انا فرحي بعد ٥ شهور ولحد دلوقتي وانا مش عارفة هل هعرف اعيش معاه ولا لا
أعتقد إنه طبيعي كل ما قرب موعد الزواج كل ما شعورك ده هيزيد وهتحسي بقلق أكتر وممكن تفكري فعليًا تتراجعي وتنهي الخطبة. إذا كنتِ اخترتِه عن قبول ولقيتِ إنه شخص مناسب ويصلح كزوج ودرستِه كويس في الفترة اللي مرت من الخطبة فحاولي تتعاملي مع أفكارك باعتبارها مشاعر توتر عادية. صلي استخارة واركني مشاعرك سواء إيجابية أو سلبية تجاه خطيبك وزواجك القريب وادعي إن ربنا يختار لك إذا كان في زواجك منه خير فإن شاء الله مخاوفك هتعدي بصورة طبيعية والزواج هيتيسر وإذا كان شر فإن شاء الله ربنا يبعده عنك ويكتب لك الخير. بالتوفيق.
تم النشر الاثنين، ١٣ يناير ٢٠٢٥
السلام عليكم ورحمة الله وبركاته بصي يا أختي أنا مقدر جدا إنك خايفه ومتوتره في قرار زي ده لإن انتي بتختاري شخص تكملي معاه حياتك وده يعتبر أهم اختيار في حياتك فعلشان تختاري صح أولا دوري على اللي بيصلي إوعي تختاري حد مابيصليش، اللي خان عهده مع الله مش هيحفظ عهده معاكي دوري على اللي مقياسه في الحياه الحلال والحرام دوري على الصالح المصلح وانسي الفلوس خذوهم فقراء يغنيكم الله وأهم حاجه صلاة الاستخاره وأكثري من الدعاء وادعي وقولي (اللهم ارزقني زوجا صالحا يصب عليا الحب صبا صبا وعابدا لله ) ربنا يرزقك بالزوج الصالح.
تم النشر الاثنين، ١٣ يناير ٢٠٢٥
عزيزتي، من الطبيعي أن تشعري بالقلق والترقب قبيل دخولك في حياة جديدة مثل الزواج. إليك بعض النقاط التي قد تساعدك في التعامل مع هذه المشاعر: تواصلي معه: حاولي الحديث معه بصراحة عن مخاوفك وأسئلتك. التواصل الجيد هو أساس أي علاقة ناجحة. تحديد الأهداف المشتركة: ناقشا الأهداف والطموحات المستقبلية لكما كزوجين. هذا يمكن أن يسهم في بناء رؤية مشتركة تؤمن لكما الاستقرار. الاختلافات الثقافية أو الشخصية: إذا كان هناك اختلافات بينكما، فتذكّري أن هذه الاختلافات يمكن أن تكون فرصة للنمو والتعلم. البحث عن الدعم: لا تترددي في الاستعانة برأي أمهاتك أو أخواتك أو الأصدقاء الذين مروا بتجربة الزواج، فهم قد يقدمون لك نصائح قيمة. تقبلي القلق: من الطبيعي أن تشعري بالقلق، لذا كوني لطيفة مع نفسك ولا تقسي عليها. الأمر يتطلب وقتاً وصبراً. تذكري أن لكل علاقة تحدياتها، ولكن مع التفاهم والاحترام المتبادل، يمكنكما بناء علاقة قوية ومثمرة. وفقك الله في خطواتك المقبلة.
تم النشر السبت، ١١ يناير ٢٠٢٥
يعني انتي في البدايه اختارتيه عن اقتناع صليتي استخاره كان في قبول أو لاء ، ولا ده قلق مثلا لما بتفكري في الحياه الجديده الي هتدخليها ،ما هو انتي لازم تكوني عارفه ومحدده اسبابك ، مفيش تأخير ولا حاجه انك تاخدي قرار دلوقت افضل صدقيني من بعدين علشانك اولا وعلشان الاولاد ميدفعوش ثمن تررددك ده، لان مفيش حاجه اسمها الحب بيجي بعد الجواز لازم علي الاقل في قبول في موده بينكم بعد كده الحب بيكبر فاهماني،،،متقلقيش يا جميله الله يصلح حالك ولو خير ليكي ربنا يتمم عليكم يارب ويرزقك اولاد صالحين يعتز بيهم للإسلام يارب
تم النشر السبت، ١١ يناير ٢٠٢٥
من رايي دي مخاوف طبيعيه لان البنت قبل الفرح بفتره قصيرة او المقصود ان كلما اقتربت الايامم وهكذا دا شعور اي بنت انهاا ازاي هتعيشش معاه ازاي هتتعود واسئلة من دي كتير لكن انتي لازم تهدي وتحاول تتعاملي عادي وشيلي م دماغك كل الافكار دي وكله هيبقي تمام و Good luck 🤍
تم النشر السبت، ١١ يناير ٢٠٢٥
يعني اي ازاي هتعيشي هو شخص مش كويس يعني ولا اي مش فاهماكي
تم النشر السبت، ١١ يناير ٢٠٢٥
هو في قبول بس لما افكر ازاي هعيش معاه بتعقد
تم النشر السبت، ١١ يناير ٢٠٢٥
ده اسمه تردد.... شرط في الزواج إن حضرتك تكون مرتاحه وسعيده بقدوم معاد الزواج.... وعليه... لو متردده متكمليش...... وقبل القرار لازم يكون بينك وبين نفسك اسباب مقنعه .....ومن حق الطرف الآخر يعرف بالقرار في اقرب وقت حضرتك اتأخرت في حسم هذا الأمر
تم النشر السبت، ١١ يناير ٢٠٢٥
لعرض السؤال في فدني اضغط هنا