انا صامته معظم الوقت لما اكون قاعدة مع أصدقائي في الشغل مش عارفه افتح مواضيع معهم بحس انا معنديش كلام اقوله وانا بشتغل مدرسة وحتي المديرة في الشغل قالتلي قبل كده بلاش الهدوء الأوفر ده مش عارفه احل المشكله ازاي عندي وبتخنق من ناس بسرعه
من وجهة نظرك لو شايفة انك كده مرتاحه وحاسه ان مفيش مشكلة مأزمة معاكي حياتك او بتعيق حاجه معينه .. يبقى خلاص مش مطلوب منك تتغيري. اما لو انتي حاسه انها مشكلة ومأزمة حياتك، بس فعلا فيه مشكلة، مش مجرد كلام الناس بيقولوا عليكي ايه؟ ف ممكن وقتها تنزلي انشطة تطوعية .. او تعملي اي نشاط تحبيه هيخليكي تتعاملي اكتر مع الناس ..
تم النشر الثلاثاء، ٢٠ يونيو ٢٠٢٣
الحل بسيط هو المشاركة ، مثلا شرب القهوة والشاى مع زملائك في العمل ، إلقاء التحية على الجميع واسأليهم عن صحتهم و تلقائيا هيتم فتح الحوار والمناقشة فى مواضيع عامة
تم النشر الخميس، ٢٢ يونيو ٢٠٢٣
مشكلة الامور المجهولة هو الخوف ... خوضي بالموضوع وتوقعي اسوء النتائج واقتنعي انو عادي حتى لو حصل كده مش نهاية العالم
تم النشر الثلاثاء، ٢٠ يونيو ٢٠٢٣
لا دي مش افوره ولا حاجه انت مش مضطره تملي اي فراغ بكلام كتير عشان تعجبي اي حد.. لو انت بترتاحي وانت ساكته وبتسمعي او سرحانه حتى ف عالم تاني بعيد عن كلام ال حوليك خلاص اهم حاجه راحتك وراحه شخصيتك متشغليش دماغك بكلام حد عنك
تم النشر الثلاثاء، ٢٠ يونيو ٢٠٢٣
انتى حاسه ان دى مشكلة ولا عشان بس هما بيقولوا كده ؟ لو دى طبيعتك فمفيش مشكلة لو انتى بيبقي جواكى ملام ومكسوفه مثلا تقوليه ...فممكن تغيري ده فى نفسك فعلا ؟
تم النشر الثلاثاء، ٢٠ يونيو ٢٠٢٣
مش فاهم، هو الموضوع ده مش ميزة😅 افضل شئ قلة الكلام على ما اعتقد، كل ما قل الكلام قلت الذنوب بإءذن الله.
تم النشر الاثنين، ١٩ يونيو ٢٠٢٣
لعرض السؤال في فدني اضغط هنا