أنا كنت من شهرين تقريبا لسه بادئ شغل ومكنش ساعتها عندي فلوس، وأهلي كانوا بره مصر لأنهم بيشتغلوا هناك وهييجوا أجازة في الصيف.
فبعتوا لي مبلغ على حساب البنك عشان اسحب منه مصاريف للبيت وباقي الفلوس تفضل في البنك لما ييجوا أسحبها لهم.
الفترة دي أنا كنت لسه نازل شغل جديد ومكنتش محوش من الشغل القديم فكنت بصرف من الفلوس اللي محولينها لي ولما لقيت نفسي عمال اصرف بزيادة منها قلت اني اسحبها كلها واديها لأختي تخليها معاها عشان مصرفش منها. لكن منفعش للأسف لأنهم كانوا رافضين، بس كنت ساعتها سحبت من المبلغ 8 آلاف واديتهم لها. وكان المفروض فاضل لهم معايا 12 ألف.
وال12 دول ممكن ارجع منهم 10 بس لأن كان في مصلحة معينة عملتها كانت محتاجة الفين وهم يعرفوها.
وللأسف قعدت اصرف من الفلوس دي لأني مستهتر ومكنتش حاطط في بالي أني المفروض هرجعها لهم بعد شهرين. ولما نزل لي مرتب شهر 5 صرفت منه باستهتار وتبذير برضه لدرجة أني خلصته قبل ما الشهر يخلص. وقبل العيد نزل لي مرتب شهر 6 وبدات ساعتها اعرف أن اهلي هييجوا أول شهر 7 وأنا دلوقتي مش معايا المبلغ اللي المفروض هرجعه لهم.
من أسبوع كده عرفت أنهم جايين النهاردة، فقلت أنا ممكن ادخل في جمعية ب1500 مثلا واقبض الأول ومعنديش مشكلة خالص اني اكمل في الجمعية للآخر اسدد، لكن للأسف ملقتش جمعية كده، وحاولت أعمل واحدة انا وصحابي بس للأسف كنا 3 بس وملقتش ناس تاني تدخل معانا.
وأنا دلوقتي في مشكلة أن أهلي قالوا لي أسحب 7 آلاف من المبلغ اللي سايبينه معايا وأنا طبعا مش معايا المبلغ ده ومش عارف اعمل ايه. عاوز اي طريقة اقدر اجيب بيها المبلغ ده واسدده على كذا شهر في جمعية أو حاجة.
أنا عارف أن الموضوع شبه مستحيل لأني مهمل ومستهتر جدا وعندي تبذير كتير، لكن ربنا ييسر ويفرجها من عنده.
لو حد يقدر يساعدني يبقى جزاه الله خيرا
أولاً، خلينا نشوف الخيارات المتاحة. مش بدايتها إنك تتواصل مع أهلك وتوضح الوضع بالضبط، وتعرض عليهم خطة السداد. ممكن تعمل جدول للتسديد على فترة زمنية محددة، وتوعد نفسك إنك هتتخلص من التبذير وتشد حيلك في الشغل عشان تقدر ترجع الفلوس دي. ثانياً، بشوف إنك تلاقي حد من أصحابك أو قرايبك يقدر يقرضك المبلغ المتبقي. بشرط إنك تتفق معاهم على شروط السداد وتحاول ترجع الفلوس في أسرع وقت ممكن. بص يا غالي، الوضع مش مستحيل. لازم تتحلى بالصبر وتقدم حلول. لو اتخذت الخطوات المناسبة وتعمل بجد، ممكن تقدر تحل المشكلة دي وتسدد الفلوس وترجع ثقة أهلك فيك. ربنا معاك وهتلاقي حل، اتفائل وثق في نفسك. إن شاء الله كل حاجة تمام وتقدر تتخلص من المشكلة دي. ربنا يسهلها عليك ويفرجها ليك.
تم النشر الأحد، ٩ يوليو ٢٠٢٣
صلي علي النبي ٤٠٠٠ صلاة وهتلاقي الحل بسرعة
تم النشر الجمعة، ١ سبتمبر ٢٠٢٣
لعرض السؤال في فدني اضغط هنا