انا عندي 16 سنه وعندي اخت أكبر مني بسنتين وأخ أصغر مني بسنتين وعايشين مع أم اقل شيء يقال عنها أنها نرجسيه وشايفه ان عشان هي أم يبقى لها الحق انها تدوس علينا عادي ودا بيحصل معظم الوقت
ومن وانا صغيرة جدا وهي بتإذيني جسدياََ لدرجة ان لما كنت ف أولى ابتدائي عشان معرفتش احل مسألة رياضه عورتني ف وشي و الندبه موجوده لحد دلوقتي ومش انا بس اللي بتأذي بالطريقه دي اخواتي كمان وابويا بيحبها ربنا يديمهم لبعض وعمره ما جه ف صفنا حتى لو هي الغلطانه
واخر حاجه النهارده اتخانقت مع اخويا وضربته جامد لدرجة انه عيط جامد وحسيته هيحصله حاجه فدخلت احوش بينهم قالتلي اطلعي برا قولتلها لا مش هطلع عشان متعمليش فيه حاجه قالتلي انتي انتهيتي بالنسبه ليا وموتى كل دا عشان بس حوشت بينهم لأن اخويا مش ضعيف وكان ممكن يمد ايده عليها والحوار يكبر
وبجد هي السبب ف حاجات كتير اوي وحشه بعملها منها اني بعمل سيلف هارم كتير اوي وبقيت بشرب فيب وبحاول ابطل وبجد انا مسلمه وموحده بالله وبحاول اصبر ومخليهاش تزعل مني عشان ربنا ميغضبش عليا بس بجد تعبت جداََ
وكمان ابويا مسافر طول السنه تقريبآ وهي بتنقله الكلام غلط وبيجي علينا احنا ف الاخر ف بجد انا محتاجه طريقه اخليها تبعد عني وتبطل تإذيني عشان بجد الموضوع كبير اوي وبقاله سنين وانا مش عارفه اعمل ايه واسفه على التطويل
عزيزتي، أنا آسفة لما تمرين به، وأقدر مشاركتك لتجربتك الصعبة. من الواضح أن الوضع الذي تعيشينه مع والدتك يؤثر عليك وعلى إخوتك بشكل كبير. إليك بعض الأفكار التي قد تساعدك في التعامل مع هذه الظروف: تقدير نفسك : تذكري أن ما تمرين به ليس خطأك. تأكدي من أنك تستحقين الاحترام والحب والدعم. كوني لطيفة مع نفسك واعتني بها. تواصل مشاعرك : حاولي التعبير عن مشاعرك لأشخاص تثقين بهم مثل الأصدقاء المقربين أو المعلمين أو أي فرد من العائلة. التحدث عن مشاعرك يمكن أن يساعدك على تخفيف الضغط. تواصل مع والدك بحذر : إذا كان بإمكانك، ربما تحاولين التواصل مع والدك عندما يكون متاحًا، وتشاركين معه مشاعرك وما يحدث. قد يحتاج إلى فهم كامل للوضع ليتمكن من اتخاذ إجراء. تحديد الحدود : حاولي تحديد حدود صحية مع والدتك، إذا كان ذلك ممكنًا. يمكنك أن تنبهيها أن بعض الأفعال تجرحك وتؤذيك، ولكن تأكدي من القيام بذلك في لحظة هادئة وليس أثناء النزاع. البحث عن دعم خارجي : إذا كان هناك استشاري أو معالج نفسي يمكنك الالتقاء به في منطقتك، فالفكرة جيدة جدًا. التحدث مع شخص متخصص يمكن أن يساعدك في إيجاد طرق أفضل للتعامل مع مشاعرك وتحسين حالتك النفسية. اللجوء إلى الله : تذكري دائماً أن الدعاء والصبر هما من أسلحتك. اسألي الله أن يمنحك القوة والصبر لتخطي هذه الظروف وأن يرشدك إلى الطريق الصحيح. عزيزتي، أنا هنا لدعمك، وأتمنى أن تتمكني من إيجاد الأمل والسلام الداخلي رغم كل الصعوبات التي تواجهينها.
