متقلب المزاج ، وبمل بسرعة حتى فى العلاقات ..
ساعات كتير مزاجى بيكون سئ جدا زاى دلوقتى ومابحبش اتعامل مع حد.. وساعات بكون تمام
بتهاجمنى ساعات كتير ذكريات ومواقف سيئة وخوف من المستقبل وندم و افكار سلبية دايما..
ساعات كتير مابعرفش انا عاوز اى ولا قارى نفسيى.. ولما افكر مع نفسى بحس بعدم الرضا عن حياتى عموما...
حاجات كتير مضيقانى وعاوز اغير حياتى بس مابعملش حاجة ف الاخر والوقت يعدى والعمر معاة مالوش معنى..
ربما أنت في حاجة لشغل وقتك وتفكيرك لدرجة تحميك من التفكير المفرط .. الفراغ قاتل .. والشيطان يهاجم المرء في لحظات كهذه حتى يحزنه ويصيبه بكل ما تمر به الآن ومن ثم يكون أبعد ما يكون عن عباداته وربه .. شغل الفراغ هو الحل الأمثل برأيي .. اذهب إلى الصالة الرياضية .. اقرأ كتب .. اسمع بدوكاست .. تعلم مهارة جديدة .. ابحث عن عمل .. سافر .. اذهب إلى مجالس علم .. شاهد وثائقيات متنوعة .. أو افعل أي شيء عدا أن تكون جالسا في فراغ
تم النشر الثلاثاء، ١١ فبراير ٢٠٢٥
اللي ذكرته من أعراض قد يكون اكتئاب وقد يكون قلق وقد يكون اضطراب آخر كاضطراب الشخصية الحدية مثلا، فالاضرابات النفسية متشابهة ومتداخلة . . الذهاب لمختص وطلب المساعدة، هيساعدك تفهم ذاتك وتحدد مشكلتك وتعمل على حلها. إحساسك بالمشكلة أول خطوات حلها. ولكن عليك طلب الدعم.
تم النشر الثلاثاء، ١١ فبراير ٢٠٢٥
عزيزي عبدالرحمن، أولاً، أود أن أؤكد لك أن مشاعرك وتجاربك ليست فريدة، فكثير من الأشخاص يمرون بفترات مماثلة. ما تشعر به قد يكون نتيجة لمزيج من الضغوط النفسية والتوترات الحياتية، ويمكن أن يؤدي ذلك في بعض الأحيان إلى مشاعر الاكتئاب. التقلبات المزاجية وفقدان الاهتمام بالعلاقات ومشاعر النقص وعدم الرضا عن الحياة قد تكون علامات على حالة نفسية تستحق الانتباه. من المهم أن تتعامل مع هذه المشاعر بطريقة صحية، ويمكن أن يساعدك الحديث مع مختص نفسي في فهم ما تمر به بشكل أفضل. إليك بعض الخطوات التي يمكن أن تساعدك في التعامل مع الوضع الحالي: تحديد مصدر المشاعر : حاول أن تكتب ما تشعر به أو تنتبه إلى المواقف التي تؤدي إلى تفاقم مشاعرك السلبية. هذا يمكن أن يساعدك في التعرف على الأنماط. البحث عن الدعم : لا تتردد في مشاركة مشاعرك مع أصدقائك أو عائلتك. أحياناً يكون من المفيد وجود شخص آخر للاستماع لك وفهمك. وضع خطة صغيرة : حدد أهدافًا صغيرة يمكنك البدء بها. قد تكون هذه الأهداف بسيطة، مثل قراءة كتاب أو ممارسة رياضة خفيفة أو الانخراط في نشاط تحبه. الصبر مع نفسك : التغيير يستغرق وقتًا، ومن المهم أن تكون لطيفًا مع نفسك في هذه الفترة. استشارة مختص : إن وجد لديك مشاعر قوية تدل على الاكتئاب، فإن استشارة مختص نفسي يمكن أن يكون خطوة إيجابية، حيث يمكنه مساعدتك على تطوير استراتيجيات جيدة للتعامل مع حالتك. أنت لست وحدك في هذا، وطلب المساعدة هو خطوة شجاعة ومهمة. أتمنى لك أفضل الحظ في مسيرتك نحو تحسين حالتك النفسية.
