السلام عليكم.
في الفصل عندنا بيعملوا انتخابات يعني عشان يعينوا الرائد، احنا فصلنا كله بنات، بنتين شاركو في الانتخابات، بنت كانت لسا اول سنه جديده في المدرسة وبنت تاني معنا من ابتدائي،
المهم قبل بقي ما نعمل الانتخابات البنت اللي كانت جايه من مدرسة تانيه، كانت هاديه ومسكينه وطيبه اووووي، عشان كدا الفصل كله اختارها الرائد يعني الامين والبنت اللي من مدرستنا بقيت الامين المساعد،،
بعد الانتخابات بقيت تزعق وتشتم بسبب ومن غير سبب، فكرت نفسها المس،، يعني تزعق وتقول الفصل كله يقف،، وتقعد وتحط رجل علي رجل، البنات اللي فصلنا بيقفوا يعني معرفش ده خوف ولا اسمه ايه، المهم انا هاديه ومش بتكلم والكل عارف كدا،،
مرضتش اقف راحت زعقت وقعدت تشتم وتقول لما ابقي بكلمك تبصيلي، وهتندمي لو موقفتيش انا عندت اكتر قبال عنادها وموقفتش لاني مش غلطانه ومتكلمتش،، راحت ضربت الدسك كان هيتكسر وتقولي والله هروح للأستاذ، راحت للأستاذ وجت وقالتلي جاي والاستاذ مجاش وقتها،،
وحصل نفس الموقف ده لان اتنين من صحباتي كانوا بيسألوا بعض عالساعه، وقالتلي لو مقلتيش هوقفك انتي، الا مرضتش اقول لاني مشفتهمش،،،،،
كانت يعني نرجسيه بشكل كبير جداً،، ولما تيجي تجاوب صوتها ميتسمعش،، ولما ميكنش في استاذ في الفصل صوتها يجيب اخر الدنيا ومحدش منك الفصل بيرضى يتكلم ويقول حاجه،،، ده كان سنه اولي اعدادي،، دلوقتي انا في تانيه وتعملت انتخابات جديده،، والبنت اللي كانت المساعد الامين بقيت الرائد دلوقتي وبنت تانيه امين مساعد،، يعني دي مغروره ومتكبره اكتر منها،، بتعمل نفس اللي بتعمله واكتر، بس انا معندتش معاها لاني عارفاها قصدها علي بنات تاني،،،
بس بقى لما اجاوب اجابتين او تلاته ورا بعض،، تزعق وتزعل جداً،، يعني في مره استاذ الدراسات كان بيسأل وكنا لسا في اول الترم ومذاكره،، جاوبت يمكن تلات اربع اسئله انا بس في الفصل،، راحت زعقت وتقول ايه ده،، الاستاذ قالها مذاكرتيش ليه،،، وعملنا تقييم،، اللي هو الاسبوعي،. جابلنا وقتها سؤال صعب، قفلت فيه انا بس في الفصل،، وهيا جابت سته من عشره،، برضو زعلت وقعدت تزعق،، فاكره انك باخد مكانها لانها باولي طلعت الاولي،
بعدها خدنا تقييم حاسب الي مش بيضاف للموضوع، كان بيصححه وكانت بتدينا الكشاكيل،، جت لحد عندي وقالتلي مش كل مره عشره،، لاني وقتها اخدت تسعه من عشره،،
المهم،، دلوقتي حتي لو مذاكرة مبرضاش اجاوب او اقرأ، بخلي مجهودي للامتحانات مش خوف منها،، هي كدا لسا أصلاً عامله مشكله مع بنت انها حلت المسأله قبلها،، وتقعد بقا تقول في نصايح،، تقول محدش يغش لانه حرام ومش ينفعك، وكلام من ده،، جه وقت امتحانات الشهر وكانت قاعده جمبي بالمقعد،، ووقف قدامها سؤال حلتهولها لاني عارفاه وهي بالمقابل حلتلي سؤال،،
راحت قالتلي معاكي ملخص وقتها كنت بذاكر فيه،، قولتلها ايوه قالتلي هاتيه،، قلتلها احنا في امتحان هتغشي ونا ايه،، قالتلي مفهاش حاجه هاتيه وملكيش دعوه مش هتحصل مشاكل،، قولتلها مش خايفه حد يشوفك، قالت ولا المدير ولا الاستاذ ولا اي حد يقدر يفتح بقو،، قولتلها خدي، ولما اخدته قبل ما تغش ورته للفصل لانها عارفاهم خوافين،، ومش هيقولوا للاستاذ،، ومحدش فعلاً اتكلم ابدا،، يعني منافقه بشكل تقول محدش يغش وهيا تغش،
كان عندنا الاستاذ بتاع العلوم،وكان فيه بنتين جايبين المج الحراري اللي بيخلي الحاجه بحرارتها وجايبين فيه مشروب سخن، عزموا على الاستاذ وهيا راحت ادته المشروب،وبعديها بيومين المدرسه كلها بتقول انها شربت من ورا الاستاذ (طبعاً هيامستحيل تعمل كدا)رغم اني مش بطيقها،بس مصدقتش،،، مره تاني كنت في حصه،، وقتها نسيت تجيب جاكتها وكانت تعبانه،، والله قلعت الجاكيت بتاعي وادتهولها تلبسه،،،
