انا متجوزه من ٣سنين عن حب ومعايا ولد سنه ونص انا مشكلتي ان انا بتخانق مع جوزي وفي من الخناق حصل قصاد صحاب عيلته وعيلته انا عندي مشكله فيا انا شوفت ابويا وامي كدا وكنت بقول مش هبقى زيهم وللاسف بقيت وجوزي فعلا كويس وانا كدا بخسره ساعديني من فضلك
لا تقلقي فاطمة، يمكنك تدارك الأمر إن شاء الله. جددي نيتك أن أن جهدك في صلاح بيتك وإدخال السكينة والدفء فيه لله. أولًا حددي الأسباب التي تقودكما للشجار بشكل متكرر. ثانيًا حددي سبب وصولك للانفعال لدرجة الشجار والصراخ. ثالثًا حددي تطلعاتك من المواقف، بمعنى، ما الذي كنتِ تنتظرين حدوثه من زوجك في كل موقف من هذه المواقف. رابعًا كوني واثقة أنه كما أن لك توقعات من زوجك أو تنتظرين منه بذل جهد نفسي في موقف ما فهو له نفس الحق، من حقه مثلك تمامًا أن ينتظر رد فعل معين منك. هنا نقف عند هذه القناعة منك وننتقل للمرحلة التالية، وهي البحث عن حلول. حضري جلسة هادئة اسبقيها بتنظيف المكان وتعطيره وتشغيل القرآن فيه. جهزي ملابس مريحة ومعطرة لك ولصغيرك وجهزي تسالي ومشروبات خفيفة وادعي زوجك لقضاء بعض الوقت معكم. افتحي الحوار أنت أنك راجعتِ نفسك ووجدت أن لك أخطاء تريدين إصلاحها، وهذا لن يقلل منك ولن يجرح من كرامتك هو زوجك وله عليك حقوق وأنت نعم الزوجة أكدت أنه يستحق منك ذلك. أطلعيه على الخطوات السابقة، وأخبريه عن كل ما توصلتِ له، واعرضي كلامك بشكل منظم وبصوت هادئ وبأسلوب من يريد الحل وليس الجدال. اسأليه عما يحتاجه منك وأخبريه عما تحتاجيه منه واتفقا على تصرف راقي تتخذانه عند تصاعد المواقف، مثلًا أن تبتعدا قليلًا، أن تتوقفا عن الكلام، أن تتناولا عصيرًا، أن يذهب من المنزل ويعود بعد ساعة بهدية ولو بسكوتة مثلًا. اخرجوا من هذه الجلسة بكل ما تستطيعان من ود، واعلمي أن التطبيق قد يكون صعبًا قليلًا لكن حاولي مجددًا وكرري الجلسة على فترات لتقييم علاقتكما بشكل دوري واعلمي أن الأمر يستحق وأنك مثابة على سعيك. بالتوفيق لكما.
