السلام عليكم
انا تعبانة جدا ومحتاجة مساعدتكم احساسي بالذنب وأن مش عرفة أبطله مھما حصل وبيبقي غصب عني انا بنت عندي ١٨ سنة اوقات علاقتي بأمي وابويا مش كويسة لان انا عاقة لهم بمعني الكلمة
يعني ممكن لما يعصبوني اشتمھم وكده بس اول مابتخانق معاھم بادخل وابحث في التلفون عن عقاب العقوق وانة كبيرة من الكبائر وبروح اعتذر ليھم وافضل اعيط واقول يارب انا خلاص توبت بس برده مفيش فايدة مش عارفة
انا كرھت نفسي بسبب العقوق ليھم ده مع العلم ان بحفظ قرآن وبصلي وبحب ربنا جدا وخايفة أغضبه بس الوقت الي بشتمھم ده مش عارفة مش بحس بنفسي ولا إيه واقول ھو ازاي اقول كدة ھو انا ازاي شتمتھم والله نفسي اتوب ومرجعش اعمل كدة تاني خصوصا احنا في رمضان وعارفة كل افضالھم عليا وعرفة ان كده غلط وعارفة ان لو صبرت لما يعصبوني يبقي احسن بس مش عارفة
تعبت من كتر ما بغضب ربنا في كدة يمكن دي الحاجة الوحيدة الي بذنب فيھا ربنا بقول بقا انا مش بعمل الذنوب الصغيرة وبعمل كبائر الذنوب تعبت اوي وخايفة من غضب ربنا عليا
وعليكم السلام ورحمة الله وبركاته، عزيزتي، أشعر بمعاناتك وأفهم شعورك بالذنب تجاه علاقتك بوالديك. من المعروف أن عقوق الوالدين من أكبر الكبائر في الإسلام، ولكن من المهم أن تذكري أن الشعور بالندم ورغبتك في التوبة تعتبر خطوات إيجابية مهمة. أولاً، عليك أن تذكري أنك ما زلت شابة، وفي مرحلة من مراحل حياتك، ومن الطبيعي أن تواجهين صراعات عاطفية وصعوبات في التحكم في مشاعرك. تذكري أن الجميع يرتكب أخطاء، ولكن الأهم هو كيفية التعامل مع هذه الأخطاء وتصحيحها. إليك بعض الخطوات العملية التي يمكن أن تساعدك في تحسين علاقتك بوالديك: التفكر والتأمل : عندما تشعري بالغضب، حاولي أخذ لحظة للتفكير قبل أن تتصرفي. تساؤلي عن سبب غضبك وابحثي عن طرق للتعبير عن مشاعرك بشكل هادئ. طلب المغفرة : عندما تخطئين، حاولي الاعتذار بصدق. اعتذاري لوالديك عن أي كلمات قاسية قلتها، وعبّري عن رغبتك في تحسين علاقتك بهما. الدعاء : استمري في الدعاء إلى الله بأن يمنحك القوة والصبر لتحسين علاقتك بوالديك، وأن يهدى مسارهم ومسكينهم. التواصل المفتوح : حاولي التحدث مع والدتك أو والدك عن مشاعرك. قد تساعدهم معرفة ما يزعجك في فهمك بشكل أفضل وخلق بيئة أكثر هدوءًا. المسعى الدائم : تذكري أن التوبة ليست مجرد كلمات بل هي سلوكيات. اعملي على تحسين نفسك بشكل مستمر، وستجدين إن شاء الله أن الله سبحانه وتعالى سيتقبل توبتك. أخيرًا، كوني لطيفة مع نفسك. فإن الفهم والتغيير يستغرقان وقتًا، والله سبحانه وتعالى غفور رحيم. استمدي القوة من إيمانك، وتذكري أن التوبة عبادة تقربك من الله وتكون سببًا في رضاه. حفظك الله ورزقك القبول والتوفيق.
