السلام عليكم ورحمة الله.
انا بنت عندي 20 سنه لسه مخطوبه من وقت صغير بس مكنش بموافقتي اخدته غصب، لحد الان ك قرّاءه فاتحه وخطوبه داخله ف اربع شهور ومش عارفه اقتنع بيه، من يوم ما بقا في حياتي وانا علي طول بتعب وبعدت عن ربنا وكل حاجه بعملها برجع للصفر، انا مكنتش كدا، كل مره اجي اسيبه ماما تزعل مني وهي مريضه سكر خايفه يحصلها حاجه اشيل ذنبها، بعد قراءة الفاتحه بيوم حلمت بحد بيعملي سحر وحلم تاني وحش، انا مكنتش عايزه ولا عايزة حد قريبي لان والدتي متجوزه قريبها الل هو بابا بس حياتنا مش احسن حاجه، هو الولد كويس ف حاجات م مهمه اوي، انا كنت عايزة يتقي ربنا فيا لانه بيحاول يتجاوز حدوده وبيكون عايز يلمسني وهو قاعد معايا وكدا حرام وانا مش كدا، خايفه منه اوي ال هو مخفش ربنا فيا، وكمان عيتله مُتفككه ومش بني ادم صالح اوي، كان نفسي ف حد يشدني لطريق ربنا، يحافظ عليا، لما يكون عندي اولاد يكونوا ف مكان كله حُب مش تفكك زي ما انا اتربيت، مش عايزة اولادي يعانوا زي، انا لما بكلمه بحس بغصه في قلبي، وضيق ف نفسي وعصبيه اوي، وهو دايما بحسه بيعايرني بكل حاجه يجبها ليا او يعملها، وبيغير عليا من اختي الصغيره وانا بضايق من كد، انا بقيت بعيده عن ربنا اوي ومش عارفه اقرب وحاسه ربنا زعلان مني، بس انا حاسه اني فاقده الشغف، انا تقريبا عايشه عشان عايشه وخلاص، اتمني حضرتك تفدني لاني كنت هلجا للانتحار، بس خفت من ربنا واللهِ،
من وقت ما اتحرش بيا وانا بكره نفسي وحاسه ان وحشه بس مكنش بمزاجي والله ❤️🩹
بصي ياحبيبتي ماشااله تفكيرك جميل وتستاهلي حد شبهك زي ماقلتي ياخد بايدك للطريق الصح تعينوا بعض ع طاعه ربنا مامتك هتزعل شويه لكن احسن ماترجعيلها مطلقه بعد الشر او عمله ف نفسك حاجه ف حديث عن الرسول صلى الله عليه وسلم بيقول اذا جاءكم من ترضون دينه وخلقه ف زوجوه والشخص دا م كلامك مينطبقش غليه الحديث ف صمكي ع موقفك. وربنا يرزقك بزوق صالح يارب
تم النشر الأحد، ٢٨ أبريل ٢٠٢٤
وعليكم السلام ورحمة الله وبركاته .. اولا ياريت متاخديش حد غصب عنك مهما كان ايه اللي ممكن يحصل. انتي اللي هتتعبي في الاخر، وهتتعبي اللي حواليكي بتعبك. يعني مثلا لو والدتك مش موافقة انك تسبيه علشان عايزة تفرح بيكي، تفتكري ايه اللي ممكن يحصل، لما تروحي لها كل يوم وتكوني زعلانه منه، هل هي هتتبسط؟ ثانيا، شايفة انه متحرش ومكملة ليه؟ يعني اخلاق ومفيش! عيلة كويسة ومفيش! ادب ومفيش! دين ومفيش! اي واحدة هتكون نفسها في شخص يرفعها لفوق، يعني تبقى شخص احسن .. تبقى قريبة من ربنا اكتر. مش شخص ينزلها لتحت .. انتي عايزة تكوني الشخص ده، على حساب زعل ماما، ماما هتزعل اه، بس ياترى هتعمل ايه لما تلاقيكي زعلانه علطول وانتي متجوزاه؟ طيب ليه محكتش ليها على كل التجاوزات ديه؟ سبيه حتى لو الكل قالك كملي، اللي يبعدك عن دينك مفيش فيها اي كلام تاني.
تم النشر السبت، ٢٧ أبريل ٢٠٢٤
لو حصل علاقه كامله مابينكو لازم تتجوزيه علشان الفضايح بعد كدا اطلقي لو محصلش سبيه علشان دا شخص مش محترم
تم النشر الاثنين، ٢٩ أبريل ٢٠٢٤
حبيبت قلبي تعملي في نفسك ليه كده الدنيا مش مستاهلة والجواز مش بالغصب متخافيش مامتك مش هيحصلها حاجة قوليلها على التحرش ده ومفيش أم عايزة مصلحة بنتها هتعرف ان خطيبها كده وهتسكت أول متقوليلها إنه بيحاول يلمسني ويقل أدبه هيا اللي هتقولي سبيه ، نصيحة بالله عليك ارفضي دلوقتي انتي مش اتجوزتي وارتبطي بعيال بلاش تكملي وتكوني كا،هاه وتجيبي عيال ويحصل انفصال وتوظيف حياتك وحياتهم
تم النشر الأحد، ٢٨ أبريل ٢٠٢٤
حاولي تحكلي لمامتك على طريقته في التعامل معاكي عشان مينفعش تكملي مع واحد بالأخلاق دي انتي اللي هتتعبي في الاخر.
تم النشر السبت، ٢٧ أبريل ٢٠٢٤
لو ممتك هتستحمل ممكن تحكلة علي الجواكي.من نحيتو. او ممكن تتكلمي مع حد مثلا ممتك بتقتنع بكلامة. وإلااهم من دا كلو مش تكملي في الجوازة دي وقرأي سورة البقرة كتير بنية الفرج انا حاسة بيكي ولله لان حصلي كدا بالظبط وربنا يعينك .
تم النشر السبت، ٢٧ أبريل ٢٠٢٤
لعرض السؤال في فدني اضغط هنا