انا زهقان اوي لدرجه اني مش قادر اكلم حد مهما كان قريب مني أو لا مبقاش عندي طاقه افكر في حاجه ودا مآثر علي حياتي اوي مخليني مش عارف اشتغل أو عارف انام كويس انا دخلت في ضغوطات صعبه جدا رغم صغر سني بس انا وقفت وقفه حلوه ومحسستش حد باني ضعيف أو مش قادر بس انا من جوايا بجد مبقتش قادر حاسس ان طاقتي خلصت بزيادة اوي يعني وتعبت من اني مبين اني قوي من برا وتعبت في اني مش قادر اقول انا تعبت
انت اصلا في غني عن الناس ربنا ما يحوجك ليهم... واثبت وخليك قوي واخر اليوم اقلع قناع القوة ده في ركعتين لله قبل الفجر واحكيله كل حاجة وبين ضعفك وتذلل "الذل لله عزة" قرب منه واشغل نفسك بيه واتعلم أسماؤه وخلي لسانك دايما ذاكر ليه صدقني هيكفيك ويغنيك عن الدنيا باللي فيها اعمل ورد سماع للقرآن وأنصت لعلك ترحم.. كمان ورد استغفار تفتح لك أبواب السماء وربنا يعينك علي نفسك ويرزقك الصبر وقوة التحمل ويعوضك بالخير كله
تم النشر السبت، ٤ فبراير ٢٠٢٣
بس مينفعش! مينفعش علطول تفضل تجري تجري وفجأة تكابر وتقول انا مش تعبان .. انا جامد ومش هاممني حاجة والدنيا ماشية طبيعي. وده مش طبيعي .. انت لازم تحس انك تعبان .. انت محتاج ل ده .. محتاج لفترة هدنة مع نفسك علشان تقدر تستعيد طاقتك تاني من الاول. في وقت لازم يجي على الواحد بيبقى محتاج يحس بالضعف شوية .. لاننا كلنا بيحصلنا ده .. الواحد مش هيفضل قوي علطول. قول انا تعبت ... قول انا مش قادر هيحصل ايه يعني! خد هدنة مع نفسك ولوحدك .. واعمل اي حاجة انت بتحبها .. وارجع تاني اشتغل واعمل اللي كنت بتعمله.
تم النشر السبت، ٤ فبراير ٢٠٢٣
لعرض السؤال في فدني اضغط هنا