المهم بنت خالي متجوزه عندهم،، يعني تقولها يا مرات عمي،،، بتقولها اني هاديه ومش بتكلم مع حد وشاطره (الكلام ده حقيقي)،، يعني علطول بتقول اني مش بتدخل مع حد او متكبره،، امي قالت لي كدا لانه بنت خالي قالتلها،،، يعني بعد اللي بتعمله ده بتكسف انا اصلا اني اعاند قبالها او اتخانق معاها،، بس هي بتستفزني بصراحه لما تزعل وزعق وتجيب مشاكل من تحت الارض لو حد جاوب قبلها او جاوب سؤال معرفتش تجاوبه، تقلب عليه،
مش عارفه انا اعمل ايه انا لو كنت شقيه او زي باقي البنات مكنتش هتضايق او هزعل، بس انا لما بسكت لما تزعق او تتكبر علي الفصل، بحس اني بظلم نفسي، وكل ما اجي اتكلم او اعترض افكر في نفسي هي مش بتقول عليا حاجه وحشه او بتتكبر معاي، وعارفه انها لما بتزعق بيكون قصدها على بنات تاني،، الحقيقه بتعاملني حلو ومش متكبره معاي، مش عارفه انا غلطانه وبظلمها ولا ايه
السلام عليكم، بعد كم سنة يا أسماء هتكتشفي إن كل دي كانت مواقف تافهة مكنش لازم تشغلي بالك بها، فبقولك من دلوقتي، كبري... أعتقد البنت الأولى خلاص كده هي مبقتش أمين عليكم والمشكلة دي خلصت السنة اللي فاتت؟ مشكلتك حاليا مع البنت اللي بتضايق لو حد جاوب أو ظهر عنها، حاولي تتجنبيها وخلاص وركزي أنتِ في دراستك وحتى لو بتضايق لو جاوبتِ متهتميش وكبري خالص وكملي أنتِ زي ما أنتِ ماشية بطبيعتك وشخصيتك. لو قلبت عليكِ عشان جاوبتِ، عادي كملي في تجنبها، لو حاولت تستغل سلطتها في الفصل مثلا عشان تضايقك وقتها تتكلمي مع أخصائي اجتماعي أو مدرس الفصل. ممكن تكون عامة عندها مشاكل تانية في حياتها وبتنعكس عليكم في الفصل وفي تصرفاتها معكم بس عموما خليكِ في حالك. أهم حاجة أنبهك لها إن بلاش تنحرجي قُدامها فتضطري تساعديها على الغش وأنتِ كمان تعودي تعتمدي على نفسك ولا تستهوني وتقولي مجرد سؤال هآخد إجابته منها وهجاوب لها على سؤال مقابله. بلاش الغش من أساسه، لا تجاوبيها ولا تسلميها كتاب أو مذكرة، عشان متتحمليش ذنب وخلاص. بالتوفيق.
تم النشر الاثنين، ٣ مارس ٢٠٢٥
السلام عليكم ورحمه الله وبركاته. طيب خلينا نقول انت بص عليها على البنت الحاليه دي باصة عليها بصة كامله تعاملاتك معاها انت شخصيا هي ما عنديش مشاكل معاها المشكله في ايه المشكله ان هي في سلوك عندها او في تصرف هي بتعمله مع كل الفصل ويعني على أساس المنصب اللي هي واخداه او الحاجه المكلفه بيها جوه الفصل بتتصرف فيها بشكل غلط فهنا خلينا نقول ان دايما عموما في حياتنا لما نشوف حاجه غلط لازم نرفضها نرفضها ايه بقى الطريقه اللي نرفضها بيها وممكن اكثر من طريقه أقدر اروح للبنت وبما ان احنا علاقتنا كويسه وبنتكلم وفيما بيننا موقف كويسه ممكن اقول لها انت ليه بتزعقي في الفصل كده او ليه بتتصرفي معاهم كده ودي مش احسن طريقه وتقدري تستخدمي طريقه ثانيه لانه يعني في بنات كثير بيكونوا طيبين او هاديين او ممكن يكونوا متضايقين بس مش قادرين يتكلموا فأنا حبيت ان انا انبهك وهي ممكن تسمع منك بما ان هي عندهاش مشاكل معاكي يعني او لكم كلام مع بعض فممكن تتقبل منك دي طريقه اقدر ارفض بيها الحاجه اللي انا شايفاها غلط مش ضروري دايما يكون اعتراضي على الغلط بإني أقف في وسط الناس كلها واقول ايه ده وده غلط لا وما تعمليش كده مش ضروري خلاص كل حاجه وليها اكثر من طريقه والله اقدر برده أتكلم مع المدرس واعرفه انه ده بيحصل في الوقت اللي هو ما بيكونش موجود فيه ودي حاجه بتضايق بقيه البنات ممكن اكون انا مش بتاثر من اللي بيحصل بس بقيه البنات بيتاثروا وهكذا يعني في اكثر من طريقه وده مش هيكون معنا خالص ان انت بتظلميها وانا هنا بتظلمي نفسك اتعاملي معاها لما تكون بتتعامل معاكي زي ما هي بتتعامل الله يتعامل كويس تمام اتعملت معاكي غلط برده اعترضي على الغلط وقولي لها مثلا لا ما تتعامليش معايا بالطريقه دي انا ما بحبش حد يتعامل معايا كده ارفضي الغلط بالطريقه المناسبه وادي اهم حاجه عشان ما تبقيش ظلمتي نفسك ولا ظلمتي حد.
