دايما بسمع كلام إحباط من اللي حواليا و كلام يحطم نفسيتي خاصة من أهلي ( والدتي ، أختي ، والدي) كلام ما يخلينش أقدر أواجه ضغوط الحياة خاصة كمان إن انا طالب ثانوية عامة و دايما محتاج ان نفسيتي تكون مرتاحة و عقلي يكون صافي فأنا دلوقتي محتاج إني ألاقي اللي يسمعني و يسمع مشاكلي و يفهمني و يحفزني دايما. أرجو الإفادة
عندك حق .. النفسية محتاجه تكون هاديه علشان تقدر تركز .. بص هقولك حاجه خلي قدامك هدف معين ايا كان وعينك لازم تكون عليه وترسم خطواتك وترتبها لحد ما توصله.. اهلك مش هتغيرهم .. هم هيتغيرو لوحدهم لما يلاقوك واصل لهدفك ومركز .. ماتعتمدش ابدا علي شخص علشان تطلع لقدام . انا معاك ان التشجيع مهم ولما بيكون من الاهل بيبقي مهم جدا كمان ..بس السنه دي مهمة جدا اوعي تشتت تفكيرك وتنشغل بمين بيكلمني حلو ومين بيشجعني ومين محسش بيا .. ده اهدار لطاقتك . واعتبر ده تحدي وشوف مين الي هيكسب في الاخر انت لما تطبطب علي نفسك ولا الطفل الي محتاج حد يطبطب عليه.. ماتزعلش منهم كل واحد مختلف عن التاني وافكاره وطريقه تعبيره مختلفة بس في الاخر هيفضلو اهلك الي بيحبوك وبيخافو عليك ونفسهم تكون احسن واحد بس اعتبر طريقتهم مختلفة في التعبير عن حبهم ... وربنا معاك
تم النشر الجمعة، ٢٨ فبراير ٢٠٢٥
عزيزي مروان، أقدر تمامًا ما تشعر به من إحباط وضغوط، خاصة في هذه المرحلة الحساسة من دراستك. التعامل مع تعليقات سلبية من الأهل أو المحيطين يمكن أن يكون تحديًا كبيرًا، لكنه ليس مستحيلاً. أولًا، من المهم أن تعرف أن مشاعرك صادقة ومرتبطة بالتحديات التي تواجهها، لذا حاول أن تجد متنفسًا للتعبير عنها. يمكنك مثلاً البحث عن أصدقاء أو معلمين يقدمون لك الدعم المطلوب، أو حتى الانضمام إلى مجموعات دراسية، حيث يمكنك تبادل الأفكار والمشاعر مع من هم في وضع مشابه. ثانيًا، حاول أن تركز على نقاط قوتك ونجاحاتك الصغيرة، كل خطوة صغيرة تحرزها نحو أهدافك تستحق التقدير. يمكنك أن تضع أهدافًا قصيرة المدى، حتى ولو كانت بسيطة، والعمل على إنجازها، مما سيزيد من ثقتك بنفسك. ثالثًا، من المفيد أن تتحدث مع أهلك بوضوح عن مشاعرك وتأثير كلماتهم على نفسيتك. قد لا يدركون مدى تأثير كلماتهم، وقد يكون النقاش معهم بداية لفهم أفضل. وأخيرًا، إذا شعرت بأن الحاجة للدعم أكبر من المعتاد، يمكنك التفكير في استشارة مختص نفسي أو معالج، حيث يمكنهم مساعدتك على تطوير استراتيجيات للتعامل مع الضغوط والانتقادات. تذكر أنك لست وحدك، وأن هناك دائمًا من هو مستعد للاستماع ودعمك. استمر في محاربة الإحباط، فبإمكانك التغلب على هذه المرحلة والتوجه نحو مستقبل مشرق. أتمنى لك التوفيق والنجاح.
تم النشر الجمعة، ٢٨ فبراير ٢٠٢٥
السلام عليكم ورحمه الله وبركاته الكلام المحبط والتوتر والظروف مش قد كده طبعا كلها حاجات هتاثر علينا وعلى انتاجيتنا وعلى تركيزنا وعلى مذاكرتنا كل ده جميل بس خليني اقول لك على حاجه دي اول حاجه انت هتبدا تتدرب عليها وهتشوفها بعد كده على طول اللي هي ضغوط الحياه دي اول يعني نقول ايه اول تجربه هتعيشها هتبقى محتاج تركز رغم الضغوط هتبقى محتاج تعمل نتيجه كويسه رغم الحاجات اللي هي احنا بنقول عليها ضد التيار مش طول الوقت هيكون الشخص اللي بيجيب نتيجه كويسه هو الشخص اللي كان قاعد في جوه هادي وبيذاكر كويس وفي ماما بتعمل له اكل حلو جدا وبياخد فيتامينات عشان خاطر التركيز مش دايما هو ده الشخص اللي بينجح واللي يجيب نتائج كويسه المهاره عند التركيز في وسط الضغوط مهاره مهمه جدا جدا في الحياه وانا انصحك انك تستغل الفتره دي في ان انت المهاره دي تكون بتعرف تعملها انها تفرق جدا في شخصيتك قدام. لما يقولوا لي كلام محبط انا اقول لنفسي انه انا رغم إحابطهم فانا هعمل نتيجه كويسه ودي هتبقى يعني اكبر رد على كلامهم الوحش ده لما يشوفوا النتيجه الكويسه وهقول لهم انا ما احتاجتش كلامكم عشان خاطر اكون جايب نتيجه كويسه انا عملت ده بنفسي ودي حاجه تخليك فخور بنفسك لما تعملها النفسيه المرتاحه صدقني لو انت بس ااا ركزت قوي قوي مع الصلاه مع الخمس فروض حتى الاساسيين هتحس بنفسيه هاديه جدا رغم كل حاجه لو الدنيا بتتشقلب من حواليك انت هتحس ان انت هادي نفسيا لانه دي بتبقى شحنة روحانيه بتخليك في مكان هادئ ذهنك صافي رغم كل شيء. اتمنى تسمع نصائحك وتعمل بها وان شاء الله ربنا يكرمك بنتائج كويسه في الثانويه العامه. ولو على التحفيز احنا موجودين اهو نحفزك هو معاك وبنقول لك انت هتكسر الدنيا.
