بتعملوا صداقه سوشيال ميديا ازاي 🥹😂 انا طول حياتي كنت علطول حواليا صحابي وطول اليوم لاقيه ونس ودلوقتي الكليات فرقتنا وكل كلياتنا متعبه جدا و ف مننا اللي مسافر ومبقناش زي الاول وصحاب الكليه هما حلوين وبنحب بعض بس مش شبهي ولا نفس الاتيديود بتاعي وبحس معاهم اني مش لاقيه نفسي .. احساس اني عاوزه صديقه تشاركني حياتي ملازمني اوي بس متعودتش اقول لحد تعالي نتصاحب وفكره الاون لاين مخوفاني اوي لان الميديا مبقتش امان والبنات بعضهم للاسف مبقوش كويسين 🤦♀️والابلكيشنز بخاف اخوض تجربتها تطلع مش كويسه ف هل حد جرب ابلكيشن شات وطلع محترم وامان ؟ 🥹
السوشيال اخطر من الواقع بكتير و لازم تبقي حريصه جدا و مش شرط الصحاب يكونوا شبه بعض احنا بشر و لازم نبقى مختلفين و اهم حاجه بين الصحاب التقدير و ده يكفى يعوض اي اختلاف ما بيننا و بلاش فكرة ال chat applications عشان كلها بلا استثناء شاب داخل يجرجر بنت لأهداف خبيثه او بنت داخله لنفس الهدف يعني محدش هايكون فاضي يدور على صاحب أو صاحبة وانتي من جواكي سالكه و بريئه فا بلاش تدخلي نفسك ف الحوارات دي و اهو احنا هنا كلنا اخواتك يا ستي لحد ما تلاقي صاحبه كويسه ترتاحي معاها
تم النشر الجمعة، ٤ أغسطس ٢٠٢٣
بصي طول عمري في مجال الشير في الوتس لو تعرفيه و انا بقولك ابعدي عن اي شات و صحاب و كل الحجات دي اقسم بالله مش هيجيلك من وراها غير وجع القلب بصي يا يستي انا دخلت السوشيل من سنة ٢٠١٩ و كنت ارمي (فان لفرقة كورية اسمها بتس) تمام و اتعرفت بقي علي كمية ارميز كان عندي ١٠٠٠ وشوية و كلهم صحابي وبتاع تمام اولا لقيت فيهم ولاد كتير لما ركزت ثانيا مؤذيين كلهم بعيد عن ربنا و مجرد اغاني و م بنشجع بعض علي حاجة عدلة و للاسف فضلت ارمي و فضلت معاهم اربع سنين و اعتزلت و رجعت تاني مرة واحدة بس المرة الي اعتزلت فيها كانت بسبب مشكلة دخلتها كبيرة مع شلة كلهم ليهم في الهاك و مكنتش مشكلة صغيرة صراحة خالص المهم لما رجعت رجعت اقوي من الاول وبقي ليا في الهاك و بدات اتعلم حجات كتي رفي الهكر بس انا طلعت من كل الهبل دة و بقولك اهو ولا تجمعي صحاب ولا تعملي حاجة طول منت بعيد والله في نعمةة بصي انا من مجال الشير اتعرفت علي ارمي و منصحكيش بيهم اتعرفت علي اوتاكو لطاف و محترمين و هتلاقي نفسك اتشديتي مرة واحدة بداتي تتابعي انمي و دة من اسوء الحجات الي ممكن تعمليها عندك البنات الي بتحب التركي و المسلسلات بتاعته كلها منصحكيش تعرفيهم بصي الفئة الوحيدة الي بعد ما عرفتها شدوني للاحسن هما الصحبة الصالحة الي كانو قريبيين من ربنا الي بداؤ يدخلوني جروبات دينية بدانا نتابع دورات دينية و دول كانو احسن ناس قابلتهم و حتي بعد ما خرجت من المجال مرضتش امشيهم كل الصحبة الصالحة الكويسيين قولتلهم يفضلو الباقي ممشتهوش والله برضو كلو سيبته لاني كنت واثقة من اني انا الي هشدهم بقي للدين م هما الي هيشدوني تاني لاي حاجة سيئة + في النقطة بقي بتاعت ازاي تتعرفي عليهم انا كان بيتشير لينك رقمي في الاستوريهات مش اكتر و انت بتعملي باك الي هو بتاخدي لينك الي شيرتلك و تشيرلها و هيدخلك البنات الي عندها و هيدخلها البنات الي عندك و يدخلو بقي اعرفو اسم بعض عمركو و منين و سجلو وبعدين بقي اتكلمو في اي وقت في الي يعجبكو بس انا لو ارجع بالزمن كان زماني قفلت والله التلفون دة خالص و رميته في الزبالة👍
تم النشر السبت، ٥ أغسطس ٢٠٢٣
شوفي بجد من الصعب انك تلاقي صديق حقيقي علي النت وأكثر حاجه دلوقتي ممكن متكونش بنت الي بتكلمك تكون واد وبعدين تعرفي بعد ما تعلقتي بيها أنا مش بحب الفكره دي بصدق ومش بنصحك بإي تطبيق لتعارف لانه وحش ممكن يجرك لحاجات تانيه ممكن زي ما قلتلك يبقوا شباب وعملين اكونت بنت
تم النشر الجمعة، ٤ أغسطس ٢٠٢٣
هقولك على تجربتى بما انى بكون صداقات سوشيال من وانا عندى 9 سنين السوشيال اغلبها فيك والناس اللى عليها مش ديما هيبقو صادقين يعنى من بين الف شخص هتلاقى اتنين تلاته بس هم اللى حقيقين وكويسين فعلا كمان هما مش ناس تقدرى تثقى فيهم وتكلميهم عن حياتك او افكارك وبالذات لو اتعلقتى بيهم هيبقى شئ سيئ جدا فنصيحتى سيبك من السوشيال واللى عليه حتى لو معندكيش صحاب ريل اشغلى وقتك بحاجة تفيدك قوى علاقتك بأهلك اعتبريهم اصدقائك
تم النشر الجمعة، ٤ أغسطس ٢٠٢٣
يارب 😂😂
تم النشر الجمعة، ٤ أغسطس ٢٠٢٣
انا فاهمه دا كله وعمري م كنت داعمه للفكره دي بس تقريبا الاجازه هي السبب ف الاحساس دا 😂😂 + شكرا ع رأيك 🩷
تم النشر الجمعة، ٤ أغسطس ٢٠٢٣
تمام ي لوزه شكرا 🩷
تم النشر الجمعة، ٤ أغسطس ٢٠٢٣
🩷🌸
تم النشر الجمعة، ٤ أغسطس ٢٠٢٣
دي مش حياتك دي حياتي 😂😂🤦♀️+ صح استغلي الاجازه ورتبي أفكارك وربنا يوفقك ف حياتك الجامعيه باذن الله 🩷
تم النشر الجمعة، ٤ أغسطس ٢٠٢٣
معلش الاجازه والملل ف البيت وحش أنا كنت بقول اخلص بس تالته ثانوي وهعقد علي التلفون وخرج زهقت من التلفون وبقيت قاعده مع نفسي بحاول اكتشف انا عايزه ايه وبكتشف نفسي
تم النشر الجمعة، ٤ أغسطس ٢٠٢٣
انتي صفحتك ايه علي الفيس وانا هدخل اكلمك
تم النشر الجمعة، ٤ أغسطس ٢٠٢٣
لعرض السؤال في فدني اضغط هنا