تم النشر الاثنين، ٣ مارس ٢٠٢٥
وعليكم السلام ورحمة الله وبركاته، بجد الموقف ده فكرني بنفسي وانا تقريباً في خامسة ابتدائي لما خلوني امينة الفصل مع اني معرفش هم بيعملوا ايه وكنت فحالي بس عشان كنت شاطرة المهم المنصب ده منفعليش الحمد لله 😂، البنت الاولى دي شكلها بتحب تتحكم فالناس تتمسكن لحد ماتتمكن اوي كويس انها مشيت منه المهم الي موجودة حاليا تصرفها مينفعش هو لو انا واثقة من نفسي مش هبص مين جاوب قبلي في اي حاجة واهدده بعد كده انه ميجاوبش عشان انا اجاوب ده قانون مين ده، شايفة ان خليكي لطيفة مع الكل حلو انك تساعديها في اي موقف الا الغش هي حابة تغش هي وضميرها لكن انك تديها كتابك او مذكرتك تغش انتي بتساعديها ليكي نصيب من الذنب، خليكي كويسة معاها ومتبقيش خوافة شبه الفصل الغريب ده لو زعلتك يا تكلميها بهدوء وتحطيلها حدود يا تشوفي مدرس او مديرة بقا.
تم النشر الأحد، ٢ مارس ٢٠٢٥
وعليكم السلام ورحمة الله وبركاته، أختي أسماء. أفهم تمامًا ما تشعرين به حيال هذه المواقف التي تواجهينها في المدرسة. من الواضح أن الأمر يسبب لك حيرة وقلقًا. من المهم أن نتذكر أن كل شخص له طبيعته، وأحيانًا قد يكون سلوك الآخرين ناتجًا عن عدم الثقة بالنفس أو الرغبة في إثبات الذات. عندما تتصرف زميلتك بطريقة متكبرة أو تنفعل بدون سبب واضح، قد يكون هذا دليلاً على ضعف ثقتها بنفسها واحتياجها للسيطرة على الآخرين لإحساسها بالأمان. ومع ذلك، لا يحق لها أن تؤذي مشاعرك أو تتصرف بطرق تزعجك. الأمر الذي يمكن أن تفعليه هو التركيز على نفسك وإنجازاتك دون النظر إلى سلوك الآخرين. ليس عليك تبرير نجاحك أو تفسير ما يحدث لك. تذكري أن إصرارك على السكون وعدم الرد على استفزازاتها هو دليل على قوتك، ولكن إن شعرتِ أن الأمر أصبح متجاوزًا، فقد يكون من الأفضل التحدث إلى معلمة أو شخص موثوق فيه يمكنه مساعدتك. حافظي على نفسك وثقتك بنفسك، واعلمي أن العالم مليء بأنواع مختلفة من الشخصيات. تذكري أيضًا أن المجال مفتوح لك لتكوني نفسك بحريتك دون تأثيرات سلبية. لا تشعري بالذنب حيال نجاحك، واهتمي بتطوير مهاراتك وتعزيز علاقتك مع من حولك بالطريقة التي تناسبك. إذا احتجتِ إلى المزيد من الدعم أو التوجيه، لا تترددي في طلب المساعدة. أنا هنا لدعمك. وفقك الله في دراستك وفي تعاملاتك مع الآخرين.
تم النشر الأحد، ٢ مارس ٢٠٢٥
اي حد بيطلب مني اي حاجه بدهاله، وهيا قالتلي هاتيه ثانيه، مرصتش اقولها لأ بصراحه
تم النشر الثلاثاء، ٤ مارس ٢٠٢٥
خلى شخصيتك قويه رآيك من دماغك
تم النشر الثلاثاء، ٤ مارس ٢٠٢٥
انتى كده بتسعديها على اللى بتعمله وده حرام عليكى علشان بتظلمى نفسك وغيرك
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا