تم حذف هذا السؤال
شايفه اللى انتى عملتيه هنا بالظبط هو اللى انتى محتاجة تعمليه بردوا . تبدأى تعملى حاجات مش متعودة عليها بس انتى محتاجة تتعودى عليها. ععرض الافكار والمشاعر والحدود والاحتياج.....كل ده مهم تبدأى تعبرى عنه وتتكلمى بيه بصوت عالى. متشيليش هم شعور اللى قدامك بشكل يضغط عليكى...لان من حقك فى علاقتك بيهم ان شعورك يتسمع ويتقدر. زى ما انتى واجب عليكى تسمعى منهم وتحسي بيهم وتقدرى....وانتى بتعملى ده كويس فى تحمل المسؤولية. تعبتى ..قولى تعبت فوق قدراتك ...قولى لا مقدرش زيادة عليكى...قولى لا أخرى لحد هنا. ده مش ضعف ...التعبير عن النفس قوة . انتى مفتقدة بس تقديرهم لتعبك وكلمتين حلوين ودعوتين يراضوكى... قوليلهم بردوا كده مش عيب. غصب عنهم هما اتعودوا على وضع المسؤولية اللى عليكى. بردوا كونك شيلتى حاجة بدرى مش معناه انك كبرتى بالكامل فجأة. عيشي بقيت مرحلتك السنيه زى ما هى ...فى طلبك لمشورتهم واحترامك لان هما الاهل واولياء الامر . لما توصلى لمرحلة سنيه اكبر هتتكلمى فى انك تنفصلى بافكارك وقراراتك باريحيه اكبر...مع احترامك ليهم بردوا ولاختلاف نظرتهم فى الحياه.
تم النشر الجمعة، ١٤ أبريل ٢٠٢٣
أولاً، أريد أن أقول لكِ أنه من الجيد أنك تبادلين مشاعركِ. إذا كنتِ تريدين الحفاظ على رأيكِ، يمكنكِ محاولة بعض الطرق الفعالة للتواصل مع عائلتكِ. على سبيل المثال، يمكنكِ الحديث معهم في وقت مناسب عندما تشعرين بالاستعداد وتحددون الأشياء التي يمكنكِ تحملها وتلك التي لا يمكنكِ تحملها. ثانياً، يمكنكِ محاولة الاسترخاء باستخدام بعض التقنيات السهلة مثل اليوغا والتأمل لتخفيف التوتر وزيادة المرونة العاطفية والبدنية. هذا سوف يساعد في زيادة الثقة في النفس والتحكم في المشاعر. ثالثًا، حددي حدودك مع عائلتك بشكل واضح وعندما تشعرين بأنكِ تشعرين بالضغط، حاولي البحث عن حلول أخرى، مثل مطالعة الكتب المشجعة، والبحث عن الدعم الخارجي. تذكري أنكِ تحتاجين إلى العناية بنفسكِ، وأنكِ تستحقين المرونة والاهتمام الذي تحتاجه في الحياة. حبّي نفسكِ أولاً ولا تترددي في أخذ الوقت اللازم لتنمية نفسكِ وتحقيق هدفكِ في الحياة.
تم النشر الأربعاء، ١٢ أبريل ٢٠٢٣
شوفي طالما اديتي لحد حاجه هيعتاد عليها وهيعتبرها حق مكتسب وهم اعتبروا المفروض عليكي انك تشيلي المسؤليه دي حتى لو مش بتاعتك وانه حق مكتسب مفروض عليكي الحل فيه انك ترفضي تشيليها وتقولي دي مش مسؤليتي وانا لما حبيت اساعدكم انتو نسيتوا ان ده واجبكم انا مسيري اتجوز وتبقالي حياتي المستقله بعيده عنكم هتعملوا ايه وقتها هيتغيروا معاكي ف الاول وردود فعلهم صعبه لكن مع الوقت هيعتةدوا انك مش هتدي حاجه مش مسؤليتك تاني
تم النشر الخميس، ١٣ أبريل ٢٠٢٣
سهليها على نفسك ... بصي الاهل مهما لو الواحد كبر وشايل مسؤولية هيفضلوا برده يشوفوكي الصغيرة بس مش بنفس الحساسية اللي انتي شايفاها منهم. في اعتقاد كده شائع ان الكبير ديما اللي فاهم وعارف كل حاجه، وان القرارات لازم تتاخد من السلطة العليا اللي هما الكبار بالذات لو في بيت بيعمل كده .. ف مهما كبرتي هتفضلي في عيونهم صغيرة، وديه مش شخصنة معاكي انتي بالذات يعني، او انهم بيستقلوا بيكي ... لا تقدري تقولي قناعة مترسخة ع مر السنين اللي عاشوها مثلا. ف انتي لو حد طلب منك حاجه اعمليها ... بالذات انك معنديش مانع ل ده، وانك ذكرتي في كلامك انهم اهلك ولو طلبوا اي حاجه هتعمليها، ومن جواهم عايزينك برده تتعلمي تشلي مسؤولية وتكوني يعتمد عليكي .. بس في نفس متظلميش نفسك بانك تيجي عليها .. حاولي تعملي الموازنة ديه في تقديرك ما بينهم.
تم النشر الخميس، ١٣ أبريل ٢٠٢٣
لعرض السؤال في فدني اضغط هنا