تم النشر الخميس، ٦ مارس ٢٠٢٥
حبيبتي قلبي أنت عندك بكل اختصار عدم التحكم بغضبك وممكن يأثر عليكي بكل الجوانب مش اهلك بس وكويس انك عارفة لأن في ناس بتجهل عن هذا الموضوع وانك بتصلي وحافظة لقران يعني مهمته بدين دا شيء كويس أنتِ تعملي ايه تقرأي كتب لان صبرك عن الكتب هيخلي لك نفاذ في الهدوء وعدم الرد هتكون هاديه وفي كره لتوتر او الغضب اي كره مطاطه هتنفعك بردوا حاولي بكل الطرق مفيش في الدين استسلام أقر كتب احفظِ اي شيء المهم رخي أعصابك وكمان شوفي اللي الي بيعصبك وحاولي تعالجي نفسك منه وشوفي شوفي نقاط ضعفك وحاولي لا يوجد استسلام إن شاء الله هتكوني كويسه اضحكي يلا متزعليش هتتحل إن شاء الله
تم النشر الجمعة، ٧ مارس ٢٠٢٥
عزيزتي. هناك حكمه تقول. عظماء وقليلون من يدركون قيمه الاشياء وهي في ايديهم الاب والام. اشياء لا تقدربثمن وسوف تتركين ذلك. بعد ذلك. لا شيء. في الدنيا. يدعوك. الى عقوق والديك. صدقيني. نعيمك. وسعادتك. وتوفيق الله لك. في الدنيا. هي دعوات. هؤلاء الناس. غير ذلك. تكوني. كالسياره. التي. لا يوجد بها فرامل. وجود الوالدين. باب مفتوح الى السماء. دعواته مستجابه. ابتسامات موجوده. حب بلا شرط. صدقيني. لديك الدنيا ولا تدري بري والديك. طوري من نفسك. وتذكري هذه الكلمات جيده. سوف ياتي وقت. قد تندمي على هذه الاشياء. ولكن. قد لا ينفع الندى وقتها. ادام الله عليك. والديك. ومتعك. برضاهما. وسعادته.
تم النشر الجمعة، ٧ مارس ٢٠٢٥
اولا ابعدي عن اي حاجه ممكن تكون مؤثرة عليكي و مخلية فيه دافع عندك للاساءة ليهم ثانيا قبل اي خناقة جربي انك تسكتي و متتكلميش ده افضل ليكي صدقيني لان خسارة النقاش افضل من خسارة الأشخاص
تم النشر السبت، ٨ مارس ٢٠٢٥
كويس انك حاسة بذنبك واوعى تقلدى شخصيات السوشيال دى ناس تانية غيرك انتى كويسة واهلك اطيب واحسن اهل بالدنيا وطول ما انتى كويسة معاهم وفى اولى حساباتك هتتغير الدنيا خالص معاكى وهتبقى اجمل وهتنولى رضا ربنا عليكى بكرة هيحصل نفس اللى بتعمليه بالظبط بس هتبقى اسوء مما تتخيلى استغفرى ربنا وغيرى معاملتك وهتشوفى الرضا اللى هتبقى فيه
تم النشر الجمعة، ٧ مارس ٢٠٢٥
طبعا فكره انك تدوري ع العقوق والعقاب دي حاجه كويسه انك تبقى عارفه ان دي من أهم الحاجات في حياتك..بس احنا بنتعامل مع الاهل من جانب الحب والفضل. يعني افتكري كده ماما الحلوه دي كام مره تعبت عشانك وفرحت بولادتك ودعتلك ووقت ماتبقى تعبانه قلبها بيرجف عليكي ازاي وماتنامش وتلف وتدور وتسأل. قد ايه اوقات كان ممكن نفسها يبقى ف حاجه وقررت تجيبلك لبس او صحيت من عز النوم عشان تهديكي وتذاكرلك وتسامحك وتحافظ عليكي مفيش كومنت هيكفي اقولك مامتك عملت ايه. ولا والدك اللي كل تفكيرك ازاي يحميكي ويوفرلك الأمان و الماديات ويحبك من كل قلبه حتى لو معبرش. دول اول سبب في وجودك بعد ربنا. محتاجه تغذي عقلك بحبهم وفضلهم عشان تمتصي كل الغضب اللي بيحصل منهم وان سنهم بيكبر وانه بذلوا وبيبذلوا كل اللي يقدروا عليه عشانك❤️ثانيا محتاجه تعتذري كذا مرتين ع الاقل ورا الموقف علطول عشان عقلك يفصل الحدث بعدها هيروح. وادعي ربنا وماتيأسيش من نفسك حبه بحبه هتلاقي لطف قلبك غلب عليكي وتعذري ضعفهم زي مااهتموا بضعفك وقت ماكنتي مش. عارفه تفتحي ايدك حتى. ولو عندك فرصه تتعاملي مع طفل وتلمسي صعوبه التربيه بنفسك هتقدرى تحسي ده كويس لحد ما ربنا يكرمك وتبقى ام حلوه زي مامتك♥️
تم النشر الجمعة، ٧ مارس ٢٠٢٥
لعرض السؤال في فدني اضغط هنا