إجابة علي السؤال: ينفع الشخص يحب اكتر من واحده

لاء طبعاً مستحييل يحصل دا ... اعجاب ايوا ، ممكن يكون بين اتنين او تلاتة او اكتر كمان لكن حب لاء ، الحب دا بيكون مشاعر موجهة لشخص واحد بس حتي و لو الشخص دا مش مكتمل او فيه عيوب كتير او او او ... بس برغم دا كله و انت معاه بتحس انه لاء انا فعلا مش مكتمل الا بوجودك جمبي ، و اني فعلا مش هكون محتاج حاجة اكتر من اني اكون معاك و بس زي مثلاً هنفترض انك فعلاً بتحب اتنين ... هل يتري انك لقدر الله لما تقع ف مشكلة مثلاً ، هتفكر فيهم هما الاتنين سوا ؟ هتلجأ ليهم هما الاتنين سوا ؟ اكيد طبعاً لاء ، انت هتفكر و هتلجأ لشخص واحد بس و هو الشخص اللي انت بتكون مديله الثقة و حاسس معاه بالامان و الاحترام و مشاعر تانية كتير ، بتكون مُختصرة تحت مُسمي كلمة "الحب" انا معاك انه احيانا الواحد بيكون جواه مشاعر متلغبطة كتير و مش عارف يحدد بالضبط مكانة الشخص دا عنده إيه ؟ لكن وقت م تيجي تحب بجد ، ف هو انت مش بتلاقي نفسك واقع الا لشخص واحد بس . انت ممكن تكون معجب بيهم بس ، و دا رأي الشخصي بس مش اكتر و لا اقل و ممكن برضه تشوف رأي حد تاني ف الموضوع دا يكون عنده وعي اكبر مني ، و يقدر يفيدك ف السؤال دا اكتر مني 🤍

إجابة من 전 아야

تم النشر السبت، ٥ أغسطس ٢٠٢٣

7 تعليق

انا مش عارف تايه بطريقه زباله ومش عارف انا فين ولا اعمل ايه ومعملش اي وابعد ازاي وانسى ازاي انا بقالي حرفيا فوق ال 5 سنين بنسي الاولي واول م شفتها رجعت ديما لعادتها القديمه والله انا ف هم يضحك 😂😂

تم النشر السبت، ٥ أغسطس ٢٠٢٣


طيب مبدأياً بس انا كان عندي تعليق صغنون بس ع فكرة السن دي ، لان الانسان فيه حاجات تانية اهم بكتير من مجرد رقم المفروض ان هو يدور عليها ف الشخص اللي حابب يكمل معاه ، ف مافيش حاجة اسمها اصله دا كبير ! و لا اصله دا صغير ! دا حب !!

تم النشر السبت، ٥ أغسطس ٢٠٢٣


انا قولت ايوا عادي طبعاً انك تقدر "تعجب" ب اكتر من كذا واحدة و ف نفس الوقت كمان ، لكن ك "حب" ف مستحييل انك تقدر تحب اكتر من واحدة

تم النشر السبت، ٥ أغسطس ٢٠٢٣


تمام

تم النشر السبت، ٥ أغسطس ٢٠٢٣


ممكن تحط مشكلتك في سؤال جديد

تم النشر السبت، ٥ أغسطس ٢٠٢٣


الفكره كلها ان فيهم واحده دي كانت حب طفوله ومازال عايش جوايا انا مش عارف اتخلص منه وكل م احس اني خلاص بقيت احسن القي نفسي رجعت للصفر تاني بمجرد نظره او صوت منها هو الفكره بقا انه تقريباً مشاعر من طرف واحد بس انا من جوايا حاسس انه لا وحاسس انها عندها مشاعر ليا بس مش عايزه تقول لانها اكبر مني ب 5 سنين انا دي مش عارف اتخطها حاولت انساها كتير وكنت وصلت لمرحله كويسه رجعتلي الاحلام وان هي اللي بتبدأ تبين مشاعرها ف الاحلام وان هي بتحبني زي م بحبها وديما ملازمني شعور انها ف الاخر هتكون ليا يعني بس انا مش عارف هو انا ليه بحس اني عايز احضنها كل م بشوفها رغم ان كل ده ممكن يكون مشاعر اخوه لان معنديش اخوات بنات وهي كانت جنبي ديما ومعوضه النقص ده مش عارف انا تايه جدا. اما التانيه ف دي كانت جنبي اكتر منها وكانت معايا لحظه بلحظه وانا بنسي وساعدتني كتير وانا فجأة لقيت نفسي حبيتها ويمكن اكتر من الاولي ولو هختار هختارها هي لانها كانت انا كانت الملجأ الوحيد ليا لما الدنيا تهزمني كانت ومازالت كل حاجه بس انا خايف مشاعري ناحيه الأولى تهزمني وانا معاها. المشكله اني مفيش وجه مقارنه بين الاتنين هما الاتنين انا عايزهم ف انا مش عارف اختار

تم النشر السبت، ٥ أغسطس ٢٠٢٣


انتي قولتي ايوا ينفع ومينفعش

تم النشر السبت، ٥ أغسطس ٢٠٢٣

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك