ازاي انهي علاقه الطرف التاني متجاهلني و محسسني فيها أن انا تقيله عليه ومش حاببني ولما بساله بيقول أن هو بيحبني وعاوزني ف حياته وانا مش مصدقه أنه فعلا بيحبني وعاوزني وكل شويه يتجاهلني وان انا مش فارقه معاه وانا بحبه ومتعلقه بيه والشعور ده وجعني اووي وعاوزه انهي العلاقه دي بس مش عارفه ازاي ابعد عنه ممكن تقولي اعمل اي
هل الطرف ده خطيبك ولا مجرد ارتباط أو صحوبية؟ إذا مكنش فيه علاقة رسمية بينكم فأنتِ مش محتاجة تسألي إزاي تنهي العلاقة، أنتِ المفروض تاخدي الخطوة وتقطعيها من نفسك. إذا وضعنا على جنب إن العلاقات دي حرام شرعًا في الأساس فخلينا كده نشوف الوضع اللي انتِ فيه ونحكم. شخص أنتِ شايفة إنه بيتجاهلك وشايفكِ تقيلة عليه ومجرد بيقول لك إنه بيحبك وخلاص لما بتسأليه، هل شايفة الشخص ده يستحق التوهان والحيرة اللي انتِ فيها؟ شايفة إنه يستحق لحظة إضافية في حياتك وأنتِ مترددة تاخدي الخطوة وتخرجي من علاقة حرام ومؤذية لك؟ بما إنك مش عارفة تاخدي الخطوة فأنتِ في حالة تعلق مرضي. أنا عارفة إن مشاعرك مش بضغطة زر هتتمسح لكن اللي بشوفه في حالات التعلق دي إن البتر أفضل علاج... مفيش تدرج، مفيش مسكنات، مفيش مبررات وتواصل عشان نلاقي حل يمكن يكون بيحبني بجد ويمكن ويمكن. لأ، بتر على طول. عززي نفسكِ وابعدي عن أي علاقة أو شخص يكون مؤذي أو مش عامل لك اعتبار أو شايفك تسلية لحد ما يمل وبعدين يقول لك مع السلامة، أنا لقيت إن مش هينفع نكمل سوا. خذي قرار واضح وقاطع مع نفسك. ومهما تعبتِ في البعد أو رجع الشخص ده يتحايل عليكِ عشان ترجعي له إياكِ... افتكري إنه حرام وافتكري إنك تستحقي شخص يقدركِ ويحافظ عليكِ.
تم النشر الاثنين، ١٨ نوفمبر ٢٠٢٤
العلاقة اللي مفهاش هات و خد علاقة مستقبلها سئ بحب أشبهها بالحبل لو في أتنين ماسكين حبل و الأتنين بيشدوا الحبل هيتقطع لازم واحد يشد و واحد يسيب رأيي تقوليها صريحة و واضحة أنا حاسة أني مش متقدرة و مليش أهمية و أنا كرامتي متسمحليش بده لو شاريني متحسسنيش بده و أعتبر كلامي أشارة ليك عشان لو عايني تنقذ علاقتنا و لو مفيش تغيير تبعتيله مرة واحدة ربنا يوفقك في حياتك و مش عايزة نتكلم تاني و لو بعت اي حاجة بعدها ولا تردي واعملي بلوك
تم النشر الاثنين، ١٨ نوفمبر ٢٠٢٤
السلام عليكم ...اتمني تكوني بخير بصي ي اختي لو هو فعلا بيحبك عمره م هيعمل كده معاكي واي شي بدايته لا ترضى الله نهايته لن ترضيكي ف هو بيعمل كل ده والتجاهل عشان هو ضامن وجودك وعارف انه ب اقل عذر بتسامحيه ف ابعدي ابعدي فعلا وخليكي واثقه ان الحياه مبتوقفش ع حد مهما كان مين هو لا تكملي حياتك عادي ولا كأنه كان فيها اصلا وبإذن الله ربنا هيجبر بخاطرك
تم النشر الأربعاء، ٢٠ نوفمبر ٢٠٢٤
من الآخر لو العلاقه دى حرام فواجب انك تنهيها أو لو حلال فلازم تسأليه وتتأكدى منو ولو قلك زى ما انتى بتقولى يبقا انتى اللى متشتته أو عندك وسواس فلازم تهدى كده ولا ايه
تم النشر الجمعة، ٢٢ نوفمبر ٢٠٢٤
لعرض السؤال في فدني اضغط هنا