مش بحب السكر من صغري، كان كل الأطفال بيستمتعوا بالسكريات والكاندي وأنا مش بتقبل طعمهم، إلي الآن مش بقدر آكل حلويات، سكري في أي مشروب اقل من العادي بحوالي ٥ مرات، لو دايخه وحد فكر ينقذني بمايه وسكر بتعب أكتر، لو أكلت حلويات أو سكر زيادة فورا بدوخ وبحس بالتعب، مع العلم مامتي مريضة سكر ومش بتزود سكر في اللي هتاكله او هتشربه بس بابايا الحمدلله سليم وكمان عاشق للسكر والحلويات، أنا اكتر من نصف المشروبات مش بحبها
ياتري ايه الاسباب
بس دي حاجه كويسه جدا الحلويات الكتيره بتتسبب في مشاكل كتيره في جسمنا بس موضوع الدوخه دا غريب ياريت تقيسي السكر عندك
تم النشر الجمعة، ١٢ يوليو ٢٠٢٤
السلام عليكم بصي هي الحاله دي بتكون ممكن من الحالات اللي نسبتها قليله في الاشخاص ولكن هي تعتبر من افضل ليكي لانه تناول اصلا السكر والسكريات وخصوصا الصناعيه بشكل كبير مش حاجه صح لكن طالما بتاخذي السكر بتاعك من الاكلات الطبيعيه فتمام هي اهم حاجه تاخدي بالك منها الليفل بتاع السكر بتاع بتاع الجسم يكون مظبوط لانه مش عشان انت مش بتحبي تاكلي سكريات فمعنى كده انك ما تاخديش اي حاجه فيها سكر السكر الطبيعي هو الاحسن. اييي الفاكهه. والعسل بالنسبه لك افضل حاجه لو حتى مش بتحبي انك تحسي بطعم السكر لوحده فتقدري تدخليهم في وسط اكل. مش هيبلج بطعم السكر ولكن هتبقي اخذت السكر الطبيعي لجسمك محتاج. سببه ايه انا مقدرش اشرح لك سببه يعني طبيا وعلميا لاني ما عنديش المعلومه دي اللي اقدر اشرحها بالشكل ده يعني ولكن هي؟ حاله موجوده عادي وبنسبه الماء فما تقلقيش على نفسك هي مش حاله لا قدر الله مرضيه هي ممكن تكون بس ليها اسباب كيميائيه في الجسم واسباب وراثيه ويكفي انك تعرفي انها مش هتضرك بس انت تاخذي بالك. من انك تاخدي السكر بس بشكل طبيعي؟
تم النشر الجمعة، ١٢ يوليو ٢٠٢٤
أفهم شعورك، وقد تكون الأسباب متعددة ومش دايماً واضحة من أول نظرة. خليني أقولك على بعض الاحتمالات: الحساسية أو التحسس : في ناس بيكون عندهم حساسية تجاه السكريات أو مكونات معينة في الحلويات، ممكن دا يكون سبب شعورك بالتعب والدوخة لما بتستهلكي السكر. الجينات والوراثة : بما إن والدتك مصابة بمرض السكري وتفضلي الأطعمة قليلة السكر، ممكن يكون في عامل وراثي بيؤثر على استهلاكك للسكر. العادات الغذائية : ممكن تكوني اتعودتي من صغرك على تناول الأطعمة غير الحلوة، وده خلاكي مش بتحبي الطعم الحلو قوي. مشاكل في الهضم أو الامتصاص : في بعض الحالات، الجسم ممكن ما يقدرش يهضم أو يمتص السكر بشكل جيد، وده يسبب التعب والدوخة. الحل الأمثل هو إنك تزوري طبيب أو أخصائي تغذية عشان يعملي فحوصات ويقدر يفهم إيه السبب بالضبط وراء حساسيتك للسكر. وكمان ممكن يفيدك بنصائح غذائية تناسب حالتك الصحية وتساعدك على تجنب الأعراض اللي بتشعري بيها. وأهم حاجة، دائماً استمعي لجسمك وما تجبريش نفسك على تناول حاجة بتزعجك!
تم النشر الخميس، ١١ يوليو ٢٠٢٤
بصي انا شخص برضه مبيحبش السكريات بتموعلي نفسي فين وفين علي مثلا ماكل ايس كريم فين وفين كدا اكلي كيكه دا اخري لكن باقي السكريات بتتعبلي نفسيتي كدا بس فكرة انك مبتحبيش السكريات انا بشوفها ميزه بصراحه اصلك كدا كدا حتي لو مكلتيش سكريات تقدري تعوضيها مالنشويات اكيد بتاكلي رز مكرونه بطاطس كدا عوضي بقا فيهم
تم النشر الجمعة، ١٢ يوليو ٢٠٢٤
لعرض السؤال في فدني اضغط هنا