السلام عليكم من فتره كده جالي صداع وكنت لما باجي انام مش بعرف دماغي بتبقى شغاله وجسمي تعبان وعاوزه انام
وبعدها بكام يوم حسيت كان في مسمار بيدخل في دماغي في جزاء معين فوق حجبي من الجنب يعني جنب وشي الشمال وبيجيلي صداع ولما خدت حبايه محصلش حاجه كان مستمر وحاليا حسيت بردو بوجع في نفس المكان الوجع مش مسمر لكن الصداع بييجي كتير وبيفضل فتره طويله
كنت ساكت عشان كان عندي برد قولت يمكن ده تاثير عادي
بس خايفه يكون في حاجه اصلا جنب واحد بس اللي بيوجعني وكنت حاسه ان الوجع من جوا
الصداع الجزئى ده صداع نصفى ,,جربى اى حاجة للmigrane من الصيدليه لكن عليكى تتبع السبب مثلما ذكرت لكى استاذه هبه
تم النشر الخميس، ١٢ أكتوبر ٢٠٢٣
برائي ما تسكتيش وتروحي تستشيري دكتور مختص افضل من اي حل تاني.. او عالاقل تروحي لصيدلية وتستفسري بالاعراض يلي عندك.. ربنا يشفيكس ويبعد الشر عنك يارب
تم النشر الثلاثاء، ١٠ أكتوبر ٢٠٢٣
أهلًا وسهلًا بكِ.. شفاكِ الله وعافاكِ.. تتعدد أسباب الصداع النصفي الأيسر، ويمكن أن يستمر لبضع ساعات، لكن استمراره هو ما يؤكد أهمية البحث عن المشكلة حتى لا يكون هناك مشكلة صحية أكبر هي المتسببة في ذلك. راجعي عاداتك خلال اليوم، فقد تشارك في ظهور هذا النوع من الصداع: هل تأخذين قسطًا كافيًا من النوم؟ قلة النوم قد تؤدي للشعور بالصداع. هل تتناولين وجباتك بشكل صحي؟ انخفاض نسبة السكر قد تساعد على ظهور هذه الأعراض. الالتهابات والحساسية (المرافقة للبرد والإنفلونزا والتهاب الجيوب الأنفية) تثير الشعور بالصداع في الجانب الأيسر من الدماغ. تناول بعض الأدوية، والشعور بالصداع كأثر جانبي لها. بعض اضطرابات الجهاز الهضمي. لا بد من المتابعة من الطبيب (تخصص المخ والأعصاب) لمعرفة سبب الصداع وإعطائك العلاج المناسب، مع تطبيق بعض العادات التي تساعدك في التخفيف من الصداع؛ مثل: النوم لعدد كاف من الساعات. تناول الطعام في حال عدم تناوله والشعور بانخفاض مستوى السكر. كمادات دافئة. تدليك المكان المصاب. ولكن إذا استمرت الأعراض وصاحبها تشوش في الرؤية أو ازدواجها أو فقدان الوعي أو تنميل يجب الذهاب على الفور للطبيب لمعرفة السببب وراء ذلك. شفاكِ الله وعافاكِ ❤️💕
تم النشر الثلاثاء، ١٠ أكتوبر ٢٠٢٣
بصي يا حببتي طبعا ممكن تكوني شايفه عشان مش عايزه تشيلي اهلك هم ومصاريف وكمان الفتره دي مس كويسه ماديأ انك كدا بنت مطيعه جدا وكويسه جدا بس انتي تعرفي انك هتتحاسبي علي ده؟ لان انتي مش بتطلبي حاجه للترفيه!! انا مش عايزه اقولك الحاله اللي كنت اعرفها من الصداع المستمر وتجاهلت الموضوع حصلها ايه عشان مخضكيش! بس والله والله هتتحاسبي طول مانتي ساكته ربنا هيسألك يوم القيامه ان نفسك دي هتتحاسبي عليها ف مينفعش تأذيها كمان اصلا ربنا بيبعت رزق كل حاجه في وقتها يعني مفيش دروس ولا مدارس الرزق علي القد بظبت جت المدرسه والمدارس بدأ الرزق يوسع شويه،، ربنا اللي بيبعت الرزق في الوقت اللي محتاجين فيه الفلوس يعني لما تحكي لاهبك وتشتكي وتكتبي علي جوجل قدامهم مخاطر الصداع المستمر ربنا هيرزقهم عشان يكشفولك ويجبولك العلاج ف اتمني بجد انك متهمليش في صحتك وان ميجراش حاجه وحشه ان شاء الله وبرجع افكرك تاني انك هتحسابي وهتُسألي وم القيامه
تم النشر الأربعاء، ١١ أكتوبر ٢٠٢٣
خايفه يكون عندي حاجه وابقى هم لاهلي غير ان الماديه الفتره دي مش كويسه خالص مش دي المشكله الوحيده انا بعاني كتير لكن مقدرش اكلم مش عاوزه اشيل اهلي هم 🥰❤
تم النشر الثلاثاء، ١٠ أكتوبر ٢٠٢٣
ضروري جدا تزوري طبيب سمعت عن حالات كتير جدا كان عندهم الصداع ده ولما سابوه ومهتموش بيه طلع مصيبه بجد لازم تكشفي حرام عليكي دي صحتك
تم النشر الثلاثاء، ١٠ أكتوبر ٢٠٢٣
لعرض السؤال في فدني اضغط هنا