تم النشر الاثنين، ١٠ فبراير ٢٠٢٥
( ومين قال إن الطير من غير جناح ماينفعش سند؟ يمكن يكون للطير التاني جناحاته وقت التعب ).. جزاكي الله خيرا..
تم النشر الثلاثاء، ١١ فبراير ٢٠٢٥
حضرتك عندك تراكمات نفسية بسبب مشاعر سلبية مريت بيها ومتعاملتش معاها بشكل صحى أدت بيك انك مزاجى واكيد عصبى ،انت محتاج حاجتين مهمين الاولى انك تتعامل مع مشاعرك المكبوتة بشكل صحى زى انك تخصص وقت يومياً لكتابة مشاعرك والأهل انك تسمح بمشاعرك انها تخرج ،ثانيا محتاج تتعرف على نفسك بشكل عميق
تم النشر الخميس، ١٣ فبراير ٢٠٢٥
ok هجرب اكتب اي حاجه، ميرسي جدا لحضراتكم
تم النشر الثلاثاء، ١١ فبراير ٢٠٢٥
ايوا هيا دى شارك اجابتك.. اكتبى اى حاجة عشان تقدرى تسألى بعد كدا
تم النشر الثلاثاء، ١١ فبراير ٢٠٢٥
مش موجود عندي اكتب إجابتك موجود اكتب سؤالك بالتفصيل لتحصل علي إجابه وافيه ودي بجيبها من اسأل مجتمع فدني، وبالنسبه للاجابه ف اللي موجود عندي شارك إجابتك ودي المفروض تجاوب فيها علي الشخص اللي عارض المشكله لحظه طيب أجرب
تم النشر الثلاثاء، ١١ فبراير ٢٠٢٥
تم النشر الثلاثاء، ١١ فبراير ٢٠٢٥
ميرسي لحضرتك وعلي ذوقك، و ربنا يسعدك، إن شاء الله
تم النشر الثلاثاء، ١١ فبراير ٢٠٢٥
مش محتاجة أسف حضرتك.. ان شاء الله تقدرى تتكلمى وتعرضى مشكلتك
تم النشر الثلاثاء، ١١ فبراير ٢٠٢٥
انا اسفه أولا للعارض مشكلته واني جيت وكتبت تعليق ليس رد علي مشكلته، بس يا جماعه انا بقالي كتير مش عارفه انزل مشكلتي كل لما بكتب يبعت الرساله دي (من فضلك قوم بوضع أجابه مفيده وليس تعليقاً) والحقيقه انا محتاجه اتكلم 💔
تم النشر الثلاثاء، ١١ فبراير ٢٠٢٥
شكرا استاذة برقه لكلامك.. كلامك مفيد جدا خصوصا انك بتفكرينى ان احنا لينا هدف من حياتنا وكل تعب يهون لاجل هدفك وما دون الهدف دا مايستحقش ياخد مننا زعل او مجهود.. اللهم ارزقنا الجنه برحمتك يارب
تم النشر الثلاثاء، ١١ فبراير ٢٠٢٥
شكرا استاذة سحر لاهتمامك.. التفكير ف الاشياء السلبية معتقدش ان هو ف ايدينا بمعنى انى مش هقدر امنع نفسى ان التفكير دا يجيلى خصوصا انو بيجى ف وقت المود فية مايكنش لطيف او فى وقت تعب ممكن... النقطة الى ممكن العب عليها فعلا زاى ماقلتى انى اتصالح مع نفسي واتقبلها واحاول تغيرها بدل ما اقعد الومها.. والنقطة الاخيرة فعلا القرب من ربنا سلاح رهيب تقدر تحارب بية ويدافع عنك.. اللهم قربنا اليك قربا جميلا وردنا اليك..
تم النشر الثلاثاء، ١١ فبراير ٢٠٢٥
السلام عليكم ورحمه الله وبركاته أولا أكبر خطأ أننا نفكر في الأشياء السلبية لانك كده بتدمر نفسك حرفياً بايدك يبقى ليه نعمل كده ثانياً حب نفسك اكتر من كده صالح الحاجات الحلوة اللى جواك تلاقى الدنيا فرقت معاك أوى. ثالثاً واهم حاجة لازم نكون قريبين من ربنا اكتر من كده علشان نحس بكل نعمة ربنا عطاها لينا الخلاصة نفكر بشكلٍ اجابى ونبد عن كل الأفكار السلبية
تم النشر الثلاثاء، ١١ فبراير ٢٠٢٥
التفڪير الزايد ده شي عادي عند اي حد بس لو استسلمنا له هنضيع بمعني حاول مع نفسك ڪتير تغير فڪرتك اول شي حب نفسك زي ما أنت علشان تعرف تعالج مشكلتك قرب لي ربنا وثق فيه وادعي واظب علي سورة البقرة لمده ١٥يوم وشوف المعجزات ف حياتك ازي اخرج وخرج نفسك من اللي انت في ارمي اللي ف دماغك ورا ضهرك وعيش من جديد بمعني فكر ف اللي جاي اي وهتمشي حياتك ازي الدنيا ماهي اللي فانيه يعني نڪمل علشان العمل الصالح وبس الباقي سهل بجد إن شاء الله لڪ التوفيق والسكينه وراحه البال يارب العالمين.
تم النشر الثلاثاء، ١١ فبراير ٢٠٢٥
أولا السلام عليكم ورحمة الله وبركاته متخليش الشيطان وأفكاره تدخلك وتستغل لحظه تعبك واكتئابك بأفكار سوداوية ما يمكن المستقبل الجنه حد عارف؟ او ترقيه ف شغلك او بناء بيت قوي يعتز به الإسلام العلماء قالو :اصل كل معصية وغفله الرضا عن النفس، ،،،واصل كل طاعه ومغفرة وعِفه عدم الرضا عن النفس , ادي لنفسك وقت ، واصلا عدم الرضا ده بيبقا جاي من ذكريات ف الماضي بدل ما نسيبها لا ماسكين فيها الذكريات السيئة في الماضي عدت كلها بس قلوبنا لاء سايبه آثر مؤلم فبنتجازي عن الالم والحزن باذن الله شيل نظرتك الجزئية الي هي اصلا مؤلمه وبص لحياتك نظره كليه هتلاقي كتير وانك كويس (وإن تعدوا نعمه الله لا تحصوها) ، كلنا بيجي عالينا أوقات مش عاوزين نكلم ولا نسمع حد لمده ما وللاسف مره ف مره بيتحول لعاده وطبع انا فعلا مش عاوزه حد ف حياتي ولا عاوزه ازعاج خايفه من الااشي ، ده طبيعي جدا ، حاول تكتب كل ده لو ف حد من اهلك قريب اتكلم معاه في حاجات عابره بس ابقي اتكلمت، كنت قراءت أن في دراسه اتعملت بتأكيد ان الأشخاص الي دايما حاسين بالتشتت وعدم الانجاز دي غالبا افضل ناس ناجحه وهكذا ،، بس بجد الي لازم تقف وقفه جامده عندو لو عدم الرضا ف الحياه ده نابع بتقصيرك في علاقتك بربنا، صلاتك اورادك اذكارك قيامك وذكاتك ،لو غير كده ف انت شخص ناجح لا محاله لان وما خلقت الجن والإنس إلا ليعبدون، ،، مفيش حاجه اسمها مفيش معني لعمرك انت لو مش مهم مكنتش اتخلقت ليك دور بسببه خُلقت سواء بقا ف دين او دنيا فكن علي استعداد، التغير بيحتاج وقت تصالح مع فكره انك بشر ضعيف هونها ع نفسك ، بعتذر ع الإطالة،........ ( طير من غير جناح يواسي طير من الطير تعِب ) ف ..أسال الله لك السكينه والعفو .
تم النشر الثلاثاء، ١١ فبراير ٢٠٢٥
كلام اسلام مظبوط..انا ما اخدتش بالى معلش.. اكتبى اجابة مش كومنت زاى ما قال..
تم النشر الثلاثاء، ١١ فبراير ٢٠٢٥
انزلي في اخر الصفحه هتلاقي مكان مكتوب فيه الاجابه اكتبي فيه و بعد كده السؤال هينزل
تم النشر الثلاثاء، ١١ فبراير ٢٠٢٥
لعرض السؤال في فدني اضغط هنا