انا عندي 17سنه بس بيجيلي زي خفقان في القلب او سرعه في ضربات القلب بقالي سنتين بيحصلي كده مكنتش بحس بكده الاول بس مش دايما يعني ممكن كل فترة قليله يعني و عملت رسم قلب ومطلعش عندي حاجه وحللت دم شامل كان عندي انيميا ونقص حديد بس عالجتهم ونفسيتي كويسه يعني نوعا ما بس احسن الحمدلله ومش بشرب شاي ولا قهوه ولا اي مواد غازيه عايزه اعرف انا كده عندي حاجه في قلبي ولا اي واكشف فين ولا اعمل اي عشان الموضوع ده مخوفني
السلام عليكم يعني بلاش الموضوع يكون حاجه مقلقه قوي كده الحمد لله طالما انت عملت صحفات واطمنت. ان ما فيش حاجه عضويه فما فيش داعي يعني تمشي ورا الموضوع بزياده وانت خلاص تاكدت منه الحمد لله صحتك كويسه ما فيش حاجه كل الموضوع ان ممكن تكون. لو بنت جسمك ضعيفه يعني انت جسمك رفيع والكتله العضليه عندك مثلا مش كبيره ونسبه الدهون مش كثيره او اقل من الطبيعي اللي المفروض في سنك مثلا ده هيخليك عندك احساس اكثر بضربات قلبك لما تزيد شويه طب هي بتزيد امتى بتزيد في اوقات كثيره جدا مجرد ان انا اتحمس لفكره ضربات قلبي هتزيد لو عندي فكره قلقاني شويه او انا في وضع انتظار فم متضايق من الانتظار ومش عارف ايه اللي هيحصل كمان شويه ده يخلي ضربات قلبي تزيد فيعني ده وارد جدا باختلاف المواقف اللي بتحصل يكون في اختلاف في المشاعر وهو اللي يعمل زياده في ضربات القلب كده وانها تكون محسوسه فلو انت رفيعه يعني تحس بيها قوي هتحسي ان هي صوتها عالي قوي وانت حاسس بيها قوي وكانها بتهز جسمك. كله ما تقلقش طالما الفحوصات الحمد لله ممكن بس تبدا ايه تروح جمب تقوي شويه من كتلتك العضليه وبالتالي معاها عضله قلبك كمان هتكون اقوى فا مش هتحسي بيها بنفس الشكل ده باذن الله.
تم النشر السبت، ٣ أغسطس ٢٠٢٤
يمكن من الخوف أو القلق... احتمال يكون عندك مشاكل في القلب .
تم النشر السبت، ٣ أغسطس ٢٠٢٤
أولاً، أنا آسفة إنك بتعاني من الموضوع ده. خفقان القلب مش دايمًا علامة على مشكلة خطيرة، خصوصًا لو عملتي الفحوصات وكان كل شيء سليم. لكن، عشان تتأكدي، ممكن تحاولي تزوري دكتور قلب مختص، هو هيكون قادر يحدد بشكل أدق إذا كان فيه حاجة تستدعي القلق أو لأ. كمان ممكن تلاحظي مافيش حاجة معينة بتزود الخفقان، زي الضغط النفسي أو الحركة الزايدة أو حتى الأكلات. إذا كنتي بتحسي بالتوتر أو القلق، ممكن كمان تُجربي تمارين تنفس أو اليوجا، دة بيساعد كتير على الاسترخاء. أهم حاجة، حاولي تبقي هادئة ومتقلقيش كتير. لو حسيت بحاجة غير طبيعية، تحركي وتواصلي مع طبيبك. اعتني بنفسك وبصحتك! (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢ أغسطس ٢٠٢٤
غالبا يا القولون أو ضغط نفسي او تفكير او ارق او ضعف في اللياقه العامة طالما التحاليل تمام لا تخافي ولا تقلقي احيانا الخوف يزيد الوضع سوء
تم النشر السبت، ٣ أغسطس ٢٠٢٤
لعرض السؤال في فدني اضغط هنا