تم النشر الثلاثاء، ٢٨ يناير ٢٠٢٥
حبيبتى وضع مامتك اكيد بسبب ضغط المسؤولية بسبب سفر بابا مش ضرورى تكون تقصد تأذيكم بس هى طول الوقت مش عاوزه يتقال عليها من اى حد او من بابا انها معرفتش تربى او تعلم ولادها هى كل الكلام ده مبتعرفش تعبر عنه ولا تقوله لذلك بيطلع منها بالتصرفات دى معاكم جربى كده تقوليلها انا حاسه انك مضغوطه ومتقلقيش يا ماما احنا هنخليكى فخوره بينا جربى تقوليلها ..اساعدك فى ايه يا ماما ...او اعملى الحاجة اللى هى عاوزه تعملها على طول من قبل ما تطلبها وتزن عليكم ان شاء الله هتلاقيها اهدى معاكم
تم النشر الثلاثاء، ٢٨ يناير ٢٠٢٥
حاولي تتكلمي معاها بهدوء انتي وأخواتك وتشرحي لها قد اي الطريقه دي بتأثر عليكم وع نفسيتكم بالسلب وأنكم بتحبوها وهتحبوها اكتر لو غيرت من طريقتها شويه ف التعامل معاكم ومتحاولوش تزعلوها ف اي حاجة وادعيلها بالهداية وإن شاء الله خير وف الاول وف الاخر هي مامتكم ولازم تستحملوها
تم النشر الثلاثاء، ٢٨ يناير ٢٠٢٥
ربنا يصبرك عليها
تم النشر الأربعاء، ٢٩ يناير ٢٠٢٥
ودائما خلي عندك مبدأ: "ما لا يمكنك تغييره، تقبله" اللي متعرفش تغيره، اقبله. وتعرف أن الحياة مبنية على النقصان
تم النشر الثلاثاء، ٢٨ يناير ٢٠٢٥
طيب، في ظل غياب القدوة في البيت، إهمال الأم وغياب الوالد، حاولي تتشبثي بأي قدوة في حياتك الواقعية أو حتى على النت. ودا مش هتلاقي صعوبة فيه، لأنك الحمد لله رغم صغر سنك، مدركة المشكلة.
تم النشر الثلاثاء، ٢٨ يناير ٢٠٢٥
ادعي ليها كتير و إن شاء الله بفايده
تم النشر الثلاثاء، ٢٨ يناير ٢٠٢٥
هي فعلاََ اتعرضت للتربيه دي وهي صغيره واسوأ كمان ف أصبحت شايفه انه العادي والطبيعي انها تتعامل بالطريقه دي ومهما اكلمها تقولي هو انا كدا ودي طريقتي بس هحاول اكلمها تاني وان شاء الله المرادي تجيب نتيجة
تم النشر الثلاثاء، ٢٨ يناير ٢٠٢٥
ممكن يكون السبب تربيتها ( أتربت علي كد مثلا ) ف غصب عنها بتنقل ال تعرفه لانها متعرفش غيره ( بشكل لا شعوري ) لكن اكيد ليها اوقات هاديه فيه لو فعلا ف اوقات بتبقى هاديه ( حاولوا تكلموا معاها براحه خالص خالص ) . . كمان طبعا طبعا طبعا و اولا انكم تدعولها كتير اوي اوي و متنسيش أن ربنا قادر ع كل شي . . و ان الصبر شى كويس جدا فادعوا أن ربنا يرزقكم الصبر .. و اولا و اخرا هي امكم .. حاولوا تستحملوها و تدعوا لها ... ربنا يهديها يارب و يصبركم ..
تم النشر الثلاثاء، ٢٨ يناير ٢٠٢٥
انا لما رديت عليها وبعدتها عن اخويا عشان خفت انها تتعب او قلبها يتعب وعشان كمان هو كمان ميحصلوش حاجه ومن ناحية الفيب انا بطلتها من زمان الحمد لله ورجعت اصلي واعرف ربنا تاني ولحد دلوقتي بحاول اصالحها وهي مش راضيه بس الحمد لله يعني كلمت بابا وقالي سيبيها تهدأ وان شاء الأمور تتحل
تم النشر السبت، ١ فبراير ٢٠٢٥
حاولي اقعدي مع باباكي هو الي هيحل كل حاجه كلمي براحه وفهمي الدنيا لأني شايف انك غلطانه لما رديتي على امك وهي بتعاقب اخوكي اي بأيدو يضربها دي وانتي مسمعتيش الكلام الام او الانسان طبيعي لما بيتربى في بيئه قاسيه اهله كانو بيعملو فيه كدا فا فعلا بتبقا حاجه لا شعورية بتخلق جواه عاده انو جميع الاحاسيس والمواقع والي كان بيحصل في طفولتها تطلعو عليكم بس دا مش مبرر انك تشربي ڤيب وتعملي الي مش عارف اي لأ هي ام كانت وحشه معاكم كلموها في وقت ما هي هاديه وصالحوها هاتولها هديه عبرولها انكم بتحبوها وضموها في صفكم اكيد مش بتعاملكم وحش كدا من الباب للطق اكيد عملتو حاجات غلط، المهم انكم تحاولو تضموها في صفكم لقيتو انها مش راضيه او الموضوع هيكبر كلمي والدك بردو نفس الحوار كلمي اخو والدك (عمك)، كلمي اخو مامتك (خالك)، جدك، ستك، اي حد ثقه بتثقي في في العيله وعارفه انو هيساعدك ويقف جنبك، وادعولها.. فعلاَ ادعولها ربنا يحنن قلبها عليكم وتضمكم في حضنها وتحطكم تحت جناحها هي و والدك وبس، طبعا مش بعد كل دا نسيبك تبوظي بردو حته انك تشربي الڤيب والكلام دا بعيد عن ان دي تلاكيك وحجه بأنك شربتيها بسبب والدتكك الا انك ابعدي عن القرف دا انتي انثى، عارفه يعني اي أنثى، يعني بنت من النساء الصالحات المسلمات الي المفروض تكوني في مرتبتهم دلوقتي مش تشربي ڤيب وتستغلي انك مدايقه فتطلعي غضبك وخنقتك في كذا حاجه زي كدا، المهم اكيد وصلتلك الفكره انا عايز اقول اي ربنا يهدي قلبها عليكي هي ووالدك ويحميكم ويهديكي وترجعي للطريق الصح .. يلا إن شاء الله خير ❤✨
تم النشر السبت، ١ فبراير ٢٠٢٥
التجنب .. الدعاء .. الترويح عن النفس والعطف
تم النشر الجمعة، ٣١ يناير ٢٠٢٥
انا بحاول والله ونزلت جيم كذا مرة بس اني اتعامل معاها بشكل يومي بالطريقه دي بيكون صعب جدا بس still بحاول يعني
تم النشر الثلاثاء، ٢٨ يناير ٢٠٢٥
في الوقت اللي مفترض فيه تواجهي، ممكن تعملي حيل نفسية مفيدة، زي أنك تطلعي الطاقة السلبية في الچيم، القراءة، الكتابة، الخروج، الكلام مع صديقة بتحبيها.
تم النشر الثلاثاء، ٢٨ يناير ٢٠٢٥
دي كلها وسائل دفاعية ضارة، فيها هروب م المشكلة.
تم النشر الثلاثاء، ٢٨ يناير ٢٠٢٥
انا فاهمه ان مشاكلي المفروض تفضل مشاكلي ومحملش حد ذنب الحاجات الغلط اللي بعملها بس بجد الوضع مؤذي نفسياََ بشكل لا يتحمله بشر وانا لجأت للvape والسيلف هارم عشان مكلمش ولاد اصلاََ ولا أخون ثقتهم فيا مهما كانو مسببين ليا اذي
تم النشر الثلاثاء، ٢٨ يناير ٢٠٢٥
تقدر الإمكان عاملي والدتك بالبر والإحسان... ما لها عليك دون إفراط أو تفريط.
تم النشر الثلاثاء، ٢٨ يناير ٢٠٢٥
لكن رد فعلك وسلوكك، دا شيء باختيارك وراجع ليك. دا لا يبرر أنك تشربي vabe أو حتى تعملي حاجات غلط وتعلقيها على شماعة الظروف... ودي نقطة مهمة جدا.
تم النشر الثلاثاء، ٢٨ يناير ٢٠٢٥
والدتك، قد يكون زي ما قلت شخصية غير متزنة - ودا شيء أنت لم تختاريه.
تم النشر الثلاثاء، ٢٨ يناير ٢٠٢٥
أول خطوات النضج هي أن تدرك أن أبويك مش معصومين من الخطأ، يعني عادي شخصياتهم فيها defects، وأصعب بلاء طبعا هو أن يبتلى الإنسان في أبويه.
تم النشر الثلاثاء، ٢٨ يناير ٢٠٢٥
لعرض السؤال في فدني اضغط هنا