ممكن نصايح ل اللى داخل تالته ثانوى ؟
مممم ف مواد مش شاطره فيها اوى يعن مثلا الانجليزى والعربى ( النحو والبلاغة ) والفرنساوى مش بيرفيكت اوى فيهم
ومش بعرف اسمع اى فيد ع يوتيوب وخلاص لازم يكون معايا حد متابع عشان اعرف هسمع اى فيد وكدا ف هل اروح الشهر اللى قبل الدراسه دا درس عربى وانجليزى مثلا ولا اعمل اى
وباقى المواد زى الكيمسترى والفيزكيس وهكذا دوم اسمع فيديوز ع يوتيوب بيبق ف ب الكتير 3 فيديوهات بس أو اقل ع ما اعتقد ف هعرف اسمعهم عادى ولا اى ؟
بس انا ضايعه جامد ف العربى والانجلش والفرنساوى عاوزه اظبط كل حاجه قبل اما ابدأ تالته
كلمة مشهور أوي هتسمعيه فى بداية كل سنة من زمايلك و صحباتك أنا مبحبش النحو ، أنا مبحبش الفرنساوي ، أنا مبحبش الإستاتيكا . كل ديه مجرد حجج و لو فضلتي عليها مش هتعرفي تعملي أو تنجزي أو تتقدمي خطوة (أول حاجه تبعدي عنها ) هتسمعي كلام كتير يتضمن إن اليوتيوب لا يفيد من ناحية إنك تذاكري عليه أو تراجعي درس عليه . أحب أقولك أنا حالياً قبل ما أخش أى امتحان بكون مراجع و مأكد المعلومة مع مدرسين معرفهمش أصلا و مش أنا بس ناس كتير من زمايلي و معارفي (تاني ......) أنا ضعيفة فى لغات و قوية فى المواد التانية أعمل أى ؟ هتلاقي ناس كتير تقولك اعرفي القواعد أو اعرفيها المنهج بحيث إنك تبقي عارفه تنجحي بس مش عارفه إزاي يعني بالبلدي حافظ مش فاهم لكن أنا و أى حد بيفهم هيقولك اتعاملي معاها كلغة و هتحبيها زي مبتحبي فلمك المفضل أو وجبتك المفضلة (تالت.......) هتلاقي ناس كتير بتقولك أنا هذاكر الفرنساوي أو اللغة التانية عموماً آخر السنة هيا كده كده تتلم فى يوم . هو كلاموا صح هيا فعلاً تتلم فى يوم و سهله كمان لكن هيخلص الامتحان مش هيفتكر يعني أى أصلا فملكيش دعوه بيهم و جدول منظم مش شرط يكون جدول خارق للطبيعه لا جدول عادي جدآ و ذاكري عليه (رابع.......) شوية نصايح كانو السبب فى إني عديت فى السنة ظي بقوايا النفسية كاملة 1 مسمعتش كلام حد و رافضة تماماً أغير الجدول بتاعي أو طريقة مذاكرتي بنائا على نصيحة أستاذ أو زميل متفوق عني 2 قطعت علاقتي بكل أصدقائي اللي هيعطلوني عن المذاكرة بعد لما فهمتهم الموقف و تقربت من زمايل جدد أعرف اسألهم و يسألوني و نشجع بعض 3 انتظمت بحدود الدين فى التعامل مع زمايلي خصوصاً البنات 4 الصلاة كانت عامل أساسي فى وصولي لهذه اللحظة و أنا مطمئن 5 الثقة فى النفس 6 مسبتش الزعل يتملكني لما بجيب درجة مش عجباني بل كنت بقول اللي وصل للدرجة النهائية ده أتعلم لكن أنا موصلتش للدرجة النهائية فى أيدي أتعلم و أبقى أحسن من غيري 7 مقارنتش نفسي بحد سواء أحسن مني أو اسوء لكن لما جيت أقارن نفسي بحد شوفت واحد أنا عارف إن هو مستواه أعلا مني و حبيت اتخطاه 8 مشيت بمقولة سمعتها محدش هيحبك لو أنت فاشل أنت ذات نفسك مش هتحب نفسك 9 مبخلتش على حد بمعلومة فمحدش بخل عليا بمعلومة عندو سواء كان زميل أو زميلة دايما اعرضي المساعدة لكن طبعاً لو زميل (شاب)لازم تتعاملي معاه بحدود . (هسبلك أربع كلامهم علق فى دماغي من كتر مهو فعلاً مفيد ) بعتذر على الإطالة . بس أظن ده كل حاجه.
تم النشر الاثنين، ٣ يوليو ٢٠٢٣
وأهم حاجه الدعاء وان تسأل الله التوفيق والسداد وقل ربي زدني علما
تم النشر الاثنين، ٣ يوليو ٢٠٢٣
ولازم تعمل جدول من دلوقتي وتحاول تطبقه لو كل اسبوع بند وعود نفسك تصحى بدري ولو صحيت قبل الفجر بنص ساعه وصليت قيام ليل هيبقى فل أوي وابدأ بالحاجه الصعبه الي محتاجه وقت في أول اليوم عشان لما تنجزها تحس انك عملت الي عليك
تم النشر الاثنين، ٣ يوليو ٢٠٢٣
معلش تعالى على نفسك وذاكر درس بدرسه من اول الدراسه وحل مسائل كتير واقرا كتير في الكتب ولو في حاجه مش عارفها أو مش فاهمها اسأل فيها المدرس خليك رخم واعرف كل حاجه عن دراستك خليك ملم بكل تفاصيل المواد وربنا يوفقك ويصلح حالك يارب 🤍
تم النشر الاثنين، ٣ يوليو ٢٠٢٣
لعرض السؤال في فدني اضغط هنا