السلام عليكم،
أنا كنت بكلم واحدة و بحبها فترة كبيرة و احنا اصلا قرايب و اكتشفت انها بتخوني و هي بتنكر و مش عارف اعمل معاها اي و كل ما احاول ابعد عنها بتعب و مش بقدر
بقيت ولا عارف اكمل معاها ولا عارف اكمل من غيرها
هي بتقعد تقول انها بتحبني و الكلام ده بس بتعمل عكس ده و لما اواجهها بتنكر و بتتهرب و بتقول تعبانه و هنام و تقفل علشان تعدي الحوار و بتحلف كدب
مش عارف اعمل ايه ولا انتقم منها ازاي علشان ظلمتني و وجعتني وكسرتني و كلو ده علشان طيب و حبيتها بجد
يمكن انا مش هقدر أفيدك اوي لأن انا معنديش خبره في الوضيع ده لو انتي متاكده ان هي بتخونك سبه عشان انتي كده بتاذي نفسك بعلاقة سامه مش حلو لا لك ولا لها وتحولش ابدا تاذيها ولا تنتقم منها عشان انت هتتاذي كتير منها بكتير فأنصحك تبعد عنها من غير متاذوا بعض ولا تجرحوا في بعض والعفو عنها عشان ربنا بيحب الناس اللي بتغفر وتعفو اكيد ربنا هيرزقك بشريكه حياه تقدر مشاعرك وتقدر
تم النشر السبت، ٢٨ ديسمبر ٢٠٢٤
السلام عليكم.. اولا عليك بالابتعاد عنها فورا يااخي اذا صلحت المرأه صلحت حياتك واذا كانت متلاعبه وخبيثه وفاسده تكون حياتك شقاء وتعب ويجب عليك البعد والدعاء لله حتي يرزقك الصالحه بالحلال .. انت طيب وهي تتلاعب بك وانت لست زوجها حتي تنتقم منها او تعاقبها اترك الذنوب واتجه الي طريق الصلاح لعل الله قد كتب لك الإصلاح اتجه واطلب من الله المعونه واسأله الهدايه..
تم النشر السبت، ٢٨ ديسمبر ٢٠٢٤
وعليكم السلام. أشعر بألمك ومعاناتك في هذه الحالة، وأتفهم صعوبة الوضع الذي تمر به. من الواضح أنك مستثمر مشاعر كبيرة في هذه العلاقة، ولهذا يكون من الصعب عليك التخلي عنها رغم الألم الذي تسببته لك. أولاً، يجب عليك أن تأخذ بعض الوقت لتفكر في ما تريده حقاً. هل ترغب في الاستمرار مع هذه الفتاة رغم خيانتها؟ أم أنك تفضل الابتعاد عنها لترتاح من الألم؟ إذا كانت مشاعرها تجاهك غير صادقة، فإنه من الأحق أن تمنح نفسك الفرصة للشفاء والتعافي. حاول أن تضع حدوداً واضحة في هذه العلاقة. إذا استمرت في إنكار خيانتها وعدم الاعتراف بمشاعرك، فقد يكون هذا دليلاً على أنها ليست مستعدة للتعامل بشكل ناضج مع الأمور. لا تجعل مشاعرك تجعل منك هدفًا للإيذاء المستمر. بدلاً من التفكير في الانتقام، والذي قد يؤذيك أكثر، ركز على بناء نفسك واستعادة ثقتك بنفسك. يمكنك القيام بذلك من خلال الانخراط في أنشطة تحبها، والاهتمام بنفسك، وتكوين علاقات جديدة مع أشخاص يدعمونك. تذكر أن الله سبحانه وتعالى يختبرنا في حياتنا، وأن الصبر والإرادة القوية يمكن أن يقوداك إلى فرص أفضل في المستقبل. ادعُ الله أن ييسر لك أمورك ويمنحك القدرة على اتخاذ القرار الصحيح.
تم النشر الجمعة، ٢٧ ديسمبر ٢٠٢٤
بص هيا كده بتتسلى انت اسأل نفسك هل انت هترضي تعيش مع واحده خانتك؟واحده اصلا مقدرتش حبك ليها فا دى متستهلش حبك اولا العلاقه محرمه لان دى مش علاقه بترضي ربنا انت هتروح تكلمها وتصارحها وتقولها طول ما انت متأكد انها بتخونك صارحها وحاول تتعامل معاها زى اختك او ايه واحده عاديه يعنى مثلا انا دلوقتي لو قلتلك اوعى تفكر في الأسد الأسود اول حاجه اكيد هتفكر في الأسد الأسود تمام فا انت صارحها وابعد عنها وقرب من ربنا واشكليه ومن ترك امر لله أعطاه فوق ما يتمناه انت لما تسيبها هتعرف بقيمتك صدقنى وحاول تبينلها لو شوفتها تبينلها انك مش فارق معاك ومتفكرش فيها لان هيا لو بتحبك مش هتعمل كده بس كده وربنا يعوضك بالاحسن منها اللي تستاهل حبك
تم النشر الجمعة، ٢٧ ديسمبر ٢٠٢٤
بدام بتكدب بلاش.. وموضوع تروح وترجع تاني ده انت لازم تغض بصرك اول عن اخر، لاي سبب، هو ده المفروض، الاساس، عشان ماتفتكرش حاجة، امر إلهي ليه حكم كتيرة، فانت لو هي صغير ف السن برضو ممكن تسامحها يمكن مراهقة، والا ابعد عنها وهي لو كده هتحاول تظبط معاك
تم النشر السبت، ٢٨ ديسمبر ٢٠٢٤
العلاقه اللي مفيهاش ثقه بين الاثنين عمرها ما بتكون كويسه اكيد مش بتخونك
تم النشر السبت، ٢٨ ديسمبر ٢٠٢٤
عملت كده و بختفي عنها فترات طويله و بعمل بلوكات وكده بس كل م ابعد ارجع القيها بتظهر تاني ف حياتي زي تيجي عندنا تسأل عليا اهلي يجمعنا تجمع عائلي او مناسبه او صدفه و ترجع تكلمني و انا بصراحه بفرح و برجع تاني و كل مره بندم ندم شديد ونفسيتي بتتعب و مش بعرف انام مش عارف اي الحل ولا اعمل اي نفسيتي تعبت و تعبت من التفكير خصوصا اني ف الجيش و بيبقا معايا فون صغير و طول م انا هناك كل الي ع بالي ياتري بتكلم مين او بتعمل اي ولا عارف ابعد ولا عارف اقىب
تم النشر السبت، ٢٨ ديسمبر ٢٠٢٤
دخلت يصحبي و اتفدمت رسمي
تم النشر السبت، ٢٨ ديسمبر ٢٠٢٤
طيب ما أنت كمان بتخون والد البنت دي اللي ممكن يكون قريبك لما تكلم بنته من وراه بدل ما تدخل البيت من بابه وتتقدم لها رسمي
تم النشر السبت، ٢٨ ديسمبر ٢٠٢٤
لعرض السؤال في فدني اضغط هنا