تم النشر الاثنين، ٣ مارس ٢٠٢٥
السلام عليكم، متفهمة جدًا مشاعرك وحالتك، لكن أحيانا الأهل يوجهون الانتقاد بطريقة جافة أو محبطة اعتقادًا منهم أنهم هكذا يشجعون الابن على الإنجاز أو الخروج من حالة الكسل أو أي حالة هم غير راضين عنها. إن لم تستطع الكلام معهم بصراحة وإخبارهم أن كلامهم يحبطك لا أكثر ولا تفضل أن يخبروك بهذا كان بها، إن لم تنجح في هذا حاول قدر الإمكان غض الطرف عما تسمعه. عوض أنت نفسك عن هذا الكلام بكلام إيجابي، لأن المهم هو ما تعتقده أنت وما تخبره لنفسك. إذا كنت تغذي نفسك باستمرار بما يحفزك وبالكلام الإيجابي وتعزز ثقتك بنفسك عن طريقة تطوير مهاراتك فلا أهمية لكلام الناس مهما كانت درجة قربهم منك. أهم شيء الاستعانة بالله وعدم اليأس، التحفيز الذاتي أهم بكثير من التحفيز الخارجي مؤقت التأثير. جرب أن تأتي كل صباح بورقة وقلم واكتب لمدة عشر دقائق، اكتب أفكارك أو ما تريد إنجازه أو ذكر نفسك بما يحفزك وبأهدافك ولماذا عليك أن تستمر في طريقك أو لماذا لا يجب أن تستمع للكلام المحبط. مارس الامتنان أيضًا، وسجل يوميًا على الأقل 3 أشياء أنت ممتن لوجودها نعمة في حياتك وهذا السلوك سيؤثر عليك كثيرًا من الناحية الإيجابية ويقلل تأثرك بأي جانب سلبي أو محبط في حياتك. بالتوفيق إن شاء الله.
تم النشر السبت، ١ مارس ٢٠٢٥
والله يا صديقي انا مكنتش برده لاقي اللي يفهمني واحكي معاه بس انا كانت عائلتي مش اهانة وكدا لا هم الفرق كانوا مشغولين عني بس عرفت اتكيف مع الأمر بقا عادي بالنسبة إلى وأنا عازرهم والله وعادي بس بالنسبة إليك بص هو انت مثلا حد منهم هيقول اهانة كلمة جارحة غيره لأ ما تشيل عديها بضحكة يعني مثلا انت مقصر في المذاكرة ايوا والله كنت مقصر بس الحمدلله بذاكر أحسن دلواتي 😁 انت مش منظم غرفتك زبالة 😅 ما انا كنت هقوم ارتبها لو بس الصبر 😸 تقبل يا صديقي وعديها هم مثلا ممكن يكونوا اتربوا تربية حازمة شوية ف التمس لهم العزر وربنا يوفقك يا محترم ويحقق لك هدفك 🙂
تم النشر الجمعة، ٢٨ فبراير ٢٠٢٥
انا كمان ثانويه عامه و عندي نفس المشكله و يمكن اكبر بس هقولك حاجه نفعت معايا اعمل فلتر ع ودانك يعني ب معني أصح اي كلمه سلبيه كأنك مسمعتش و خد كلامهم كأنه تحفيز ليك انت فلشر مثلا اثبت انت العكس ب اجتهادك و نتيجتك و ربنا يوفقنا جميعا
تم النشر السبت، ١ مارس ٢٠٢٥
لا تزعل منهم بل ازعل عليهم ولا تلقى لكلامهم بالا ورد عليهم بالحسنى
تم النشر الثلاثاء، ٤ مارس ٢٠٢٥
انا خلصت الثانوية العامة .. ونصيحتي ليك أن تتقبل الواقع زي ما هو بالضبط .. تقبل اهلك تقبل نفسك زمايلك درجاتك تقبل كل حاجة + انت اللي تغير متستناش التغيير .. بتكلم على المستوى النفسي .. غير مشاعرك السلبية وتوترك واحباطك وانت وطريقتك .. تأمل كتابة رياضة هواية .. اي حاجة مفيدة بتديك احترام وحب لنفسك
تم النشر السبت، ١ مارس ٢٠٢٥
لعرض السؤال في فدني اضغط هنا