مش هقولك لسه بدري اوي علي اللي انتي فيه ده لانه ببساطه شئ محرم عليكي وعلي اللي اكبر منك بس بجد انتي داخله علي المحرمات بدري بدري وانتي في خطر عظيم انتي مش هتحسي بيه غير قدام . تخيلي انك لسه بتبدأي حياتك تبدائيها بمحرمات اتاكدي انك مش هترتاحي في هذا الامر ابدا ابدا طالما انك بداتيه خطا لابد للفتاه اللي في سنك ان تخفظ نفسها وتراقب ربها وتتقي الله في اهلها . لما توصلي لسن الزواج ان شاء الله هتتفاجئي بعد كده ان كل البنات حوليكي مبسوطه باختياراتها وخطوبتها وبتعيش مشاعر حلوه لاول مره تحسها في حياتها وحقيقي بتبقي فرحه بعد انتظار كبير وضبط نفس واتقاء لله طوال حياتها وانتي هتحسي ان كل ده بالنسبالك شعور قديم جربتيه كتير في حياتك مع اشخاص في الحرام وبالتالي ارتباط بارد واكيد ربنا مش هيظلم حد تقي ومحافظ علي نفسه بوحده كانت سيباها سداح مداح ..فاكيد هيبقي حد من نفس الفصيله جرب بنات كتير وعمل كل حاجه في حياته وهيحطك في مقارنات بينك وبين كل اللي كان يعرفهم ومعتقدش انك هتنجحي وسط المقارنات الكتير دي .. الكلام ده كله كلام دنيوي ان الانسان يحافظ علي مشاعره للانسان الحلال اما الدين فانتي بذلك عاصيه لله عز وجل لقوله تعالي" ولا متخذات اخدان" فيا ايتها الفتاه الصغيره اتقي الله في نفسك ولا تسلكي هذا الطريق ابدا وعفي الله عما سلف ..وكملي حياتك في رضا الله وحفظ امانه ثقه اهلك فيكي . اسال الله ان يوفقك لذلك
لعرض الإجابة في فدني اضغط هنا