زوجي يخونني ودائمًا عصبي ويمد يده عليّ، ماذا أفعل؟

Question

انا متجوزة بقالى 8شهور وبعد 15يوم جوزى كان بيكلم واحده ونا مكنتش اعرف ودلوقتي عرفت جوزى جالو فرصه عمل بره وسافر ف قبل مايسافر انا مكنشي معايا تلفون ولم جى يمشي ادانى تلفون تانى كان معاه علشان اعرف اكلمو وبالصدفه بدور لقيت الاكونت بتاع الفيس بتاعو اتفتح معايا عرفت انو على علاقه مع واحده وبيكلمها كل يوم وبيحبو بعض ولم وريت صورتها لسلفتى بقولها تعرفيها قالت إنها صحبت اخت جوزى وبتيجي هنا البيت والمشكله انها مش هيا البنت الوحيده إلى عندو في بنات تانيه كتير ومن ضمنهم واحده بتكلمو بعد ما اتجوزت ب 15يوم وبتقولو هيا مرتك فين نزلها علشان اعرف اكلمك وبصراحه من بعد ماعرفت كل دا بقيت بقرف منو ولم بيرن عليا مش ببقا عايزه اكلمو وغير كدا هوا عصبي ولم اجي اوجهه في حاجه لازم يغلطنى وبيمد ايدو عليا ف دلوقتي عايزة حل

Accepted Answer

انتي عايزة ايه؟ كل اللى بيعمله دا كان بيعمله من قبل ما يعرفك وفي الخطوبة ، مظهروش في حياته فجأة بعد الجواز ربنا فضحه قصادك، واول حاجة لازم تقوليها لنفسك انها مش غلطتك ولا انتي مسؤولة عن سوء سلوكه و سوء ادبه مافيش راجل محترم هيبقى داخل الجواز جديد ، وواخد معاه كل العلاقات دي ، حتى لو كان له تجارب كتير قبل الجواز، بينوي يتوب ويبدا صفحة جديدة مع زوجته في حلال ربنا .. لكن انه بعد 15 يوم جواز رجع يكلمهم ، يبقى هو عنده خلل كبير في اخلاقه ودينه دي لو هنسميها خيانة ، هتبقى انه بيخون ثقتك فيه، بس قبلها هي ذنوب ومعاصي ، هو اللى بيعملها في حق نفسه .. ولو كان بيحب اي واحدة فيهم كان اتجوزهم ، متصدقيش كلامه معاهم ، كلها لعب بالمشاعر واستغلالهم مش اكتر من كدا المواجهة معاه دلوقتي مش هتفيدك بحاجة ، ممكن يبجح ويقولك انا راجل انا حر اعمل اللي انا عايزه فكري كويس انتي عايزة ايه؟ عايزة تكملي معاه؟ عايزاه يكون اب لولادك بعد كدا؟ لو ايوة ، يبقى هتعتبري كل اللي بيعمله دا في الزبالة ، غلطات وذنوب شايلها في رقبته ، ومتدوريش وراه تاني ، واتعاملي معاه بحسب طريقته في التعامل معاكي، اللى مفروض مبنية على الاحترام المتبادل ورعاية بعض ، اذا هو مسافر برة ، في الغالب هينزل شهر في الاجازة ، يعدي في هدوء ويمشي وانتي هتكوني المسؤولة عن حياتك كاملة وليكي عنده المصاريف، اذا موافقة على نظام العيشة دي خلاص كملي فيها. اما بالنسبة للعصبية والضرب فدي حاجة مينفعش خالص يتسكت عليها ، خدتي موقف واهلك وقفو وقالو طلاق ، وانتي قلتي لا عايزة تكملي ، لازم تعرفي ان اللى بيمد ايده مرة ممكن يمدها تاني وتالت وعاشر وكل مرة بتبقى اسوء من اللى قبلها .. فلو حصل واتكرر دا لازم تاخدي موقف جامد حماية لنفسك وحفاظ على كرامتك لسنين قدام. لو لا مش عايزة او مش هتقدري تكملي، يبقى هتعرفي اهلك باللي بيعمله وسيبي الموضوع يمشي زي ما يمشي، وخدي قبلها سكرين شوت من الشات والكلام اللى بينه وبينهم ووريهم الكلام دا عشان ميرجعش ينكر ويقول دي بتكدب وبتعمل مشكلة وانا معملتش حاجة ... استخيري ، واهتمي بنفسيتك تبقى احسن، واعملي اللى شايفاه الانسب ليكي ولحياتك ، انتي ادرى بظروف حياتك في المكان اللى انتي عايشة فيه ، واذا شايفة ان فيه صفات في شخصيته تخليكي تقدري تكملي حياتك معاه رغم اخطاءه وعيوبه .. يبقى القرار ليكي وانتي الوحيدة اللى هتتحملي نتيجته محدش هيعيش مكانك ولا هيحس باي ظروف هتعيشي فيها ..

Answer

تواصلي معاه بشكل مباشر ولائق وحطي حدود للعلاقه البعد مش هيفيدكم بالعكس هيزود الفجوه بينكم الضرب والاهانه شيء غير مسموح وملوش مبرر ولكن ندور ع الأسباب عشان نقدر نحط حدود واضحه في وقت ما ممكن تضطري تدخلي حد حكيم من الأهل ولو مقدرنيش تفكري بشكل مناسب استشيري متخصص

Answer

لازم تحطي حدود لتصرفاته ودخلى حد من اهلك او من اهله بشرط انه يكون حكيم وكويس لو متغيرش وعاند واستمر فى غلطه نصيحه متجيش على نفسك وتكملى انتى مش هتظلمى نفسك وبس هتظلمى أولادك باختيارك لاب مش سوى ولا عنده اخلاق ولا احترام

زوجي يخونني ودائمًا عصبي ويمد يده عليّ، ماذا أفعل؟

نفسية

اجتماعية

زواج

علاقات

سؤال من احد أعضاء فدني

تم النشر الأربعاء، ٧ أغسطس ٢٠٢٤

5 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك