفهم إن الحالة النفسية مر بمراحل، ومش كل حاجة بتكون سهلة. هنا شوية نصائح ممكن تساعدك: تقبل المشاعر : خليك مدرك لمشاعرك، سواء كانت حزن، قلق، أو إحباط. مش غلط تحس كده، بس حاول ما تخليش المشاعر دي تسيطر عليك. التواصل : اتكلم مع حد تثق فيه عن مشاعرك، سواء صديق، فرد من العيلة أو حتى معالج. الرياضة : الحركة والنشاط البدني يساعد على تحسين المزاج بشكل كبير. حاول تمشي أو تعمل رياضة تحبها. التأمل أو اليوغا : اللي اتنين دول ممكن يساعدوك على الاسترخاء والتركيز على اللحظة الحالية. تحديد الأهداف الصغيرة : حاول تحط لنفسك أهداف بسيطة تحققها يومياً، حتى لو كانت حاجات صغيرة. التغذية السليمة : حاول تأكل أكل صحي، الأكل ليه تأثير كبير على الحالة النفسية. النوم الكافي : حاول تنام كويس لأن قلة النوم بتأثر على المزاج. أخيرًا، نفهم إن كل واحد بيمر بظروف صعبة، المهم إنك تحاول وما تفقد الأمل.
تم النشر الخميس، ٨ أغسطس ٢٠٢٤
بس اختار صح وفنفس الوقت متبقاش عبء عليه
تم النشر السبت، ١٠ أغسطس ٢٠٢٤
اختارى حد قريب ليكى واتكلمى معاه فضفضى
تم النشر السبت، ١٠ أغسطس ٢٠٢٤
لعرض السؤال في فدني اضغط هنا