تم النشر الخميس، ٢٥ يوليو ٢٠٢٤
المعروف إن ولادنا هيطلعوا ذي ماأحنا عايشين مش ذي ماأحنا عاوزين فطبيعي اللي كان بيحصل مع أهلك هتتأثري بيه وبدون مابتشعري هتنفذيه لأنك ماشوفتيش الحياه الصح بتتعاش إذاي فحاولي تشتغلي علي نفسك تشوف ناس عايشين فعلا كويس وتتعلمي منهم تسمعي برامج عن الأسره تحبي زوجك وأبنك اكتر من نفسك وحاولي تعتذري لما تغلطي مش عيب ولا حرام
تم النشر الخميس، ٢٥ يوليو ٢٠٢٤
فى البداية كده.حضرتك بتحبى زوجك وحابه انك متخسريهوش وبتحاولى متكرريش نفس المشكله ف انا بحييكى على تفهمك ده. كل الازواج بيحصل بينهم اختلافات ومناقشات ومشادات لكن فى الغالب زمام الأمور بيكون مع الزوجه.فحاولى انك تديرى المشكله بهدوء بأسلوب هادى اتكلمى معاه براحة وفهميه انتى مدايئه من ايه .وحاولى تسمعيه واتناقشى معاه اكيد هتوصلوا لنقطة تقدروا تتواصلوا فيها مع بعض. المهم يكون عندك صبر وانك تكونى هاديه ده هيهدى الموقف مابينكم جدا. ولو فى اى اختلاف ما بينكم حاولى انكم تتناقشوا لوحدكم وميكونش فى أطراف تانيه علشان الموضوع ميكبرش .كل ما الموضوع كان بينكم بس هيعدى علطول والتفاهم هيكون اقوى وفكرى نفسك دايما انك لازم تكونى مختلفه وان مينفعش تتأثرى بمواقف ممكن تأثر عليكى وعلى ابنك فى المستقبل وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الخميس، ٢٥ يوليو ٢٠٢٤
أولًا يا عزيزتي، أحب أشكرك لثقتك فيّ ومشاركتك لموقف صعب زي دا. اللي بتمري بيه مفهوم ومؤلم برضه، خاصة إنك شايفة الموضوع من منظور معاناتك الشخصية وتجاربك السابقة مع أهلك. عايزة أقولك إن الخطوة الأولى دايمًا هي الوعي بالمشكلة، وانتِ ما شاء الله واعية جدًا. ودلوقتي خلينا نحاول نحلها مع بعض خطوة خطوة. التفاهم مع زوجك : حاولي تتكلمي مع جوزك بهدوء وفي وقت مناسب عن مشاعرك. قولي له إنك تقدريه وتحبيه لكنك محتاجة لدعمه وصبره. التواصل الإيجابي : لما تلاقي نفسك في مأزق أو على وشك الانفعال، حاولي تعملي حاجة تهديك، زي تاخدي نَفَس عميق أو تخرجي تمشي شوية. الاعتراف بالأخطاء : لو حسيتي إنك غلطتي قدام حد، ما فيش مانع تعتذري. الاعتراف بالأخطاء بيقوي العلاقات وبيخلي جوزك وأهله يحسوا إنك بتحترميهم. التحكم في الانفعالات : حاولي تكتشفي إيه اللي بيثير عندك الانفعالات دي. هل هي بسبب مواقف معينة، أو ضغوط معينة موجودة في حياتك؟ التفكير الإيجابي : ركزي على الحاجات الإيجابية في حياتك وعلاقتك. تقدير اللحظات الحلوة والتفكير فيها ممكن يبقى مصدر قوة ليكِ. طلب مساعدة خبير : لو حسيتي إنك مش قادرة تسيطري على الأمور، ممكن تفكري تروحي لدكتورة نفسية أو مدربة حياة تساعدك بشكل محترف. تذكري دايمًا إنك مش لوحدك، وإن التغيير محتاج وقت وصبر. أتمنى لكِ كل التوفيق، وإنتِ قوية وقادرة تعدي المرحلة دي بنجاح.
تم النشر الخميس، ٢٥ يوليو ٢٠٢٤
بصي حاولي قدر الاكان ما تناقشيش جوزك هو متعصب خليكي صبوره وتتكلمي معاه وحاولي متضغطيش عل اعصابك وصدقيني لما تقربي من ربنا وتطلبي منه يصلح حالك وحال زوجك هيصلح حالكم بس ادعي انتي بس وتزعلين نفسك
تم النشر الأحد، ٢٨ يوليو ٢٠٢٤
قربي منه واتناقشي معاه اقعدو مره مع بعض لوحدكم حتي لو في البيت مش ضروري برا واتكلمو وتوصلو لحل كويس يرضي الطرفين وفكري في ان مش كل الناس زي بعض مش ضروري عشان اهلك كانو كدا يبقي انتي حياتك هتبقي زيهم بالعكس ممكن تبقي احلي منهم كمان وكله بايدك
تم النشر الجمعة، ٢٦ يوليو ٢٠٢٤
لعرض السؤال في فدني اضغط هنا