هل لو انا بحب حد وقررت ابعد عنه عشان مغضبش ربنا واتفقت مع الشخص ده على كده بس كل مره بنرجع نتكلم تاني ونسيب بعض ونرجع ننتكلم زائد انه زميلي في الجامعه وبشوفه كل يوم وبيكلمني في السكاشن هل اننا كل شويه نعهد عهد ونخلفه ده حرام
السلام عليكم ورحمة الله وبركاته حضرتك لو عندك نية صادقة فعلا انك مش هترجعيله فعلاً مكنتيش هترجعى بس نيتك متذبذبه او متردده مهش ثابته وكمان العلاقة بين الولد والبنت شات وفون حتى لو قايمة على الاحترام حرام وكمان هى من العوامل ال ممكن تبعدك عن ربنا وبتحسى دايما بحزن اكتئاب مش مرتاحه تقطع فى الصلاة حتى صلاة الفجر ال كنتى بتصليها بسبب العلاقة دى معنتيش تصلى الفجر وردك القران اهملتيه وغيرها من الاشياء فلازم تتوبى توبة نصوح وكمان لما تيجى تدعى متدعيش بلاسم قولى اللهم ارزقنى الزوج الصالح الهين الين
تم النشر الاثنين، ٢٤ مارس ٢٠٢٥
عزيزتي، إن الحب الذي يتجاوز الحدود الشرعية قد يسبب لك الكثير من المشاعر المتناقضة والاضطراب. إذا كنت ترغبين في بناء علاقة حلال، من الضروري أن تكوني صادقة مع نفسك ومع الشخص الآخر. إذا قررتِ الابتعاد عن هذه العلاقة لأنك تشعرين بأنها مغضبة لله، فمن المهم أن تلتزمي بهذه القرار. العهود التي تخلفينها يمكن أن تُعتبر بمثابة عدم احترام لنفسك ولتعاليم دينك. من الجيد أن تحاولي الابتعاد عن المحادثات التي قد تؤدي إلى التجديد في الحب، خاصة إذا كنتِ تواجهين صعوبة في الالتزام بهذا القرار. يمكنك استشارة مختص في المجال الروحي أو التعامل مع العلاقات للمساعدة في هذا المجال. الأهم هو أن تعملي على بناء بيئة إيجابية من حولك، تركزين فيها على دراستك ونفسك. وأحطي نفسك بأصدقاء يدعمونك على اتخاذ القرارات الصحيحة. اتمنى لك التوفيق.
تم النشر الأحد، ٢٣ مارس ٢٠٢٥
انتي جاهدي نفسك وحاولي تبعدي عنه وتقفلي اي مصدر للتواصل بينكم غيري رقم تليفونك وما تديش ليه الرقم وتوبي لربنا من الذنب دا من غير ما تعدي ربنا انك تتوبي وما ترحعيش تاني لانك ممكن ترجعي تاني ودا بيحصل سعتها هتكوني خالفتي العهد مع ربك يكفيكي التوبة والمشاهدة والدعاء واسال ربنا أنه لو خير ليكي يجمع بينكم في الحلال ولو شر ليكي يبعده عنكي ويكتب لكما الخير حيثما كان ربنا يرزقك الحلال الطيب
تم النشر الاثنين، ٢٤ مارس ٢٠٢٥
انا اعرف واحدة واحد معاها في الجامعة برده كان بيحبها فقالها، اديتله رقم باباها وقال ل باباها كل حاجة وطلب انه يخطبها بس مش هيقدر يجيب حاجة غير لما يخلص ويشتغل وفعلا باباها وافق ودلوقتي مخطوبين رسمي بس بدون دبلة. ف كلميه واطلبي منه يكلم باباكي وعادي يكون الدهب بعدين ولو وافق مبروك مقدما، لو لأ يبقى بيتسلى
تم النشر الأحد، ٢٣ مارس ٢٠٢٥
لعرض السؤال في فدني اضغط هنا