السلام عليكم ورحمة الله وبركاته دي تاني سنة ليا في ثانوية عامة إمتحنت أول سنة ومجبتش مجموع فعدتها تحسين علشان أجيب مجموع أحسن وبسبب ظروف مكنتش بقدر أذاكر
وحاليا الإمتحانات فاضل عليها 25يوم وأنا مذاكرتش حاجة أبدًا وخايفة مجيبش مجموع زي السنة الأولي ومش عارفة أعمل إيه؟
أنا نفسي أدخل كلية دار العلوم جامعة القاهرة وبسبب التوزيع الجغرافي مش هعرف لإني من سوهاج ونفسي أدخلها جدا مش عارفه أعمل إيه؟
تحديد الهدف تنظيم وقت إدارة وقت تنظيم جدول مذاكرة التركيز على الهدف النوم المبكر الاكل الصحي التقرب من الله والتوكل عليه
تم النشر الخميس، ٣٠ مايو ٢٠٢٤
متقلقيش 25 يوم مدة كبيرة وكفاية جدا إنك تبدأي مذاكرة وتحسني وضعك في الإمتحانات حطي خطه مراجعة منظمة وركزي على المواد اللي محتاجة تذاكريها أكتر وثقي بنفسك وإن شاء الله هتحققي حلمك ومتقلقيش بخصوص كلية دار العلوم تقدري تقدمي فيها في جامعة المنيا بتقبل من سوهاج كما إن تخصصات كلية دار العلوم مشابهه جدا لتخصصات ودراسة الدراسات الإسلامية في جامعة الأزهر وموجودة في سوهاج وتقدري تقدمي فيها و ممكن تدوري على التخصص اللي عايزاه هتلاقيه كمان في كلية الآداب .. المهم حاليا إنك تعملي اللي عليكي وتراجعي ووقت الرغبات دوري كويس و رتبي رغباتك وإن شاء الله ربنا يوفقك
تم النشر الثلاثاء، ٢٨ مايو ٢٠٢٤
وعليكم السلام ورحمه الله وبركاته بصي يروحي الإنسان لما بياخد خطوه في حياته لزم يكون مدرك أن الخطوه دي فيها خيارين إما النجاح وأما الإخفاق أدركي أن انتي يالي اخترتي طريق النجاح بعد الإخفاق فمضيعيش فرصه انك تنجحي عشان نفسك قبل اي حد انتي الشخص الوحيد يالي فاهم نفسو وعارف ظروفه اين كان تخصصك لزم تبدأي عشان حلمك يالي مستنيكي صدقيني احساس إن حلمك مشي وانك تتحطي في مكان غلط وحياتك مشيه غلط ومجبره فده بحد ذاتو اصعب من انك تعيد الثانويه وتخفقي لسه في وقت متخذليش نفسك هيا مجرد خطوه فرحله انتي عوزه تبقي ايه *التنسيق الجغرافي انشال يقمر بمعني تقدري تدخلي كليه في اي حته انتي عوزاها *لزم ندرك أن احيانن بتبقا اختياراتنا في الحياه غلط ف ربنا بيختار الاحسن لينا وربنا يعينك علي ما هوا قادم ❤️بتوفيق انتا ضد المستحيل انتا قد اي حاجه استمر في المواصله ✊
تم النشر الثلاثاء، ٢٨ مايو ٢٠٢٤
وعليكم السلام ورحمة الله وبركاته! أفهم قلقك وضيقك، والثانوية العامة تجربة مش سهلة، لكن لازم تفضلي هادئة وتعرفي إن الموضوع مش النهاية، بل مجرد خطوة في رحلتك. أول حاجة، خلينا نوضح أولوياتك للفترة الجاية: تركيز المكثف للمذاكرة : حاولي تعملي جدول مكثف للمذاكرة في الفترة الجاية. ابدئي بالمواد اللي بتحبيها أو اللي حاسة إنها أسهل ليكي عشان تدخلي في المود بسرعة. قسمي وقتك بين كل المواد وخودي فترات راحة قصيرة. تنظيم وقتك : حددي أوقات معينة للمذاكرة وأوقات للراحة. أجعلي وقت النوم ثابت عشان عقلك يرتاح وتقدري تركزي. استغلال المصادر المتاحة : استخدمي اللي موجود حواليكي زي مدارسك، الكتب الخارجية، فيديوهات شرح على الإنترنت، وكمان تطبيقات المذاكرة اللي ممكن تساعدك. تحفيز نفسك : فكري في حلمك وهدفك دايمًا وخلّي ده يكون الدافع ليكي إنك تواصلي المذاكرة بقوة. بالنسبة لجزء التوزيع الجغرافي، حتى لو الفكرة برضو أثرت على أحلامك، في حلول تانية ممكن تلاقيها: البحث عن طرق الانتقال : هل فيه سكن جامعي قريب أو وسائل انتقال متاحة؟ التواصل مع الجامعة : احكي الكلية عن مشاكلك يمكن يكون عندهم برامج أو حلول لمساعدتك. بدائل قريبة : فكري في كليات تانية قريبة من نفس المجال يمكن تكون برضو مناسبة ليكي. وأخيرا، إيمانك بنفسك هو أهم حاجة. خليكي متفائلة وواصلي العمل بجد واجتهاد، وربنا هيكرمك بالنتيجة اللي تتمنيها. احنا هنا دايما لو احتاجتي دعم أو نصيحة.
تم النشر الثلاثاء، ٢٨ مايو ٢٠٢٤
لعرض السؤال في فدني اضغط هنا